Chivumbuzi 17:12 - Tonga Bible 1986

¹² Sengwe chumi zounguwona, mbakaronga chumi, ŵeniwo ŵandaronde ufumu; kweni ŵarondenge mtufu nge mbakaronga, kwa ora limoza pamoza ndi chikoku cho.

Chivumbuzi 17:12 Referans Kwoze

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Danyele 7:24

Masengwe chumi, ndiko kuti, mu ufumu uwu ŵayukengemo ŵakaronga chumi, ndipo pavuli paku wo, payukenge karonga munyake yo wakapambananga ndi ŵakudanga ndi wathereskenge ŵakaronga ŵatatu.

Chivumbuzi 17:16

Ndipo sengwe chumi zo, zenizo unguwona, ndi chikoku cho, yaŵa ŵakatinkhanga munthukazi-mureŵi yo, ndipo ŵamsanduskenge wamapopa ndi wankhuli, ndipo ŵarghenge nyama yake, ndi ŵamochenge limu ndi moto.

Danyele 7:20

ndi masengwe chumi gho ghenga mu mutu wake, sengwe limoza lingubuka ndipo paurongo paku lo; masengwe ghatatu ghangubonthoka, sengwe lo lenga ndi maso ndi mlomo wo unguŵereŵeta vinthu vikuru, ndipo lenilo linguwoneka kuŵa likuru kuruska ghanyake.

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.

Chivumbuzi 18:17

Pakuti mu ora limoza usambasi weni ukuru waviyo wapopeskeka.” Ndipo ŵeni vyombo wose, ndi ŵalowosi wose, ndi ŵamlima nyanja, ndi wo wose ŵatakatakiya pa nyanja, ŵamanga kutari,

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Chivumbuzi 10:11

Ndipo wangunena nane, “Kutenere iwe kuchimiya vyapa makamu ndi mitundu ndi marongororedu ndi ŵakaronga.”