Chivumbuzi 14:5 - Tonga Bible 1986

⁵ Ndipo mu mlomo wawo mwengavi kusanirika utesi, pakuti mbazira kafukwa.

Chivumbuzi 14:5 Referans Kwoze

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

Zefaniya 3:13

Ŵakujako mu Yisraele; kuti ŵachitenge kanthu kaheni cha, pamwenga kukamba utesi, chingana ndi mu mlomo mwawo kuti lisanirikengemo lilime la utesi cha. Chifukwa ŵarghenge ndi kugona pasi, ndipo pakaŵangavi wakuŵawofya.”

Sumu 32:2

Wakutumbikika ndi munthu yo Ambuya kuti atimpimiya kubende cha, yo mu mzimu wake mulivi urghargha.

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

ŴaKolose 1:22

kweni sono wamsopaniskiyani mu liŵavu lake la unthu mu nyifwa, kwachimperekani ŵakhovu ndi ŵambura kalema ndi ŵambura masumulika pa maso pake,

Luka 23:4

Ndipo Pilato wanguti ku ŵazukuru ŵara ndi ku mizinda, “Kuti ndisaniya cha kafukwa mu munthu mwenuyu.”

1 Petro 3:10

Chifukwa, “Yo watanja umoyo, ndi wakhumba kuwona mazuŵa ghamampha, warekeske lilime lake ku uheni, ndi milomo yake kuti yingaŵereŵeta cha urghargha;

Mateyu 12:34

Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

Danyele 6:4

Viyo ŵarongozgi wo ndi mafumu ŵangupenja kafukwa kakumikirana ndi Danyele pa makani gha ufumu; kweni ŵengavi kusaniya nthowa nanga nkhafukwa kakumutole makani, chifukwa wenga wamagomezgeka, ndipo pengavi ubudi pamwenga kafukwa kakusanirika mwake.

Nthanthi 8:8

Mazu ghose gha mlomo wangu ngarunji; palivi chakunyongoloska pamwenga chakunyongoloka mwaku gho.

Sumu 34:13

Sunga lilime lako ku uheni, ndi milomo yako ku kurongoro ubendizi.

Yesaya 53:9

Ndipo ŵanguchita muunda wake pamoza ndi ŵaheni, ndi pamoza ndi ŵakupatika mu nyifwa yake, chingana iyo wengavi kuchita chiwawa, ndipo mwengavi urghargha mu mlomo wake.

Sumu 55:11

Phasulu le mukati mwake; kukandirizgika ndi kupusika kuti vituwamo cha mu malo ghake gha malonda.

Sumu ya Zisumu 4:7

Naku nkhutowa, wakwanjiwa wangu; mwaku iwe mulivi kalema.

Malaki 2:6

Wangusambizga chisambizgu cha uneneska ndipo ubudi kuti ungusanirika cha mu mlomo wake. Wangwenda nane mu chimangu ndi mu urunji, ndipo wanguwezga ŵanandi kusiya ubendezi.

ŴaHebere 9:14

uli ukongwako ndopa zo zaku Kristu, mweniyo mu Mzimu Wamuyaya wangujipereka wambura kalema kwaku Chiuta, zitozgenge njuŵi zinu ku nchitu zakufwa kwachiteŵete Chiuta wamoyo?

1 Petro 1:19

kweni ndi ndopa zakuzirwa, uli za mwanamberere wambura kalema ndi wambura banga, ndopa nazo zaku Kristu:

1 Petro 2:22

Iyo wengavi kuchita chilakwa, chingana nkhuti lingusanirika fuvyu mu mlomo wake cha;