Chivumbuzi 16:5 - Tonga Bible 1986

⁵ Ndipo ndingumuvwa mungelo wa maji gho, wakuti, “Ŵarunji Ndimwe, Mwaŵakuŵapo, ndi mwenga, mwaŵakupaturika, mwe, pakuti mweruzga viyo!

Chivumbuzi 16:5 Referans Kwoze

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Chivumbuzi 1:8

“Ine ndine Alfa ndi Omega,” watiti Chiuta Ambuya, yo waliko, ndi yo wengako, ndi yo watuza Wanthazizose yo.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

Chivumbuzi 4:8

Ndipo vyamoyo vyo vinayi vyose, chimoza ndi chimoza vyenga ndi mapapiku ghankhonde ndi limoza vyenga vyakuzazika ndi maso kwakuzunguliya ndi mukati viyo, ndipo msana ndi usiku kuti vipumuliya cha pakumba, “Mtuŵa, mtuŵa, mtuŵa, ndi Mbuya Chiuta, Wanthazizose, mweniyo wengako, walipo, ndipo watuza.”

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Sumu 129:4

Kweni Ambuya, mbarunji; adumuwa vingwe vya ŵaheni.

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Chivumbuzi 16:7

Ndipo ndinguvwa kukambura kwa jochero, latinge, “Inya, Ambuya Chiuta, Mwaŵanthazizose, vyeruzgu vinu vyakuneneska ndi vyakurunjika.”

ŴaRoma 3:5

Kweni asani uwura-urunji widu usimika urunji waku Chiuta, tikatingenji? Kumbi ngwambura-urunji Chiuta, pakutitole kandundu? (Ndikamba ulaka ndi munthu.)

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 16:4

Wachitatu wangupunguliya mbali yake pa misinji ndi pa visima vya maji; ndipo vyenivyo navyo vingulenga ndopa.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”