Chivumbuzi 15:1 - Tonga Bible 1986

¹ Ndinguwona munthondwi unyake kuchanya, ukuru ndi wakuziziswa, ŵangelo ŵankhonde ndi ŵaŵi, ŵenga ndi videru vinkhonde ndi viŵi vyakumariya, mwaku vyenivyo ndimu kamarizgikiya kandundu kaku Chiuta.

Chivumbuzi 15:1 Referans Kwoze

ŴaLevi 26:21

“Viyo asani mwendenge kwakupambana nane, ndipo kuti mukandivwiyanga cha, ndikatolenga videru vinyake paku imwe kusazgapo kankhonde ndi kaŵi kuruska unandi wa maulakwi ghinu.

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”

Chivumbuzi 14:19

Ndipo mungelo yo wangupong'a chisenga chake mu charu, wanguunjika mphereska za charu, ndi wanguzipong'a mu nkhandu yikuru ya kandundu kaku Chiuta.

Chivumbuzi 14:10

viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Danyele 6:27

Wataska ndi kuwombo wachita visimikizgu ndi vyakuziziswa kuchanya ndi pasi.”

Chivumbuzi 11:14

Soka lachiŵi lo larutapo: awonani, soka lachitatu laŵandika.

Chivumbuzi 10:3

ndipo wangukambura ndi mazu ghakuru, uli ndimo nkharamu yibanguriya: ndipo wachikambura, vidiririzi vinkhonde ndi viŵi vingudiririska mazu ghawo.

Chivumbuzi 8:6

Ndipo ŵangelo ŵankhonde ndi ŵaŵi, wo ŵenga ndi mbata nkhonde ndi ziŵi, ŵangujirongoso kuti ŵambepo.

Chivumbuzi 8:13

Ndingulereska, ndipo ndinguvwa nombo yakuwuluka mude mukati, yakuliya ndi mazu ghakuru, “Owe! Owe! Owe kwaku wo mbakuja pa charu, chifukwa cha mazu gha mbata zakujapo za ŵangelo ŵatatu wo ŵakhumbanga kukuŵa.”

Chivumbuzi 8:2

Ndipo ndinguwona ŵangelo ŵankhonde ndi ŵaŵi, wo ŵatuma paurongo paku Chiuta; ndipo kungupaskika kwaku wo mbata nkhonde ndi ziŵi.

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

Chivumbuzi 17:1

Ndipo wanguza yumoza wa ŵangelo ŵankhonde ndi ŵaŵi wo ŵenga ndi mbali nkhonde ndi ziŵi, wangukamba nane, wakuti, “Yiza kuno; ndikurongo mo wasuskikiyenge munthukazi mureŵi mukuru, yo waja pa maji ghanandi;