Chivumbuzi 11:19 - Tonga Bible 1986

¹⁹ Ndipo kasopi waku Chiuta kuchanya wangujurika; ndipo linguwoneka mu kasopi wake bokosi la phanganu lake; ndipo kunguŵapo malimphezi, ndi chibumuzi, ndi vidiririzi, ndi viyeuyeu, ndi matarara ghakuru.

Chivumbuzi 11:19 Referans Kwoze

Chivumbuzi 16:21

Ndipo mya yikuru ya matarara ya uzitu wa mapaundi machumi pe chumi (100) umoza, kutuwa kuchanya yinguwiyapa ŵanthu; ndipo ŵanthu ŵangumtuka Chiuta, chifukwa cha chideru cha matarara gho; pakuti chideru chake chenga chakofya ukongwa.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Chivumbuzi 4:5

Ndipo mu chitengu-chaufumu cho ghangutuwamo malimphezi ndi mazu ndi vidiririzi. Ndipo ghengapo malimbuni ghankhonde ndi ghaŵi gha moto ghakukole pauronga pa chitengu-chaufumu cho, ghenigho mbazimu ŵankhonde ndi ŵaŵi ŵaku Chiuta;

Chivumbuzi 8:5

Ndipo mungelo yo wanguto supa yo ya chema, wanguyizaza ndi moto wa pa jochero lo, ndipo wanguyipong'a pa charu: ndipo vinguŵapo vidiririzi, ndi chibumuzi, ndi malimphezi, ndi chiyeuyeu.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Chivumbuzi 19:11

Ndipo ndinguwona kuchanya kwakujurika; ndipo, onani, kavalo wakuti tu, ndi mweniyo wangugara pake wanguzumbulika, Wamagomekezgeka ndi Mneneska; pakuti mu urunji wateruzga ndi waturwa.

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Maŵerengedu 10:33

Viyo ŵangusoka pa phiri la Ambuya ŵangwenda ulendo wa mazuŵa ghatatu; ndipo Bokosi la chisimikizgu la Ambuya linguŵadanjiriya pa ulendo uwu wa mazuŵa ghatatu, kwachipenja malo gha chipumulu chawo.

Maŵerengedu 4:15

Ndipo asani Aroni ndi ŵana ŵake ŵamara kuvunikiriya chihema chakupaturika, ndi vyakuteŵete vyose vyamu malo ghakupaturika, pa kusoka ugoŵi; pavuli pake, ŵana ŵaku Kohati ŵazenge kuzachinyamuwa ivi; kweni ŵareke kukwaska vinthu vyakupaturika, vinu ŵangafwa. Vinthu ivi ndivyo mphingu za ŵana ŵaku Kohati vyamu hema lakuwunganamo.

Maŵerengedu 4:5

Pakusoka ugoŵi, Aroni ndi ŵana ŵake ŵaserenge mukati kusiskiya pasi saru ya chivwinkhu, ndi kuvunikiriya nayo Bokosi la phanganu.

Chivumbuzi 16:18

Ndipo kunguŵapo malimphezi ndi kamphomezi, ndi vidiririzi; ndipo chinguŵapo chiyeuyeu chenichikuru, chakuti chengavi kuŵapo chiyeuyeu chikuru chaviyo kutuwa ku nyengo yo ŵanthu ŵanguŵiyapo pa charu chapasi.

Chivumbuzi 11:13

Ndipo mu ora liya chinguŵapo chiyeuyeu chikuru mwakuti chigaŵa chachumi cha msumba wo chinguwa; ndipo mu chiyeuyeu cho ŵangubayika ŵanthu vikwi vinkhonde ndi viŵi. Ndipo ŵakujapo ŵangutenthemeskeka, ndipo ŵangupaska unkhankhu kwaku Chiuta wakuchanya.

Chivumbuzi 8:7

Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Yesaya 32:19

Lisuwa likasikanga ukongwa, ndipo muzi ukawiskikanga limu pasi.

Yesaya 28:2

Ehe, Ambuya ŵe nayo yumoza yo ngwakulimba ndi wanthazi, uli chimphunga cha nya, lirondo lakubwanganduwa, uli nchimphunga cha kulimba, chakusapatiska maji, wakapong'anga pa charu chapasi ndi ukari.

Ezekiele 13:11

kamba kwaku wo ŵatilimata ndi utoto kuti, Likawanga! Kukawanga vuwa yikuru, matalala ghakuru ghawenge, ndipo chimphupuru chanthazi chiputenge;

Sumu 105:32

Mu malo mwa kutuma vuwa angutuma fukunyila ndi malimphezi pa charu chawo.

Sumu 18:12

Kutuwa mukuŵala kwa paurongo pake matalala ndi maka gha moto ghanguporota mukati mu mitambo yake.

Yoswa 10:11

Ndipo ŵachithaŵa pa maso pa ŵaYisraele ŵachisikiya ku sendemu ku Bete-horoni, Ambuya angupong'a paku wo mya yikuru kutuwa kuchanya mpaka ku Azeka, ndipo ŵangufwa; wo ŵangufwa chifukwa cha mya ya matarara ŵenga ŵanandi kuruska wo ŵangufwa ndi malipanga gha ŵanthurumi ŵaku Yisraele.

Yesaya 29:6

Ambuya ŵa maŵanja akachezga nganamwe, ndi kugunda ndi chidiririzi ndi mphomo yikuru, ndi kavuruvuru ndi chimphunga, ndi mlipu wa moto wakocha.

Ezekiele 13:13

Chifukwa ichi atiti Ambuya Chiuta: Ndikaputiskanga chimphupuru chikuru mu ukari wangu; ndipo kukaŵanga vuwa yikuru mu kukwiya kwangu, matalala ghakuru mu kukara kwangu kulipasuwa.

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

Chivumbuzi 7:15

Chifukwa cheni chiŵe paurongo pa Chitengu-chaufumu chaku Chiuta, ndipo ŵatumteŵete msana ndi usiku mu kasopi wake: ndipo mweniyo waja pa chitengu-chaufumu waŵavimbenge ndi uŵapo wake.

Chivumbuzi 12:1

Munthondwe ukuru unguwoneka kuchanya; munthukazi wakuvwarikika dazi, ndi mwezi pasi pa marwayo ghake, pa mutu pake penga ndumbu ya nyenyezi chumi ndi ziŵi.

Chivumbuzi 16:1

Ndinguvwa mazu ghakuru kutuwa mu kasopi yo, ghenigho ghakambanga ndi ŵangelo wo ŵankhonde ndi ŵaŵi, “Kaninga, kapunguliyeni pa charu chapasi mbali zo nkhonde ndi ziŵi za kandundu kaku Chiuta.”