Chivumbuzi 14:7 - Tonga Bible 1986

⁷ ndipo wangukamba ndi mazu ghakuru, “Mopeni Chiuta; ndipo paskani kwaku iyo unkhankhu, pakuti laza ora la cheruzgu chake: ndipo mlambiyeni mweniyo wangwata kuchanya ndi pasi ndi nyanja ndi visima vya maji.”

Chivumbuzi 14:7 Referans Kwoze

Chituwa 20:11

pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Nehemiya 9:6

Ndipo Ezra wanguti, “Ndimwe Ambuya, imwe pe mwija, ndimwe mukulenga kuchanya, kuchanya kwa machanya, ndi maliŵanja ghawo ghose, charu chapasi ndi vyose vyenivyo vilipo zinyanja ndi vyose vya mwaku zo ndi liŵanja la kuchanya litukusopani imwe.

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Chivumbuzi 16:9

Ndipo ŵanguŵawuka ŵanthu ndi chifundizi chikuru: sono ŵangulituka zina laku Chiuta, mweniyo wenga ndi mtufu pa videru vyenivyo; ndipo kuti ŵangubezga ndi kumpaska iyo unkhankhu cha.

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

Sumu 124:8

Chovyo chidu Chituliya ku Ambuya, wo akwata kuchanya ndi charu chapasi.

Machitidu gha Ŵakutumika 14:15

“Mwaŵanthu, chifukwa chine muchita ichi? Nafwe te ŵanthu kwakulingana ndi imwe, taŵakutauliya imwe evangeli, kuti kutuwa ku vyawaka vyenivi mung'anamukiye kwaku Chiuta wamoyo, mweniyo wangwata kuchanya ndi pasi ndi nyanja, ndi vyose vyamwenimo:

Yesaya 40:6

Mazu ghatiti, “Liya!” Ndipo ine ndinguti, “Ndiliyengenje?” Nyama yose mbuteka, ndipo kutowa kwake kose kwe uli ndi luŵa la mu munda.

Chivumbuzi 19:5

Ndipo ghangutuwa ku chitengu-chaufumu cho mazu, ghakuti, “Thamikani Chiuta widu, mose mwaŵaŵanda ŵake, mwaŵakumopa, mwaŵamana ndi mwaŵara!”

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Yesaya 42:12

Ŵapaske unkhankhu ku Ambuya, ndipo ŵaziŵiske marumbu ghake mu vyaru vya mumalikumba,

Sumu 89:7

Chiuta wakopeka mu upu wa ŵakupaturika, mura ndi wakofya pachanya paku wose ŵakumuzunguliya.

Sumu 36:1

Kwananga kwa wamphurupuru kukamba mukati mu mtima wake; palivi kopa Chiuta paurongo pa maso ghake.

Yoswa 7:19

Viyo Yoswa wangukamba ndi Akani, “Wa mwana wangu, paska unkhankhu ku Ambuya Chiuta waku Yisraele, ndipo upereke marumbu kwaku Iyo, ndinene cho wachita, ungandibisa cha.”

Chivumbuzi 8:10

Ndipo wangukuŵa mungelo wachitatu, ndipo kutuwa kuchanya yinguwa nyenyezi yikuru, yakukole nge ndi limbuni, ndipo yinguwa pa chigaŵa chachitatu cha misinji, ndi pa visima vya maji.

Luka 17:18

Asi ŵangusanirika ŵakuwere kwachipaska unkhankhu kwaku Chiuta, kweni mlendo uyu pe?”

Danyele 8:19

Wanguti, “Ehe, ndikuziŵiskenge vyo viŵengeko kuumari wa ukari; chifukwa umari ukaŵangapo pa nyengo yakutemeka.

Ezekiele 7:6

Umari wafika, umari wafika; wayukiya paku imwe. Ehe, wafika.

Ezekiele 7:2

“Iwe, mwana wa munthu, Ambuya Chiuta atiti ku charu cha Yisraele: Umari! Umari wafika pa visongo vinayi vya charu.

Yesaya 58:1

“Bongoni ukongwa, kurekezga cha, kwezgani mazu ghinu uli ndi mbata; taulani ku ŵanthu ŵangu mautimbanizi ghawo, ku nyumba yaku Yakobe mauheni ghawo.

Yesaya 44:23

Mbani mwa machanya, pakuti Ambuya achichita, kamburani, mwa ndimba za charu chapasi; sereni mukumba, mwa mapiri mwe, wa lisuwa we, ndi muti wose wa mwake! Pakuti Ambuya awombo Yakobe, ndipo akakakhuskikanga mwaku Yisraele.

Yesaya 40:9

Kwere ku phiri litali, Zioni we, wakumemeza uthenga wamampha; soska mazu ghako ndi nthazi, Yerusalemu we, wakumemeza uthenga wamampha, uwukwezge, ungopanga cha, nena ku mizi ya ku Yuda, “Ehe Chiuta winu!”

Yesaya 40:3

Mazu ghakukambula: “Mubozwa longosoni nthowa ya Ambuya, Nyoroskani mu bozwa gurwi waku Chiuta widu.

Sumu 95:5

Nyanja njake, ndiyo wanguyilenga; manja ghake ghanguwumba charu chiyumu.

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.

Chiyambo 22:12

Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

Chivumbuzi 18:19

Ndipo ŵangujifunthuliya fuvu pa mitu yawo uku ŵabongo ndi kuliya ndi kutenje, ŵakuti, “Owe! Owe! Msumba ukuru wo, mwenimo wose ŵa zingaraŵa zamu nyanja ŵangusambaskikiya chifukwa cha uromba wake! Mu ora limoza wapopeskeka.

Chivumbuzi 18:17

Pakuti mu ora limoza usambasi weni ukuru waviyo wapopeskeka.” Ndipo ŵeni vyombo wose, ndi ŵalowosi wose, ndi ŵamlima nyanja, ndi wo wose ŵatakatakiya pa nyanja, ŵamanga kutari,

1 Petro 4:7

Kweni umari waku vyose waŵandika: viyo muŵe ŵavinjeru, ndipo ziziyani ku marombu.

Mateyu 25:13

Viyo khazgani, pakuti mulive kuliziŵa zuŵa chingana ndi ora.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Sumu 115:15

Mutumbikike ndi Ambuya akwata malo gha kuchanya ndi charu chapasi!