Chivumbuzi 16:10 - Tonga Bible 1986

¹⁰ Mungelo wachinkhonde wangupunguliya mbali yake pa chitengu-chaufumu cha chikoku cho; ndipo ufumu wake ungufipiskikabi! Viyo kuti ŵajemuwanga malilime ghawo chifukwa cha urwirwi,

Chivumbuzi 16:10 Referans Kwoze

Chivumbuzi 9:2

Ndipo wangubanuwa chizenje cho chakuti nyo, ndipo kutuwa ku chizenje cho ungukwera usi, ulaka ndi usi wa ng'anjo yikuru; ndipo vingufipiskika dazi ndi mude chifukwa cha usi wa chizenje cho.

Mateyu 8:12

kweni ŵana ŵa ufumu ŵapong'ekenge ku mdima wakubwaro: kweniko kuŵenge chitenje ndi mkukutu wa minyu.”

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 17:17

Chifukwa Chiuta wakuŵikiya limu mu mitima yawo kuchita khumbo lake, ndi kuchita khumbo limoza, kupaska ufumu wawo ku chikoku, mpaka po mazu ghaku Chiuta ghafiskika.

Mateyu 22:13

Sono karonga yo wangunene ŵakuteŵeta, ‘Mumangeni marundi ndi manja, ndi mpong'eni ku mdima wakubwaro; kweniko kuŵenge nkhuta ndi mkukutu wa minyu.’

Chivumbuzi 18:21

Ndipo mungelo yumoza wanthazi wangusoska mwa wakukozgana ndi chimphe chikuru, ndipo wanguupong'a mu nyanja, wakuti, “Viyo, gadabu phuvwa! Ndimo wagadabukiyenge Babiloni, msumba wo ukuru, ndipo kuti wamsanirika kose so cha.

Luka 13:28

Eko kuŵenge chilirizi ndi kukekechuwa kwa minyu, penipo mwamuwona Abrahamu, ndi Yisaki, ndi Yakobe, ndi ŵamchimi wose, mu ufumu waku Chiuta, kweni imwe kupong'eka kubwaro.

Mateyu 24:51

Ndipo wamulangenge, ndi wamtemiyenge chigaŵa chake pamoza ndi ŵafuzi: kweniko kukaŵanga kuliya ndi mkukutu wa minyu.

Sumu 78:49

Wanguŵapasuwa mu ufyu wa kandundu kake, ukari, kuŵaŵa kwa mtima, ndi suzgu; pakutuma mpingu wa ŵangelo ŵakuparghang'a.

Chivumbuzi 17:9

Panu pe chinjeru chakuŵa ndi zeru! Mitu yo yinkhonde ndi yiŵi ndi mapiri ghankhonde ndi ghaŵi, paku ghenigho waja munthukazi yo;

Mateyu 13:50

ndipo ŵaŵapong'enge ku ng'anjo ya moto; kweniko kuŵenge kuliya ndi kukukuta kwa minyu.

Mateyu 13:42

ndipo waŵapong'enge mu ng'anjo ya moto: kweniko kuŵenge kuliya ndi kukukuta kwa minyu.

Chivumbuzi 18:2

Ndipo wangukambura ndi mazu ghaunkhankhu watinge, “Wawa! Babiloni mukuru yo, wawa! Wasanduka uja wa ŵademone, ndi linga la mzimu wose wawiyu, ndi mphaku ya chiyuni chose chamwikhu ndi chakutinkhika!

Chivumbuzi 11:10

Ndipo wo ŵaja pa charu ŵakakondwerenga pa nyifwa yaku wo ŵaŵi, ndi kusekere, ndipo ŵamtumirana vyawezi; chifukwa ŵamchimi wo ŵaŵi ŵanguyungwiska ŵakuja pa charu.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

1 Petro 2:17

Mutumbikenge wose. Mwanjenge ubali wo. Mopenge Chiuta. Mutumbikeni karonga.

Chivumbuzi 8:12

Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.