Chivumbuzi 17:17 - Tonga Bible 1986

¹⁷ Chifukwa Chiuta wakuŵikiya limu mu mitima yawo kuchita khumbo lake, ndi kuchita khumbo limoza, kupaska ufumu wawo ku chikoku, mpaka po mazu ghaku Chiuta ghafiskika.

Chivumbuzi 17:17 Referans Kwoze

Chivumbuzi 10:7

kweni kuti mu mazuŵa gha mazu gha mungelo wachinkhonde ndi chiŵi yo, penipo wamkumba mbata, po ndipo ghakafiskikanga mangari ghaku Chiuta, uli ndimo wanguŵanduliya umampha ŵaŵanda ŵake ŵamchimiwo.

2 ŴaKorinte 8:16

Kweni wawongeke Chiuta, yo waŵikamu mtima waku Tito linweka lenilo pe lapa chifwa chaku imwe.

Yohane 13:2

Ndipo wachoneska diabolo yo wati waŵikamo kali mu mtima waku Yuda mKeriote, mwana waku Simoni, kuti wampachiye.

Yeremiya 32:40

Ndikapangananga nawo phanganu la muyaya, lakuti ine kuti ndikatuwangako cha ku kuŵachitiya umampha iwo; ndipo ndikaŵikangamo kopa mu mitima yawo, ndipo kuti ŵakatuwangako cha kwangu.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Ezra 7:27

Atumbikike Ambuya Chiuta wa ŵambuyafwe, yo wanguŵika chinthu cha viyo mu mtima wa karonga, kutozga nyumba yaku Chiuta mu Yerusalemu;

Chivumbuzi 17:13

Yaŵa ŵe nalo khumbo limoza, ndipo ŵapaska ku chikoku cho nthazi yawo ndi mtufuwawo.

Yohane 13:18

Kuti ndinena imwe mose cha; ine ndiziŵa wo ndatondo: kweni kuti lifiskike lembo lo, ‘Wakurgha chiŵande pamoza nane wasoske paku ine chitende chake.’

Luka 22:22

Pakuti nadi Mwana wa munthu waruta, kwakulingana ndi chakutemeka: kweni owe kwaku yo munthu, mwaku mweniyo wakomboleke!”

Sumu 105:25

Anguchitiska ŵaEgipiti ŵatinkhenge ŵanthu ŵawo, ndi kuchitiya ukazuzi ŵateŵeti ŵawo.

Chivumbuzi 15:1

Ndinguwona munthondwi unyake kuchanya, ukuru ndi wakuziziswa, ŵangelo ŵankhonde ndi ŵaŵi, ŵenga ndi videru vinkhonde ndi viŵi vyakumariya, mwaku vyenivyo ndimu kamarizgikiya kandundu kaku Chiuta.

Yohane 19:28

Pavuli paku cho Yesu, pakuziwa kuti sono vyafiskika vyose mwakuti lifiskike lembo lo, watiti, “Nde ndi nyota.”

Yohane 19:24

Viyo ŵangunenerana, “Tingaliparuwa ili cha, kweni tilipenduzge, liŵe laku yani,” alinga lifiskike lembo lo lakuti, “Wangugaŵizgana munjirira yangu, ndipo pa chivwaru changu wangupong'a mphenduzga.” Ndipo ichi ndicho ŵanguchita ŵankhondo.

Yohane 10:35

Tiziŵa kuti cho malemba nchakuneneska muyaya; ŵanguŵazumbuwa iwo ŵachiuta. Ŵanthu, kwaku ŵeniwo ghanguziya mazu ghaku Chiuta.

Luka 22:37

Chifukwa ndikuneniyani, kuti chakulembeka chenichi chitene kufiskikiya mwaku ine, ‘Wangupendeke pamoza ndi ŵaziradangu:’ chifukwa so cho cha paku ine che nawo umari.”

Luka 22:3

Ndipo Satana wangusere mwaku Yuda, wakutamulika mKeriote, wakuŵa mu kupendeka kwa chumi ndi ŵaŵi wo.

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Nthanthi 19:21

Maghanoghano nganandi mu muwongo wa munthu, kweni nchenicho chakukhumba Ambuya cho chikachitikanga.

Chivumbuzi 6:11

Ndipo kwaku yose waku iwo kungupaskika khanju lituŵa: ndipo kunguneneka kwaku wo, kuti ŵapumuwepo nyengo yimanavi so, mpaka ŵafiskike ŵakuteŵeta ŵanyawo ndi ŵabali ŵawo, wo kungwenere kubayika nge ndiwo.

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”