Chivumbuzi 13:16 - Tonga Bible 1986

¹⁶ Ndipo so ndi kukakamizga wose, ŵamana ndi ŵara, ŵasambasi ndi ŵakavu, ŵanangwa ndi ŵaŵanda, kusimbika pa manja ghawo ghamarghe, pamwenga pa mphumi zawo;

Chivumbuzi 13:16 Referans Kwoze

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 7:3

wakuti, “Mungapwetekanga cha charu, chingana ndi nyanja, chingana ndi vimiti, mpaka po taŵazighiriya ŵaŵanda ŵaku Chiuta widu pa mphumi zawo.”

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Chivumbuzi 19:18

alinga kuti murghe nyama ya ŵakaronga, nyama ya zinduna, nyama ya vinkhara, nyama ya ŵakavalo ndi ŵakukwerapo ŵawo, ndi nyama yaku wose, ŵanangwa ndi ŵaŵanda, ŵamana ndi ŵara.”

Marangu 6:8

Ndipo mughamangiliye pa janja linu nge nchisimikizgu, ndipo ghakaŵanga nge ndi mphumphu yachiremba ya pakati pa maso ghinu.

Marangu 11:18

“Viyo mughasunge mazu ghangu yagha mu maghanoghano ghinu ndi mu mtima winu, mughamangiriye pa janja nge nchisimikizgu ndipo ghakaŵanga nge nchifuku cha chiremba pa maso ghinu.

Chituwa 13:9

Ndipo chikaŵanga kwaku imwe nge nchisimikizgu pa janja linu ndipo nge nchikumbusku pakati pa maso ghinu, alinga kuti dangu la Ambuya liŵenge mu mlomo winu; pakuti ndi janja la nthazi Ambuya akutuzgani mu Egipiti.

Chivumbuzi 19:5

Ndipo ghangutuwa ku chitengu-chaufumu cho mazu, ghakuti, “Thamikani Chiuta widu, mose mwaŵaŵanda ŵake, mwaŵakumopa, mwaŵamana ndi mwaŵara!”

Chivumbuzi 20:12

Ndinguŵawona ŵakufwa, ŵara ndi ŵamana, ŵamanga paurongo pa chitengu-chaufumu cho; ndipo mabuke ghangujurika: ndipo lingujurika buku linyake so, lenilo ndi buku la umoyo. Ndipo ŵakufwa ŵangweruzgikiya paku vyenivyo vingulembeka mu mabuku gho, kwakulingana ndi nchitu zawo.

Chivumbuzi 6:15

ndipo ŵakaronga ŵa panupasi ndi ŵaraŵara, ndi zinduna, ndi ŵasambasi, ndi virimbi, ndi muŵanda yose ndi mwanangwa ŵangubisama mu zimphanji ndi mu majarawe gha mapiri,

Machitidu gha Ŵakutumika 26:22

Viyo ndati ndaronde chovyu chakutuliya kwaku Chiuta, ndamiya mpaka zuŵa lino kwachisimikizgiya mumana ndi mura, wakukamba ka pade cha paku vyenivyo ŵamchimi ndi Mosese ŵangukamba kuti vikazanga,

Sumu 115:13

atumbikenge wose akopa Ambuya, ŵamana ndi ŵara kwakukozgana.

Jobu 34:19

mweniyo wareka kurumba chisku nanga ndi mukati mu mafumu, nanga nkhuphwere ŵaromba kuruska ŵakavu, chifukwa wose mba nchitu ya manja ghake!

Chivumbuzi 15:2

Ndinguchiwona chakukozgana ndi nyanja yakulangaliya, yakusazgikana ndimoto; ndi ŵeniwo ŵangupunda chikoku chiya, ndi chikozgu chake, ndi muŵerengu wa zina lake, ŵanguma iwo pa nyanja yakulangaliya, ndipo ŵenga ndi ŵakaligu ŵaku Chiuta mumanja ghawo.

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

ŴaKolose 3:11

Kweniko kuti kukaŵanga muGriki ndi muYuda cha, muchinju ndi wakuura-muchinju, muheriheri, muSkutia, muŵanda, mwanangwa: kweni Kristu ndiyo ndi vyose mwaku vyose.

ŴaEfeso 6:8

pakuziŵa kuti chose chamampha chenicho munthu ndi munthu wangachita, chenicho wamronde so ku Ambuya, chingana ndi muŵanda, chingana ndi mwanangwa.

ŴaGalatia 6:17

Kutuwa ku sono wareke munthu kundijarizga: chifukwa ine ndipinga mu liŵavu langu simbu zaku Yesu.

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

1 ŴaKorinte 12:13

Chifukwa mu Mzimu yumoza ifwe tose tingubatizikiya ku liŵavu limoza, ŵaYuda pamwenga ŵaGriki, ŵaŵanda pamwenga ŵanangwa; ndipo tose tingumweskeka ku Mzimu yumoza.

Sumu 49:2

mose mwa ŵakuyuyuka ndi mwa ŵapachanya, mwa ŵasambasi pamoza ndi mwa ŵakavu!

2 Mikoka 15:13

ndipo so kuti yose yo warekenge kupenja Ambuya Chiuta waku Yisraele wabayike, chingana wangaŵa mwana pamwenga mura, pamwengamunthurumi pamwenga munthukazi.

2 Timote 3:8

kweni uli ndimo Janese ndi Jambrese ŵangumikirana ndi mosese, viyo iwo nawo ŵamikana ndi uneneska wo, pakuŵa ŵanthu ŵakuwo mu chinjeru, ŵakupatika kuchiri ku chivwanu.

Zekariya 13:6

Ndipo asani yumoza watumfumba kuti, ‘Kumbi mabala yagha mu msana wako ngachine?’ wamukenge, ‘Mabala yagha ndingugwazika mu nyumba ya ŵanase ŵangu.’ ”