Chivumbuzi 14:4 - Tonga Bible 1986

⁴ Yaŵa mbeniwo ŵengavi kukazuzgika ndi ŵanthukazi; chifukwa ndi zimbeto. Yaŵa mbeniwo ŵarondo Mwana-mberere yo kweniko kose watiya. Yaŵa mbeniwo ŵakuwomboleka mu ŵanthu, kuŵa mruwuku kwaku Chiuta ndi ku Mwana-mberere yo.

Chivumbuzi 14:4 Referans Kwoze

Chivumbuzi 3:4

Kweni we nagho mazina ghamanavi mu Sardisi, ŵanthu wo ŵalive kukazuzga minjirira yawo: ndipo ŵamukwenda pamoza nane mu vituŵa: pakuti mbakwenere.

2 ŴaKorinte 11:2

Chifukwa ndikunwekiyani ndi linweka lauchiuta; chifukwa ndingumtoreskiyani ku mrumi yumoza, kwachipereke imwe nge ndi mwali mkhovu kwaku Kristu.

Yakobe 1:18

Kwakuyana ndi khumbu lake wangutipapiya ndi mazu gha uneneska, kuti tiŵe ifwe mruwuku wakuti wa vilengeka vyake.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Sumu 74:2

Kumbukani mpingu winu, wo mukugula mwaka, ŵanthu wo mukuwombo kuŵa khamu laku mwaŵeni. Kumbukani phiri la Zioni, mo mwajanga!

1 ŴaKorinte 6:20

chifukwa mungugulika ndi mtengu. Viyo mkankhuskiyeni Chiuta mu liŵavu linu.

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Yeremiya 2:3

Yisraele wenga wakupaturika ku Ambuya, vipasi vyakudanga vya vuna yake. Wose wo ŵangurghapo vyo ŵangwananga; uheni unguza paku iwo, atiti Ambuya.”

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

ŴaEfeso 1:14

yo ndi ndindira ya chihara chidu, ku uwombozi wa chiwetu chake ku rumbu la unkhankhu wake.

1 ŴaKorinte 16:15

Sono ndikuŵeyereni, mwa ŵabali-uyiziŵa nyumba yaku Stefano, kuti ndiwo ŵakudanga kuŵa ŵaKristu mu Akhaia, ndipo ŵakujipatuliya ku kuteŵete wakupaturika,

Machitidu gha Ŵakutumika 20:28

Viyo jiphwereni mwaŵeni ndi mskambu wose, paku weniwo Mzimu Wakupaturika wangukuŵikani ŵaliska, kwachiliska eklesiya laku Chiuta, lenilo wangujiguliya ndi ndopa zaku iyo mweneko.

Yohane 13:37

Petro wamnene, “Ambuya, chifukwa chine ndingatondeka kukurondoni sono? Ndiŵikiyenge pasi umoyo wangu chifukwa chinu.”

Mateyu 25:1

“Penipo ufumu wa kuchanya ulinganizgikenge ku mbeta chumi, zenizo zinguti zato nyali zawo, zingutuwa kwachikumana ndi mweni-nthengwa.

Mateyu 8:19

Ndipo mlembi yumoza wanguza, wangumnene, “Msambizgi, nkharondonga imwe ko kose mungaruta.”

Sumu ya Zisumu 1:3

mafuta ghako ghakupaka nga chema, zina lako ndi mafuta ghakupungulika; mu chifukwa cho ŵamwali ŵatukwanja.

1 Timote 4:3

ndi mbakukanizga kutorana, ndi mbakulanguliya kufunga ku vyakurgha, vyenivyo Chiuta wangwatiya kurondeka kwakuwonga ndi ŵakuvwana ndi ŵakuziŵiska uneneska wo.

1 ŴaKorinte 7:28

Kweni asani napo ungato kuti walakwa cha; ndipo asani mbeta yingaŵirwa kuti yalakwa cha. Kweni kwaku wo ŵatorana ŵaŵenge ndi suzgu mu umoyo waliŵavu: ndipo ine fundu yangu njakumutuzganiko.

Amosi 6:1

“Owe kwaku wo ŵaja ndi kufwasa mu Zioni, ndi kwaku wo ŵakudeka pa phiri la Samaria, ŵanthu ŵakuziŵika ŵa mitundu yakudanga, kwaku ŵeniwo nyumba yaku Yisraele yituza!

Sumu ya Zisumu 6:8

Ghaliko mafumukazi machumi ghankhonde ndi limoza (60), ndi mbiligha machumi ghankhonde ndi ghatatu (80), ndipo ŵamwali mbambura maŵerengeka.

Sumu 45:14

mu vyakuvwara vya kujeduka warongozgeke ku karonga, pamoza ndi ŵamwali ŵake, ŵakwachimulinda.

Mateyu 19:12

Chifukwa ŵalipo ŵamthenu, wo ŵanguŵa viyo ku chibali cha ŵanyinau: ndipo ŵalipo ŵamthenu wo ŵangutheneka ndi ŵanthu, ndipo ŵalipo ŵamthenu wo ŵangujithena pa chifukwa cha ufumu wa kuchanya; wakuŵa ndi nthazi kuronde, waronde.”

ŴaEfeso 5:27

alinga kuti wajijarikiye nge ndi muwoli wa eklesiya lo launkhankhu, lakuŵavi donthu pamwenga nkhwinya pamwenga kanthu kaviyo, kweni kuti liŵe lakupaturika ndi lambura kalema.

ŴaHebere 12:23

ku ungano ndi ekleziya la ŵakupapika danga ŵakulembeka kuchanya, ndi kwaku Chiuta, mweruzgi waku wose, ndi ku ŵazimu ŵa ŵarunji ŵakufiskika,

Chivumbuzi 21:22

Kweni ndengavi kuwona kasopi mwenimo: chifukwa Ambuya Chiuta Wanthazizose ndi Mwana-mberere yo, ndi kasopi wake.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.