Chivumbuzi 17:9 - Tonga Bible 1986

⁹ Panu pe chinjeru chakuŵa ndi zeru! Mitu yo yinkhonde ndi yiŵi ndi mapiri ghankhonde ndi ghaŵi, paku ghenigho waja munthukazi yo;

Chivumbuzi 17:9 Referans Kwoze

Chivumbuzi 13:18

Panu pe zeru: yowawamo, wapime muŵerengu wa chikoku cho; chifukwa muŵerengu ngwa munthu; ndipo muŵerengu wake ndi machumi pe chumi ghankhonde ndi limoza pachanya machumi ghankhonde ndi limoza ndi vinkhonde ndi chimoza (666).

Chivumbuzi 17:7

Kweni mungelo yo wangunena nane, “Urwitiyanji na? Ine ndi kuneniyenge ungari wa munthukazi yo, ndi wa chikoku chakumunyamuwa, cho che ndi mitu yinkhonde ndi yiŵi ndi sengwe chumi.

Chivumbuzi 17:18

Kweni munthukazi yo unguwona ndi msumba ukuru wo, weniwo we ndi muwusu pa ŵakaronga ŵa charu chapasi.”

Chivumbuzi 17:3

Ndipo mu Mzimu wangundinyamuliya ku bozwa: ndipo ndinguwona munthukazi wakukwera pa chikoku chakufyuŵara, chakuzazika ndi mazina ghakutuka, chakuŵa ndi mitu yinkhonde ndi yiŵi ndi sengwe chumi.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Mateyu 24:15

“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo),

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Danyele 12:4

Kweni iwe Danyele usunge mazu yagha ndi uzighiriye buku mpaka nyengo ya umari. Wanandi ŵachimbiriyenge uku ndi uku, ndipo vinjeru vyazamkuwa.”