Chivumbuzi 13:15 - Tonga Bible 1986

¹⁵ Ndipo chinguronde nthazi kupaska mvuchi ku chikozgu cho cha chikoku, viyo kuti chikozgu cha chikoku cho chingaziŵa kurongoro, ndi kuchitiska kuti wo wose ŵarekenge kulambiya chikozgu cha chikoku, ŵabayike.

Chivumbuzi 13:15 Referans Kwoze

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 16:2

Ndipo wakudanga yo wanguruta, wangupunguliya mbali yake pa charu; ndipo chironda chiheni chamaŵika chinguŵa pa ŵanthu wo ŵenga ndi lisimbu la chikoku cho, ŵeniwo ŵalambiyanga chikozgu chake.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”

Chivumbuzi 17:6

Ndipo ndingumuwona munthukazi yo wakuloŵe ndopa za ŵakupaturika ndi ndopa za ŵakaboni ŵaku Yesu. Ndipo pakumuwona ndingurwita ndi chirwita chikuru.

Chivumbuzi 14:11

Ndipo usi wa urwirwi wawo ukwera muyaya ndi muyaya; ndipo kuti ŵe ndi chipumulu cha msana ndi usiku, yaŵa mbeniwo ŵalambiya chikoku cho ndi chikozgu chake, ndi yo yose waronde lisimbu la zina lake.”

Chivumbuzi 14:9

Mungelo munyake wachitatu, wanguŵarondo, wakukamba ndi mazu ghakuru, “Asani yumoza walambiya chikoku ndi chikozgu chake, ndi waronde lisimbu pa mphumi yake, pamwe pa janja lake,

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Chivumbuzi 18:24

Ndipo mwaku iyo ndimuzingusanirika ndopa za ŵamchimi ndi ŵakupaturika, inya ndi zaku wose wo ŵangubayika pa charu chapasi.”

Chivumbuzi 17:17

Chifukwa Chiuta wakuŵikiya limu mu mitima yawo kuchita khumbo lake, ndi kuchita khumbo limoza, kupaska ufumu wawo ku chikoku, mpaka po mazu ghaku Chiuta ghafiskika.

Yeremiya 51:17

Munthu yose ndi muzereza ndipo ngwambura chinjeru; we yose wakwenguwa golide walengeskeka ndi ŵangoza ŵake; pakuti vikozgu vyake vitesi, ndipo mulivi mvuchi mwaku vyo.

Yeremiya 10:14

Munthu yose ngwakupusa ndi wambura chinjeru; ŵangoza ŵalengeska misiri wakuŵapanga, pakuti vikozgu vyake vya utesi, mulivi mvuchi mwaku wo.

Yeremiya 10:5

Ŵangoza ŵawo ŵakozgana ndi vyakudikiya tuyuni vyakumikika mu munda wa vipasi, ndipo kuti ŵaziŵa kurongoro cha; ŵachita kunyamulika pakuti kuti ŵangenda cha. Mungaŵawopanga cha, pakuti kuti ŵangachita chiheni cha, pakuti nanga khuchita umampha nako mulivi mwawo.”

Sumu 115:5

Milomo ŵe nayo, kweni kuti ŵarongoro cha; maso ŵe nagho, kweni kuti ŵalereska cha.

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 16:5

Ndipo ndingumuvwa mungelo wa maji gho, wakuti, “Ŵarunji Ndimwe, Mwaŵakuŵapo, ndi mwenga, mwaŵakupaturika, mwe, pakuti mweruzga viyo!

Yakobe 2:26

Chifukwa uli ndimo liŵavu lo pade pa mzimu ndakufwa, viyo chivwanu nacho pade pa milimu nchakufwa.

Habakuku 2:19

Soka kwaku yo wanena ku chimuti chakusemeka, Yuka; ndi ku mwa wambuwu Ima! Kumbi ichi chingapereka uvumbuzi? Wona, nchakumatika ndi golide ndi siliva, mulivi muvuchi mukati chingana nkhamana.

Danyele 7:20

ndi masengwe chumi gho ghenga mu mutu wake, sengwe limoza lingubuka ndipo paurongo paku lo; masengwe ghatatu ghangubonthoka, sengwe lo lenga ndi maso ndi mlomo wo unguŵereŵeta vinthu vikuru, ndipo lenilo linguwoneka kuŵa likuru kuruska ghanyake.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Chivumbuzi 13:12

Ndipo chitakataka paurongo pake ndi mtufu wose wa chikoku chiya chakudanga. Ndipo chichita kuti charu chapasi ndi ŵakuja mwenimo ŵalambiyenge chikoku chakudanga cho, chenicho bala lake la nyifwa linguchizgika.