Chivumbuzi 14:2 - Tonga Bible 1986

² Ndinguvwa mazu ghakutuwa kuchanya nge ndi mazu gha maji ghanandi, ndi nge ndi mazu gha chidiririzi chikuru: mazu gho ndinguvwa ghenga nge nga ŵakaligu ŵakumba pa ŵakaligu ŵawo.

Chivumbuzi 14:2 Referans Kwoze

Chivumbuzi 5:8

Ndipo penipo wanguto buku lo, vyamoyo vinayi vyo ndi ŵara wo machumi ghaŵi ndi ŵanayi ŵanguwa pasi paurongo pa Mwana-mberere yo, wose yumoza ndi yumoza wenga ndi kaligu, ndi mbali zagolide zakuzazika ndi vyachema (vyenivyo ndi marombu gha ŵakupaturika).

Chivumbuzi 1:15

ndi marundi ghake ghenga nge ndi mkuŵa wakugabuka, ulaka nge ngwakusongonoleka mu ng'anjo; ndi mazu ghake ghenga nge ndi mphopomo ya maji ghanandi.

Chivumbuzi 15:2

Ndinguchiwona chakukozgana ndi nyanja yakulangaliya, yakusazgikana ndimoto; ndi ŵeniwo ŵangupunda chikoku chiya, ndi chikozgu chake, ndi muŵerengu wa zina lake, ŵanguma iwo pa nyanja yakulangaliya, ndipo ŵenga ndi ŵakaligu ŵaku Chiuta mumanja ghawo.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Ezekiele 43:2

Ndipo wonani, unkhankhu waku Chiuta wa ŵaYisraele unguza kutuliya ku vuma; ndipo kavwikidu kakuza kwake kanguŵa nge nkhuwuruma kwa maji ghanandi; charu chingungweruskika ndi unkhankhu wake.

Sumu 33:2

Tumbikani Ambuya ndi kaligu, ŵakoŵeriyeni ndi bangwi wa malisinga chumi!

2 Samuele 6:5

Ndipo Davidi ndi nyumba yose yaku Yisraele ŵangukondwere pa maso pa Ambuya ndi nthazi yawo yose, ndi zisumu, ndi ŵakaligu, ndi ŵapangwi ndi ng'oma, ndi visokotu, ndi vijewere.

Chituwa 19:16

Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.

Chivumbuzi 18:22

Ndipo mazu gha ŵakumba-kaligu, ndi gha ŵakalimba, ndi gha ŵafyoliro, ndi gha ŵamkuŵa-mbata, kuti ghakavwikanga mwako kose so cha; muwomba wa umisiri we wose kuti wakasanirikanga so cha;

Chivumbuzi 11:12

Ndipo ŵanguvwa mazu ghakuru kutuwa kuchanya ghakuŵanene, “Kweriyani kuno!” Ndipo ŵangukwere kuchanya mu mtambo, ŵamawongu ŵawo ŵaŵawonanga ŵachikwera.

Chivumbuzi 6:1

Ndipo penipo Mwana-mberere yo wangubanuwa chimoza cha vizighiri vyo vinkhonde ndi viŵi, ndingulereska, ndipo ndinguvwa chimoza cha vyamoyo vyo vinayi chakukamba, ndi mazu uli ngachidiririzi, “Zanga!”

Chivumbuzi 1:10

Ndinguŵiya mu Mzimu pa zuŵa la Mbuya, ndipo ndinguvwa kuvuli kwangu mazu ghakuru, ulaka nga mbata,

Sumu 93:4

Ambuya ausa, apachanya mu machanya, mbakuru kuruska kuwuruma kwa nyanja, mbanthazi weniukongwa kuruska mayigha gha nyanja.

Sumu 92:3

pa chirumbu cha malisinga ndi kaligu, pakumba ndi bangwi.

Sumu 57:8

Yuka, mzimu wangu! Yuka, wabangwi ndi kaligu we! Ndiyukenge ndi chivivivi!

Chivumbuzi 8:7

Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.

Yesaya 17:13

Mitundu yi wuruma uli nkhuwuruma kwa maji ghanandi; kweni wakaŵakaripiyanga, ndipo ŵakathaŵiyanga kutali, kudikiskika nge ndi mwere pa mapiri paurongo pa mphepo, ndi fuvu la kavuruvuru paurongo pa lirondo.

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 98:5

Mbaninga marumbu ku Ambuya ndi kaligu, kaligu ndi mazu gha nkhoŵera!

Chituwa 20:18

Sono penipo ŵanthu wose ŵanguteska vidiririzi ndi malimphezi gho, ndi kumba kwa mbata ndi kusunkha usi kwa phiri lo, ŵangopa ndi ŵangutenthema; ndi ŵanguma kutali,

Sumu 147:7

Mbiyani Ambuya sumu zakurumba; koŵereni Chiuta widu ndi bangwi.

Sumu 43:4

Penipo ndipo ndikarutanga ku jochero laku Chiuta, kwaku Chiuta chimwemwe changu chakuruska; ndipo ndikatumbikanga imwe ndi bangwe, A Chiuta, Chiuta wangu.

1 ŴaKorinte 13:1

Asani ndirongoro ndi marongoroledu gha ŵanthu ndi gha ŵangelo, kweni ndirive chanju, ndituŵa nge ndi sapuli yakuyeyeta, pamwenga chijeri chakujewereska.

2 Mikoka 20:28

Ŵangufika ku Yerusalemu ndi ŵapangwi ndi ŵazeze ndi zimbata, ku nyumba yaku Chiuta.