Chivumbuzi 18:13 - Tonga Bible 1986

¹³ ndi kinamone, ndi nthendero, ndi chema, ndi muro, ndi libani, ndi vinyo, ndi mafuta, ndi ufwa wakuti ng'ibu, ndi ng'ombe, ndi mberere, ndi maronda gha ŵakavalo, ndi gha magareta, ndi gha ŵaŵanda, gho ndi, mauzima gha ŵanthu.

Chivumbuzi 18:13 Referans Kwoze

Ezekiele 27:13

Javani, Tubala, ndi Mesheke ŵanguchita nawe maronda; ŵanguguliskana ŵanthu ndi viyaŵi vya mkuŵa mu maronda ghako.

Amosi 2:6

Viyo atiti Ambuya: “Chifukwa cha maulakwi ghatatu ghaku Yisraele, ndi wachinayi, kuti ndiwezgenge kulangika kwake cha; chifukwa waguliska murunji ndi siliva, ndi mkavu ndi skapatu ziŵi.

2 Petro 2:3

Ndipo mu chiŵinu ndi mazu ghafuzi ŵakachitiyanga mwinu chanduku; chisusa paku ŵeniwo kutuliya ku mwaka chiura kukotoka, ndi wanangiku wawo uwura kugompho.

Nehemiya 5:8

ndipo ndinguti kwaku wo, “Ifwe uli ndi penipo taŵiya ndi mwaŵi, tawezga ŵabali ŵidu ŵaYuda wo ŵanguguliskika ku mitundu kweni imwe so musaska ŵabali ŵinu kuti ŵaguliskike kwaku ifwe.” Ŵanguja chisisi, ŵengavi kuwona kakukambapo.

Yesaya 50:1

Viyo atiti Ambuya, “Wepani karata wa chipata wa anyoko, mweniyo ndinguŵapatiyapo? Pamwenga nkhu wamateu nunju yo ndingukuguliskako? Ehe, unguguliskika chifukwa cha maulakwi ghako, chifukwa cha mautimabanizi ghako reka anyoko angupatika.

Marangu 24:7

“Asani munthu wasanirika wachiba yumoza wa ŵabali ŵake, ŵanthu ŵaku Yisraele, ndipo asani watumuko kuŵa muŵanda pamwenga watimuguliska, sono yuwa munkhungu watenere kufwa. Viyo mukapeyangamo uheni mukati mwinu.

Chituwa 21:16

“We yose wakuba munthu, manyi watimuguliska pamwenga wasanirika ndi iyo, wabayikenge.

1 Timote 1:10

ŵareŵi, ŵakura ndi ŵanthurumi, ŵachivwamba, ŵatesi, ŵakurapa kwautesi, ndi kose kanyake asani kamikirana ndi chisambizgu chizirima;

Amosi 8:6

mwakuti tiguli ŵakavu ndi siliva ndi ŵakusauka ndi skapatu ziŵi, ndi kuguliska gaga wa trigu?”

Amosi 6:6

wo ŵatumwa vinyo mu mbali, ndi kujitukutizga ndi mafuta ghamampha, kweni kuti ŵe ndi chitima cha ndi pharghaniku laku Yosefe!

Sumu ya Zisumu 5:5

Ndinguyuka kumujuriyako wakwanjiwa wangu, ndipo manja ghangu ghasuruwanga muro, minwe yangu ndi muro wakukhoma, pa vikolera vya mpingirizgu.

Nthanthi 7:17

ndadapo vyakununkhira pa bedi langu vya muro, aloe ndi sinamoni.

2 Mikoka 9:9

Ndipo fumukazi yingupaska karonga matalente gha golide machumi pe chumi pachanya machumi ghaŵi (120) ndi vyakununkhira vinandi ukongwa ndi mya yakuzirwa: kwengavi so vyakununkhira vinyake vyakuzirwa kulingana ndi viya fumukazi yaku Sheba yingupaska Solomoni.

1 ŴaKaronga 10:25

Yose waku wo wanguza ndi chaulera chake, vinthu vya siliva ndi golide, vivwaro muro, minkhwani yachema, ŵakavalo, ndi nyulu vyenivi nandi chirimika ndi chirimika.

1 ŴaKaronga 10:15

kwambura kusazgako gha pade ghakutuwa ku ŵamalonda ndi ŵamalonda ŵakwendayenda, ndi ghakutuwa ku ŵakaronga wose ŵa Arabia ndi kuŵeruzgi ŵa charu.

1 ŴaKaronga 10:10

Pavuli fumukazi yingupaska karonga matalente gha golide machumi pe chumi ndi machumi ghaŵi (120), ndi vyachema vinandi ukongwa, ndi mya ya mtengo wapatali, kuti kunguza so unandi wa vyachema cha pavuli nge ndi vyo fumukazi yaku Sheba yingupaska ku karonga Solomoni.

Marangu 28:68

Ndipo Ambuya akamuwezgiyaninga ku Egipiti mu zingaraŵa, ulendo weniwo ndingupangana kuti mukawendanga so cha, mwenimuwa mwakujiguliska ku ŵakupindikana ŵinu kuŵa ŵaŵanda ŵanthurumi ndi ŵaŵanda ŵanthukazi, kweni pamuwulavi munthu yo wakumugulani.”

Sumu ya Zisumu 1:3

mafuta ghako ghakupaka nga chema, zina lako ndi mafuta ghakupungulika; mu chifukwa cho ŵamwali ŵatukwanja.

1 Mikoka 5:21

Ŵanguyora vyakuŵeta vyawo: agamila vikwi machumi ghankhonde (50,000), mberere vikwi machumi pe chumi ghaŵi ndi machumi ghankhonde (250,000), mbunda machumi pe chumi ghaŵi (200), ndi ŵanthu ŵamoyo vikwi machumi pe chumi (100,000).

Sumu ya Zisumu 3:6

Nchine cho chituza kutuliya ku bozwa, nge ndi mzati wa usi wakununkhira fungu la muro ndi vyakusunkhizga, pamoza ndi vyachema vyose vya ufwa wa wakuguliska?

Chivumbuzi 18:14

“Ndipo vipasi vyo mzimu wako ungulakalakiya vyasoŵa kwako, ndipo vyose vyamanyanda ndi vyakuŵala vyamara kwako, ndipo kuti vikasanirikanga so cha!”

Chivumbuzi 18:15

Wo ŵasaska vyenivyo, ŵeniwo ŵangusambaskika ndi iyo, ŵamkuma kutari chifukwa cha wofi wa urwirwi wake, kuliya ndi kutenje ŵakuti,