Chivumbuzi 16:7 - Tonga Bible 1986

⁷ Ndipo ndinguvwa kukambura kwa jochero, latinge, “Inya, Ambuya Chiuta, Mwaŵanthazizose, vyeruzgu vinu vyakuneneska ndi vyakurunjika.”

Chivumbuzi 16:7 Referans Kwoze

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 6:9

Ndipo penipo wangubanuwa chizighiri chachinkhonde ndinguŵawona kusi ku jochero ŵazimu ŵaku wo ŵangubayikiya pa chifwa cha mazu chaku Chiuta, ndi pa chifwa cha chisimisimi cho ŵenga nacho;

Yesaya 6:6

Sono yumoza wa ŵaserafi wanguphururukiya kwangu, wakuŵa ndi ga lakukole mu janja lake lenilo wanguto ndi mbanu pa chiguŵa cha sembe.

Chivumbuzi 14:18

Mungelo munyake wangutuwa ku jochero lo, yo wenga ndi mtufu pa moto; ndipo wangudana ndi mazu ghakuru kwaku yo wenga ndi chisenga chauyi wakuti, “Tuma chisenga chako chauyi, unjika makhoroza gha mphereska za charu, pakuti mphereska zake zafya.”

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Chivumbuzi 13:10

Asani munthu watemeke mkoli, ku mkoli wakenge; asani munthu wabayenge ndi lipanga, iyo nayo wabayikenge ndi lipanga. Panu pe unkhunthiya wa ŵakupaturika wo, ndi chivwanu chawo.

Ezekiele 10:7

Kerubi pakati pa makerubi, wangunyoroske janja lake ku moto wo wenga pakati pa makerubi, wangutopo unyake wanguŵika mu manja gha munthu wakuvwara bafuta, wanguti waronde wangutuwa.

Ezekiele 10:2

Wangukamba ndi munthu wakuvwara bafuta yo, wanguti, “Ruta, sere pakati pa mikombelo yo ye pasi pa makerubi; zaza manja ghako ndi maka gha moto gho ghe pakati pa makerubi, ughaparghang'iye pachanya pa msumba.” Ndingumuwona wachiseremo.

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.