Chivumbuzi 14:14 - Tonga Bible 1986

¹⁴ Ndingulereska, ndipo onani, mtambo utuŵa, ndi pa mtambo wo wangujapo Yumoza wakukozgana ndi mwana wa munthu, wakuvwara pa mutu pake ndumbu yagolide, mu janja lake mwenga chisenga chauyi.

Chivumbuzi 14:14 Referans Kwoze

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Chivumbuzi 1:13

ndipo mukati mu vikoleru vyo Yumoza wakukozgana ndi Mwana wa munthu, wakuvwara khanju litali, ndi wakumangika lamba la golide pa maŵe.

ŴaHebere 2:9

Kweni yo ngwakuchefyeka kamanavi ku ŵangelo timwona, ndiyo Yesu, wakuvwalikika unkhankhu ndi ulemu pa chifwa cha chikomwa cha nyifwa, viyo kuti mu wezi waku Chiuta wesiyepo nyifwa chifukwa cha munthu yose.

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Chivumbuzi 6:2

Ndipo ndingulereska, awonani, kavalo mtuŵa, ndi wakugarapo pake wenga ndi uta; yingupaskika kwaku iyo ndumbu; ndipo wangutuliya kupunda kuti wapundenge.

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Ezekiele 1:26

Ndipo pachanya pa mtambo wapa mitu yawo penga chikozgu cha chitengo, cha kawonekedu ulaka ndi mwa wa satire; ndipo wakuja pachanya pa chikozgu cha chitengo cho wangukozgana ulaka ndi munthu.

Sumu 21:3

Chifukwa mwakumana nayo ndi vitumbiku vyamampha, mukuŵika pa mutu wake chifuku cha golide lakwengeka.

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 19:12

Maso ghake ghenga uli ndi mlipu wa moto, ndi pa mutu pake penga vifuku vinandi; we ndi zina lakulembeka, lenilo palive yumoza waziŵa kweni mwenecho yija.

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Chivumbuzi 10:1

Ndipo ndinguwona mungelo munyake wanthazi wasikanga kuchanya, wakuvwara mtambo, ndi chiŵingavuwa pa mutu pake; ndipo chisku chake chenga uli ndi dazi, marundi ghake nge ndi mizati ya moto.

Marko 4:29

Kweni penipo wacha, sono ŵatamba kuvuna pakuti yaŵandika nyengo ya chivuna.”

Mateyu 13:30

Virekeni vyose viŵi vikuliye pamoza mpaka chivuna: ndipo mu nyengo ya kuvuna ndiŵaneniyenge ŵakuvuna, Unjikani danga maduru, ghamangeni nchindanchinda kwachighocha: kweni trigu yo rongani mu nkhokwe yangu.’”