Chivumbuzi 16:19 - Tonga Bible 1986

¹⁹ Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Chivumbuzi 16:19 Referans Kwoze

Chivumbuzi 18:5

pakuti vyakulakwa vyake vyandundumiya mpaka kuchanya, ndipo Chiuta wakumbuka vyakwananga vyake.

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Chivumbuzi 17:18

Kweni munthukazi yo unguwona ndi msumba ukuru wo, weniwo we ndi muwusu pa ŵakaronga ŵa charu chapasi.”

Chivumbuzi 18:21

Ndipo mungelo yumoza wanthazi wangusoska mwa wakukozgana ndi chimphe chikuru, ndipo wanguupong'a mu nyanja, wakuti, “Viyo, gadabu phuvwa! Ndimo wagadabukiyenge Babiloni, msumba wo ukuru, ndipo kuti wamsanirika kose so cha.

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

Chivumbuzi 17:5

ndipo pa maso pake zina lingulembeka kwaungari “Babiloni mukuru, nyinau wa ŵareŵi ndi wa maunyakazi gha panupasi.”

Danyele 4:30

ndipo wanguti, “Asi uyu ndiyo Babiloni mukuru yo ndazenga ndi nthazi zangu zikuru kuŵa msumba wa ufumu, kuwoneskiyamo unkhankhu wa mazaza ghangu?”

Yeremiya 25:26

ŵakaronga ŵaku nkhonde, kutali ndi pafupi, yumoza pavuli pa munyake, ndi maufumu ghose ghenigho ghe pa chisku cha charu cha pasi. Ndipo pavuli paku wo wakamwanga Karonga wa Babiloni.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Yesaya 49:26

Ndikaŵachitiskanga ŵakukuyuzga ŵako kurgha nyama ya ŵeneko, ndipo ŵakaloŵenga ndopa za ŵeneko nge ŵaloŵe vinyo. Sono nyama yose yikaziŵanga kuti ndine Ambuya Mtaski wako, Muwombozi wako, Chilimbi Yumoza yo waku Yakobe.”

Chivumbuzi 17:1

Ndipo wanguza yumoza wa ŵangelo ŵankhonde ndi ŵaŵi wo ŵenga ndi mbali nkhonde ndi ziŵi, wangukamba nane, wakuti, “Yiza kuno; ndikurongo mo wasuskikiyenge munthukazi mureŵi mukuru, yo waja pa maji ghanandi;