Chivumbuzi 18:15 - Tonga Bible 1986

¹⁵ Wo ŵasaska vyenivyo, ŵeniwo ŵangusambaskika ndi iyo, ŵamkuma kutari chifukwa cha wofi wa urwirwi wake, kuliya ndi kutenje ŵakuti,

Chivumbuzi 18:15 Referans Kwoze

Chivumbuzi 18:3

Pakuti mitundu yose yamwapo vinyo wa ufyu wa ureŵi wake; ndipo ŵakaronga ŵa panupasi ŵareŵana nayo, ndi ŵamaronda ŵa pasi ŵasambasa pa chifukwa cha nthazi ya chinthemwanthemwa chake.”

Ezekiele 27:31

ŵajimeta maphara chifukwa chaku iwe, kujivwarika vigudulu, ŵaliriya paku iwe mwakuŵaŵa kwa mtima, ndi kutenje kwa kupweteka.

Machitidu gha Ŵakutumika 16:19

Ndipo ŵati ŵawona ambuyake kuti chatuwapo chigomekezgu cha chanduwu chawu, ŵanguŵako Paulo ndi Sila, ndipo ŵanguŵaguziya ku msika wa maronda paurongo pa ŵara;

Marko 11:17

Ndipo wasambizganga, ndi wangunena nawo, “Asi kwalembeka, ‘Nyumba yangu yikazumbulikanga nyumba yakusopiyamo ya mitundu yose?’ Kweni imwe mwayisanduska mphanji ya ŵakupoka.”

Zekariya 11:5

Wo ŵazigula ŵazibaya kwambura kulangika; wo ŵaguliska ŵatiti, ‘Atumbikike Ambuya, chifukwa ndasambazgika!’

Chivumbuzi 18:12

maronda gha golide, ndi gha siliva, gha mwa wakuzirwa, gha zingale, gha bafuta, ndi gha ropa, gha saru zakuwolofoka ndi za mlangari; ndi muti wose wa mkuru, ndi chiyaŵi chose cha munyanga wa njovu, ndi chiyaŵi chose cha ngwembe zakuzirwa ukongwa, ndi cha mkuŵa ndi cha chisulo, ndi cha sangarawe,

Chivumbuzi 18:13

ndi kinamone, ndi nthendero, ndi chema, ndi muro, ndi libani, ndi vinyo, ndi mafuta, ndi ufwa wakuti ng'ibu, ndi ng'ombe, ndi mberere, ndi maronda gha ŵakavalo, ndi gha magareta, ndi gha ŵaŵanda, gho ndi, mauzima gha ŵanthu.

Chivumbuzi 18:14

“Ndipo vipasi vyo mzimu wako ungulakalakiya vyasoŵa kwako, ndipo vyose vyamanyanda ndi vyakuŵala vyamara kwako, ndipo kuti vikasanirikanga so cha!”

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.