Chivumbuzi 17:14 - Tonga Bible 1986

¹⁴ Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 17:14 Referans Kwoze

ŴaRoma 8:30

ndipo wo wanguteme limu, ŵeniwo nawo wangudana: ndipo wo wangudana, ŵeniwo nawo wangurunjiska; ndipo wo wangurunjiska, ŵeniwo nawo wangukankhuska.

1 Timote 6:15

chenicho mu nyengo zake zeneko wakachirongonga Wanthazi yo, wakutumbikika ndi wayija, Karonga yo wa ŵakaronga, ndi mweneko wa ŵakweni;

Mateyu 22:14

Chifukwa mbanandi ŵakudanika, kweni ŵakusankhika mbamanavi.”

Chivumbuzi 3:21

Yo wapunda ndimpaskenge kwachija pamoza nane pa chitengu changu chaufumu uli ndimo ine nane ndikupundiya, ndipo ndija pasi pamoza ndi Ada pa chitengu chawo chaufumu.

Chivumbuzi 1:5

ndi kutuwa kwaku Yesu Kristu, kaboni yo wamagomekezgeka, wakupapika wachimoza wamu ŵakufwa, ndi wakuwusa wa ŵakaronga ŵapanupasi. Kwaku Mweniyo watanja ifwe, ndi wangutifwatuwa ku vyakulakwa vidu mu ndopa zake;

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 16:14

Pakuti mbazimu ŵa ŵademone ŵakuchita minthondwi; wo ŵatenda mu ŵakaronga ŵa charu chose panupasi, kuŵaungang'iya ku nkhondo yo ya zuŵa likuru laku Chiuta Wanthazizose.

1 ŴaKorinte 15:24

Pavuli po pe umari, penipo wampereka ufumu wo kwaku Chiuta Dada iyo, penipo wamwayuwa ura wose ndi mtufu wose ndi nthazi.

ŴaRoma 8:37

Awa! Mwaku vyenivi yose tiruskiya kupunda mwaku yo wangutanja.

Mateyu 28:18

Ndipo Yesu wanguza, wangurongoro nawo, wakuti, “Wapaskika kwaku ine mtufu wose kuchanya ndi panupasi.

Yeremiya 1:19

Ŵakarwananga nawe kweni kuti ŵakakupundanga cha pakuti ine nde nawe pamoza kukupozomoska,” atiti Ambuya.

Chivumbuzi 11:7

Ndipo ŵatakuti ŵafiska chisimisimi chawo, chikoku cho chakukwera mu chizenje cho chikachitanga nawo nkhondo, ndi kuŵagoda, ndi kuŵabaya.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

2 Timote 2:4

Palive wankhondo yo wapota homwa wajiwizga mu milimu ya umoyo wuno, pakuti fundu yake, njakuti wakhorweske wakumlemba.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Sumu 110:5

Ambuya ŵe kuchiri kumarghe ghako; akathereskanga ŵakaronga pa zuŵa la ukari wawo.

Yohane 15:16

Kuti ndimwe mungusankha ine cha, kweni ndine ndingusankha imwe, ndipo ndingukumikani, kuti mukapase vipasi, ndi kuti vipasi vinu vijaririye; alinga kuti chose cho mungapempha Dada mu zina langu, wakupaskeninge.

Mateyu 25:40

Ndipo karonga yo wakwamuka wanenenge kwaku wo, ‘Ndikuneneskiyani, mwenimo munguchitiya yumoza waku wo ŵabali ŵangu, ŵamanako wo, munguchitiya ine.’

Zekariya 2:8

Chifukwa atiti viyo Ambuya ŵa maŵanja, pavuli pa unkhankhu wawo angundituma ku mitundu yo yingumuskoŵani; chifukwa yo wakwaska imwe, ndikwesa wakwaska mboni ya jiso lawo:

Yeremiya 50:44

“Ehe, ulaka ndi nkharamu yituwa mu lisuwa la Yordane kuziya pa khora la mberere lakukho, ine ruŵiruŵi ndikaŵachiskanga kumuthaŵa; ndipo ndikamikanga yose yo ndinghasankha kuŵa pachanya pake. Pakuti njani yo walingana ndi ine? Njani yo walimbanenge nane? Muliska njani yo wangama paurongo pangu?

Danyele 7:21

Ndichilereska, sengwe ili lingurwa nkhondo ndi ŵatuŵa ŵaku Chiuta, ndi linguŵapunda.

Yeremiya 1:15

Pakuti, ehe, ndikadananga makhamu ghose gha maufumu ghaku nkhonde, atiti Ambuya; ŵakazanga, ndipo we yose wazamuŵika chitengo chake pakuserere pa malikomo gha Yerusalemu kunyekezga ku malinga ghake kwakuzunguliya kose ndi pa mizi yose yaku Yuda.

ŴaRoma 1:6

mwaku weniwo imwe namwe mudanikiya kuŵa ŵaku Yesu Kristu.

Chivumbuzi 2:13

“ ‘Ndiziŵa po uja, nadi po pe chitengu-chaufumu chaku Satana, ndipo ukoreska ndi nthazi Zina langu, kuti wakana cha chivwanu changu, chingana ndi mu mazuŵa ghaku Antipase, kaboni wangu wamagomekezgeka, mweniyo wangubayika mukati mwinu, ko waja Satana.