Chivumbuzi 14:1 - Tonga Bible 1986

¹ Ndipo ndingulereska, ehe, Mwana-mberere wanguma pa phiri Zioni, ndipo pamoza nayo penga vikwi machumi pe chumi ndi machumi ghanayi ndi vinayi (144,000) wo ŵenga ndi zina lake, ndi zina la Awiske, lakulembeka pa mphumi zawo.

Chivumbuzi 14:1 Referans Kwoze

Yoele 2:32

Ndipo kuŵenge kuti, yose yo wadanenge pa zina laku Chiuta wataskikenge; chifukwa mu phiri Zioni ndi mu Yerusalemu ŵakaŵangamo wo ŵapozomokenge, nge ndimo Ambuya anene; ndipo mwaku wo ŵajako ndi umoyo, muŵenge wo Ambuya atuŵandana.

Chivumbuzi 3:12

Yo wapunda nkhamuchitanga mzati mu kasopi waku Chiuta wangu, ndipo kuti wakatuwangamo so cha; ndipo nkhalembanga pake zina laku Chiuta wangu, ndi zina lamsumba waku Chiuta wangu, Yerusalemu mufya, yo wasika kutuwa kuchanya kwaku Chiuta wangu, ndi zina langu lifya.

Luka 12:8

“Ndipo ndikuneniyani, yose yo wangazomera ine paurongo pa ŵanthu, Mwana wa munthu nayo wamzomerenge iyo paurongo pa ŵangelo ŵaku Chiuta;

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

Sumu 2:6

“Ndamika karonga wangu pa Zioni, phiri langu lakupaturika.”

Chivumbuzi 14:14

Ndingulereska, ndipo onani, mtambo utuŵa, ndi pa mtambo wo wangujapo Yumoza wakukozgana ndi mwana wa munthu, wakuvwara pa mutu pake ndumbu yagolide, mu janja lake mwenga chisenga chauyi.

Chivumbuzi 15:5

Pavuli paku vyenivi ndingulereska, ndipo wangujurika kuchanya kasopi yo wa chihema cha chisimisimi cho.

Yesaya 49:14

Kweni Zioni wanguti, “Ambuya andijowo ine, Ambuya andiruwa ine.”

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

Zekariya 4:2

Ndipo wanguti kwangu, “Kumbi uwona chine?” Ndinguti, “Ndiwona ehe, chikoleru-nyali cha golide chose, ndi mbali pachanya pake ndi nyali zinkhonde ndi ziŵi paku cho, ndi milomo yinkhonde ndi yiŵi pachanya paku zose.

Amosi 8:2

ndipo wanguti, “Amosi, uwonanji?” Ndipo ndinguti, “Sokora ya vipasi vya chihanya.” Viyo Ambuya anguti kwaku ine, “Umari wafika pa ŵanthu ŵangu ŵa Yisraele; kuti ndiŵajumphenge so cha.

Danyele 12:5

Viyo ine Danyele, ndingulereska, ndipo ehe, ndinguwona ŵanyake ŵaŵi ŵakuma, yumoza sirgha linu la msinji, ndi munyake sirgha liya la msinji.

Ezekiele 44:4

Sono wanguza nane munthowa yaku likomo laku nkhonde kunthazi kwa kasopi; ndingulereska, ehe, unkhankhu wa Ambuya unguzaza kasopi wa Ambuya; ndipo ndinguwa kavunama.

Ezekiele 10:1

Ndingulereska, ndipo ehe, pa mtambo uwa wenga pachanya pa mitu ya makerubi panguwoneka pachanya pawo chakukozgana ulaka ndi mwa wa satire, mu kaŵiro ka chitengo cha ufumu.

Ezekiele 8:7

Ndipo wanguditore ku khomo la luluwa; po ndingulereska, ehe, pa chimati penga zenji.

Ezekiele 2:9

Ndipopo ndingulereska, wonani, janja lingunyoroke kwangu, ndipo, ehe, buku lakuzinga lakulembeka lenga mwenimo;

Ezekiele 1:4

Po ndingulereska, awonani, mphepo ya Kavuru-vuru yinguza kutuliya ku nkhonde, ndi bingu likuru, ndi ukweru wakulizunguliya, ndi moto walipukanga rutaruta, mukati mwa moto mwenga dangalira la mkuŵa.

Yeremiya 1:11

Ndipo mazu gha Ambuya ghanguza kwangu ghakuti, “Yeremiya, uwonanji?” Ine ndinguti, “Ndiwona nthonga ya alimondi.”

Ezekiele 10:9

Ndingulereska, ehe, pafupi ndi makerubi penga mikombelo yinayi, umoza pa kerubi we yose; kawonekero ka mikombelo kenga ulaka ndi mwa wa Krisolite wa kujeduka.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Chivumbuzi 14:3

Ndipo ŵambanga sumu yifya paurongo pa chitengu-chaufumu cho, ndi paurongo pa vyamoyo vyo vinayi ndi ŵara wo: kweni kuti wanguziŵa yumoza kusambira sumu yo cha, kweni vyo vikwi machumi pe chumi ndi machumi ghanayi ndi vinayi, ŵeniwo ŵakuwomboleka ku charu.

Chivumbuzi 22:4

ndipo ŵawonenge chisku chake: zina lake liŵenge pa mphumi zawo.