Chivumbuzi 17:4 - Tonga Bible 1986

⁴ Ndipo munthukazi iyo wanguvwara ropa ndi mlangari, wangumatika ndi golide ndi myayakuzirwa ndi zingale; ndipo wenga ndi chandi cha golide mu janja lake, cho chinguzazika ndi maunyakazi, ndi maukazuzi gha ureŵi wake;

Chivumbuzi 17:4 Referans Kwoze

Chivumbuzi 18:16

“Owe! Owe! msumba wo ukuru, wo unguvwara bafuta ndi ropa ndimlangari; unguzgangika ndi golide ndi mya yakuzirwa ndi ngale!

Yeremiya 51:7

Babiloni wenga chandi cha golide mu janja la Ambuya, wakuloŵereska charu chose chapasi; mitundu yingumwa vinyo wake, chifukwa cho mitundu yingufuntha.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 18:12

maronda gha golide, ndi gha siliva, gha mwa wakuzirwa, gha zingale, gha bafuta, ndi gha ropa, gha saru zakuwolofoka ndi za mlangari; ndi muti wose wa mkuru, ndi chiyaŵi chose cha munyanga wa njovu, ndi chiyaŵi chose cha ngwembe zakuzirwa ukongwa, ndi cha mkuŵa ndi cha chisulo, ndi cha sangarawe,

Chitenje 1:9

Unyakazi wake wenga mu vivwalo vyake, kuti wangughanaghanako gha phasulu lake cha; chifukwa cho kubwanganduka kwake nkhwakofya, walivi msangaruski. “Ambuya mwe, teskani suzgu yangu, pakuti murwani waphanda!”

Chivumbuzi 14:8

Ndipo munyake, mungelo wachiŵi, wangurondo, wakuti, “Wawa! Wawa Babiloni mukuru yo! yo wangumweska mitundu yose vinyo wa ufyu wa ureŵi wake.”

Danyele 11:38

Wakankhuskenge chiuta wa malinga mu malo mwaku yaŵa; chiuta yo awiske ŵengavi kumuziŵa, wakankhuskenge golide ndi siliva, mya yakuzirwa ndi vyawanangwa vya mtengo wapachanya.

Ezekiele 24:13

Uloso wake nkhufipiskika kwa ukazuzi wako. Chifukwa ndingwesa kukusuka kuti ungutozgeka cha kukufipirwa kwako, ndipo kuti ukatozgekanga so cha mpaka penipo ine ndakhorwa ndi kukara kwangu paku iwe.

Ezekiele 24:11

Sono jarika mumphika wambura kanthu pa maka, alinga kuti ufye, ndipo mkuŵa wake ufye, mwakuti kufipa kwake kusongonokemo, uloso wake umare.

1 ŴaKaronga 14:24

ndipo mwenga so ŵanthurumi ŵakusopa ŵareŵi mu charu. Wanguchita kwakulingana ndi ukazuzi wose wamitundu yo Ambuya angudikiska paurongo pa ŵaYisraele.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Ezra 9:11

Gho mungulanguliya mu ŵateŵeti ŵinu ŵamchimi kuti charu cho muyako kwachihara, ndi charu cha ukazuzi, chakufipiskika ndi ŵeneko ŵacharu ŵija wo ŵazaza charu kosekose ndi uheni wawo.

Ezekiele 20:30

Chifukwa cho kamba ku nyumba yaku Yisraele, viyo atiti Ambuya Chiuta: Kumbi mukajikazuzganga kwakuyana ndi malusu gha auskemwe pakurondo maunyakazi ghawo?

2 ŴaKaronga 21:2

Ndipo wanguchita cho chenga chihene mu maso gha Ambuya, kwakuyana ndi machitidu gha ukazuzi wa mitundu yo Ambuya angudikiskamo paurongo pa ŵaYisraele.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Marangu 29:17

ndipo mwawona vinthu vyawo vyambura kurghika, ŵangoza ŵawo ŵa miti ndi ŵa mya, ŵa siliva ndi golide wo ŵenga mukati mwawo.

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Ezekiele 28:13

Unguŵa mu Edeni, mu munda waku Chiuta; mya yose yakuzirwa yenga chakuvwinkha chako, karneliani, topazi, jaspere, krusolite, berulo, ndi onike, safire, karbanike, ndi emaraldi; vyakujarika ndi vyakuchita kuzganga vinguchitika ndi golide. Pa zuŵa lo iwe ungulengeke ivi vingurongosoleke.

Chivumbuzi 9:21

ndipo kuti ŵangubezga cha ku maumbanda chingana nkhu vyanusi, chingana nkhu ureŵi, chingana nkhu maunkhungu ghawo.

Chivumbuzi 21:21

Ndipo malikomo gho chumi ndi ghaŵi ghenga ngale chumi ndi ziŵi; kosekose khomu lose lenga la mtundu umoza wa ngale; ndi mseu wa msumba wenga wa golide lakutowa, lakulangaliya ulaka ndi galase.