Chivumbuzi 13:14 - Tonga Bible 1986

¹⁴ Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 13:14 Referans Kwoze

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Chivumbuzi 13:8

Ndipo wose ŵakuja pa charu chapasi ŵakachilambiyanga, we yose yo zina lake lirivi kulembeka kutuwa ku kujarikika kwa charu mu buku la umoyo la Mwana-mberere yo, mweniyo wangubayika.

Chivumbuzi 20:10

Ndipo diabolo yo, mweniyo wangurandizga, wangupong'eka mu nyanja ya moto ndi fukunyira kweniko kwe chikoku cho ndi mchimimtesi yo; ndipo wakavwanga urwirwi msana ndi usiku muyaya ndi muyaya.

Chivumbuzi 18:23

ndipo kungweruka kwa limbuni kuti kukaŵalanga mwako cha; mazu gha mweni-nthengwa chingana nga mwali-nthengwa kuti ghakavwikanga mwako naku cha pe; pakuti ŵamaronda ŵako ŵenga ŵanthu ŵakuvwika ŵa panupasi, ndipo ndi nyanga yako yingurandizgika mitundu yose.

Chivumbuzi 16:2

Ndipo wakudanga yo wanguruta, wangupunguliya mbali yake pa charu; ndipo chironda chiheni chamaŵika chinguŵa pa ŵanthu wo ŵenga ndi lisimbu la chikoku cho, ŵeniwo ŵalambiyanga chikozgu chake.

Chivumbuzi 15:2

Ndinguchiwona chakukozgana ndi nyanja yakulangaliya, yakusazgikana ndimoto; ndi ŵeniwo ŵangupunda chikoku chiya, ndi chikozgu chake, ndi muŵerengu wa zina lake, ŵanguma iwo pa nyanja yakulangaliya, ndipo ŵenga ndi ŵakaligu ŵaku Chiuta mumanja ghawo.

Chivumbuzi 14:11

Ndipo usi wa urwirwi wawo ukwera muyaya ndi muyaya; ndipo kuti ŵe ndi chipumulu cha msana ndi usiku, yaŵa mbeniwo ŵalambiya chikoku cho ndi chikozgu chake, ndi yo yose waronde lisimbu la zina lake.”

Chivumbuzi 14:9

Mungelo munyake wachitatu, wanguŵarondo, wakukamba ndi mazu ghakuru, “Asani yumoza walambiya chikoku ndi chikozgu chake, ndi waronde lisimbu pa mphumi yake, pamwe pa janja lake,

Chivumbuzi 13:15

Ndipo chinguronde nthazi kupaska mvuchi ku chikozgu cho cha chikoku, viyo kuti chikozgu cha chikoku cho chingaziŵa kurongoro, ndi kuchitiska kuti wo wose ŵarekenge kulambiya chikozgu cha chikoku, ŵabayike.

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Ezekiele 16:17

Unguto so vitowelo vyako vya golide langu ndi siliva langu, vyo ndingukupaska, ungujisuliya vikozgo vya ŵanthu, ndipo ndi vyenivi unguchita ureŵi;

Ezekiele 14:9

Ndipo asani mchimi wanyengeka, ndi wakamba kanthu, ine, Ambuya, ndine ndapusika mchimi yuwa, ndipo nkhanyoroskiyanga janja langu paku iyo, nkhamuparghang'anga mukati mu ŵanthu ŵangu ŵaYisraele.

Yesaya 44:20

Waturgha chakurgha cha choto mtima wakujipusika wamurongozge kwawaka, ndipo kuti waziŵa kujipozomoska cha pamwenga kunena, “Kumbi kuti mwe utesi cha mu janja langu la marghe?”

Jobu 12:16

Kwaku iyo kwe nthazi ndi zeru, ŵakupusika ndi ŵakupusikika wose mbake.

2 ŴaKaronga 22:20

Chifukwa cho, ehe, ndikakuwunjikanga pamoza ndi ausu, ndipo ukasikiyanga ku muunda wako mu chimangu, ndipo maso ghako kuti ghakawonanga mauheni ghose gho ndikatolenga pa malo yagha cha.’” Ndipo ŵanguwezge mazu ku karonga.

2 ŴaKaronga 20:7

Yesaya wanguti, “Toni chiŵande cha nkhuyu, ndipo ŵachilarika pachanya pa chitufya, mwakuti wachire.”

Ezekiele 8:10

Viyo ndingusere, ndinguwona; pa chimati pangusimbika kwakuzunguliya, panguŵa vyakukwaŵa vyose vyakupambana-pambana, ndi vinyama vya ukazuzi, ndi ŵangoza wose ŵa nyumba yaku Yisraele.

Chituwa 7:11

Sono Farao wangudana ŵazeru ndi ŵavyanusi, ndipo so, ŵakuwukwa ŵaEgipiti ŵanguchita kwakukozgana ndi mayera ghawo.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 3:10

Pakuti wasungirizga mazu ghangu ghakuti, kunthiyangapo, nane so, nkhakusunganga ku ora la kesedu, lo likaziyanga pa charu chose, kwachesa wo mbakuja panupasi.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Chivumbuzi 16:13

Ndipo ndinguwona ŵazimu ŵatatu ŵawiyu uli mbachuwa, kutuwa mu mlomo wa nchalinda, ndi mu mlomo wa chikoku, ndi mu mlomo wa mchimi-mtesi.

2 Mikoka 18:21

Mzimu unguti, ‘Ndirutenge ndiŵenge nge ndi mzimu utesi mu mlomo wa ŵamchimi wake wose.’ Ndipo Ambuya anguti, ‘Kampusike, wamkumupusika nadi, rutanga ukachite viyo.’