Chivumbuzi 14:13 - Tonga Bible 1986

¹³ Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

Chivumbuzi 14:13 Referans Kwoze

Chivumbuzi 20:6

Ngwamwaŵi ndi ngwakupaturika yo we ndi chigaŵa mu chiyuka chachimoza cho: paku ŵeniwo nyifwa yachiŵi kuti yikaŵanga ndi mtufu cha; kweni ŵakaŵanga ŵazukuru ŵaku Chiuta ndi ŵaku Kristu, ndipo ŵakausanga pamoza nayo virimika chikwi.

1 ŴaTesalonika 5:10

yo wangutifwiya, alinga kuti, chingana ticherezga, chingana tira, tiŵenge ŵamoyo pamoza nayo.

1 ŴaTesalonika 4:16

Pakuti Ambuya ŵeneko ŵakasikanga kutuwa kuchanya ndi mdanu, ndi mazu gha mungelo-mura, ndi ndi mbata yaku Chiuta; ndipo ŵakufwiya mwaku Kristu ŵakayukanga danga:

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

Chivumbuzi 21:5

Mweniyo wajanga pa chitengu-chaufumu cho wanguti, “Awonani; ndizghora vinthu vyose viŵe vifya.” Ndipo wanguti, “Lembapo: pakuti mazu yagha ngamagomekezgeka ndi ghakuneneska.”

Chivumbuzi 6:11

Ndipo kwaku yose waku iwo kungupaskika khanju lituŵa: ndipo kunguneneka kwaku wo, kuti ŵapumuwepo nyengo yimanavi so, mpaka ŵafiskike ŵakuteŵeta ŵanyawo ndi ŵabali ŵawo, wo kungwenere kubayika nge ndiwo.

2 ŴaKorinte 5:8

Kweni tikwimadi mtima ndipo ukongwako tinweka kutuwamo mu liŵavu ili ndi kwachija ndi Ambuya.

Chivumbuzi 16:17

Mungelo wachinkhonde ndi chiŵi wangupunguliya mbali yake mude; ndipo mazu ghakuru ghangutuliya mu kasopi, ku chitengu chaufumu cho, ghakuti, “Kwachitika!”

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Sumu 19:11

Vitindipaska zeru nda mteŵeti winu; mu kuvisunga mwe mphoto yikuru.

Sumu 85:13

Urunji udanjiyenge paurongo pa Ambuya, kunozge nthowa marwayo ghawo.

1 ŴaTesalonika 4:14

Chifukwa asani tivwana kuti Yesu wangufwa ndi wanguyuka, viyo so Chiuta, mwaku Yesu, waŵatoliyenge pamoza nayo wo mbakura tulo.

1 ŴaKorinte 15:18

Sono wo ŵakufwiya mwaku Kristu nawo mbakuyowa.

ŴaRoma 14:8

Chifukwa asani te ŵamoyo, tijariya ŵamoyo ku Mbuya, ndipo so asani titufwa, tifwiya ku Mbuya: viyo kosekose chingana te wamoyo, chingana titufwa, te ŵa Mbuya.

Luka 16:9

Ndipo ine ndikuneniyani, jichitiyeni ŵabwezi ndi chuma cha uwura-urunji, alinga kuti, penipo chingapereŵe ŵangamrondeni mu mahema ghamuyaya gho.

Mateyu 3:17

Ndipo, wonani, liu linguvwika kutuwa kuchanya, lakuti, “Mweniyo ndi Mwana wangu, nkhwanjiwa, mwaku mweniyo ndikondwere.”

Chivumbuzi 11:19

Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 10:4

Po vidiririzi vyo vinkhonde ndi viŵi vingugunda ndatinge ndilembenge; kweni ndinguvwa mazu ghakutuwa kuchanya, ghakuti, “Zighiriyapo. Vidiririzi vyo vinkhonde ndi viŵi vyakamba ungavilembanga cha.”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

ŴaFilipi 2:17

Ndikweni, nanga ndipungulikiya pa chisopu ndi uteŵeti ukhovu wa chivwanu chinu, ndikondwa, ndipo ndikondwere ndi imwe mose.

Luka 16:25

Kweni Abrahamu wanguti, ‘Wamwana, kumbukanga kuti unguronde vyamampha vyako mu umoyo wako, ndi Lazaro nayo viheni: kweni sone panu wasangaruskika iyo, kweni iwe urumwiskika.

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Danyele 12:13

Kweni iwe rutanga mpaka umari; ndipo upumuwenge ndi ukamanga mu malo gho ghakupaskika kwaku iwe pa umari wa mazuŵa.”

1 ŴaKorinte 15:20

Kweni sono wayuskika Kristu ku ŵakufwa, mruwuku waku wo mbakura.

1 Timote 5:24

Vilakwa vya ŵanthu ŵanyake viwoneke limu, vyakudanjiyako ku cheruzgu, kweni ŵanyake nawo viŵarondo.

1 Timote 5:25

Kwakulingana nako kwe nchitu zeneko zo ziwoneke limu, ndipo nanga zambura kuwoneka zo kuti zingaziŵa kubisika cha.

Chivumbuzi 2:7

Mweniyo we ndi gutu, wavwenge cho Mzimu ukamba ku mipingu. Kwaku yo wapunda, nkhapaskanga kurghapo vyapa muti wa umoyo, wo wemu Paradiso waku Chiuta.’

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.