Chivumbuzi 14:10 - Tonga Bible 1986

¹⁰ viyo nayo wakamwangapo vinyo wa ufyu waku Chiuta, yo wapungulikiya wambura kusukuruka mu nkhombo ya kandundu kake; ndipo wakavwanga urwirwi mu moto ndi fukunyira pa maso pa ŵangelo ŵakupaturika, ndi pa maso gha Mwana-mberere yo.

Chivumbuzi 14:10 Referans Kwoze

Yesaya 51:17

Jiyuske, jiyuske, ima, Yerusalemu we, iwe, wamwiya pa janja la Ambuya nkhombo ya ukari wawo, iwe wamwa ndi visika vyake mu chandi chakuzendazendeska.

Chivumbuzi 16:19

Ndipo msumba wo ukuru ungugaukana patatu, ndi misumba ya ŵamitundu yinguwa pasi: ndipo Babiloni mukuru yo wangukumbukika paurongo paku Chiuta, kumpaska chandi cha vinyo wa ukari wa kandundu kake.

Sumu 75:8

Chifukwa mu janja la Ambuya mwe chandi; chakuzaza ndi vinyo mufya, wanthazi ukongwa; akampunguwanga, ndipo yose ŵaheni ŵakamwangapo; ŵakamwanga yose mpaka kanthoni ka kumariya.

Sumu 11:6

Pa ŵaheni wang'iskenge maka gha moto ndi fukunyira; mphepo yakocha yikaŵanga mphoto yawo.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 18:6

Muwerezgiyenipo uli ndipo iyo wangupaskiya imwe, ndipo muwerezgiyenge iyo kaŵi vyakaŵi kwakulingana ndi nchitu zake: mu chandi mwenimo wangusazga, msazgiyeni kwakaŵi.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Mateyu 25:41

Pavuli waneniyenge ŵaku maze, ‘Tuwaniko kwangu, mwaŵakutembeke, ku motu wamuyaya, wakurongosoleke diabolo yo ndi ŵangelo ŵake;

Jobu 21:20

Maso ghawo penipo ghawona pharghaniko lawo, ŵatumwako ukari wa Wanthazizose yiwo ŵeneko.

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

Chivumbuzi 18:3

Pakuti mitundu yose yamwapo vinyo wa ufyu wa ureŵi wake; ndipo ŵakaronga ŵa panupasi ŵareŵana nayo, ndi ŵamaronda ŵa pasi ŵasambasa pa chifukwa cha nthazi ya chinthemwanthemwa chake.”

Habakuku 2:16

Wamukoreka ndi suzgu kwakuruska thumbiku. Mwanga nawi ndi yenda kwakuzendazenda! Chandi mu janja lamarghe la Ambuya chikazanga kwako, ndipo soni ziŵenge pa thumbiku la wo.

Ezekiele 20:48

Kuti ukazimwikanga cha; ŵanthu wose ŵakawonanga kuti ine Ambuya ndine ndawupemba.”

Yeremiya 25:27

“Ndipo ukambenge kwaku iwo, ‘Viyo atiti Ambuya ŵa maŵanja, Chiuta waku Yisraele: Mwani, muloŵe ndipo muwukuwe, wani pasi mungayukanga so cha, chifukwa cha lipanga lo nditumenge mukati mwinu.’

Yesaya 34:9

Tumisinji twa Edomu tukasandukanga urambwe nyata yake yikaŵanga fukunyira la moto; charu chake chikaŵanga urambwe wakukole.

Yesaya 29:9

Jipaskeni ubereŵeza ndipo muŵe mu uzereza, jipaskeni uchiburumutiya ndi muburumutizgike! Loŵeni, kweni ndi vinyo cha; muzendezende, kweni ndi vyakuloŵeleska cha!

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Mateyu 20:22

Kweni Yesu wakwamuka wanguti, “Kuti muziŵa cha cho mupempha. Kumbi muziŵa kumwa nkhombo yo ine nditenere kumwa?” Wamunene, “Tiziŵa.”

Chitenje 4:21

Sekere ndi kondwa iwe wa Edomu, wakuja mu charu chaku Uzu; kweni kwaku iwe nako chandi chikarutanga; ukaloŵenga ndipo ukajizuwanga kuja nkhuli.

Yeremiya 51:57

Ndikaloŵereskanga mafumu ghake, ndi ŵazeru ŵake, ŵamirizi ŵake, ŵakulamula ŵake, ndi ŵankhondo ŵake; ŵakagonanga tulo twambura kumara, watiti Karonga, yo zina lake ndi Chiuta wa maŵanja.

Yeremiya 49:12

Pakuti viyo atiti Ambuya: “Asani wo ŵengavi kwenere kumwa nkhondo ndiwo ŵatumwa, kumbi iwe ukarutanga wambura kulangika? Kuti ukarutanga wambura kulangika cha, kweni utenere kumwa.

Sumu 91:8

Kweni ukawonanga ndikulereska mo ŵaheni ŵalangikiya.

Sumu 60:3

Mwachitiska khamu linu kukomwa vinonono ukongwa; mwatimweska vinyo wakutizendezendeska.

Sumu 37:34

Lindizga Ambuya, yendanga mu nthowa yawo, ndipo akutumphuskenge kuhara charu; ukawonanga ŵachidumulika ŵaheni

Jobu 18:15

Mu hema lake muja cho kuti nchake cha; mya ya matarara yawazgika pa chakujamo chake.

Sumu 73:10

Mwakuti nanga mbanthu ŵaku Chiuta ŵang'anamukiya kwaku iwo; ndipo ndi mwamphu wose ŵavwana mwaku chose cho ŵakamba.

Sumu 52:6

Ŵarunji wawonenge, ndi ŵawopenge, ŵamusekenge, ndi kuti,

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Marko 8:38

Chifukwa yose wachitenge soni paku ine ndi mazu ghangu mu mgonezi uno waureŵi ndi waulakwi, Mwana wa munthu nayo wamuchita soni paku iyo, penipo wazenge mu unkhankhu wa Awiske pamoza ndi ŵangelo ŵakupaturika.”

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

2 ŴaTesalonika 1:7

ndi kwaku imwe mwaŵakusuzgika chigowoke pamoza nafwe, pa uvumbuzi wa Ambuya Yesu kutuwa kuchanya pamoza ndi ŵangelo ŵa nthazi yake, mu moto wakulipuka,

Chivumbuzi 15:7

Ndipo chimoza cha vyamoyo vyo vinayi chingupaska ŵangelo ŵankhonde ndi ŵaŵi mbali nkhonde ndi ziŵi zakuzaza fwa ndi kandundu kaku Chiuta, mweniyo ngwamoyo ku muyaya ndi muyaya.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.

Marko 9:44

Kweni fusi yawo kuti yitufwa cha, ndi moto kuti uzimwa cha.]