Chivumbuzi 11:15 - Tonga Bible 1986

¹⁵ Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 11:15 Referans Kwoze

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Chivumbuzi 12:10

Ndipo ndinguvwa mazu ghakuru kuchanya, ghakuti, “Sono waŵapo utaski, ndi nthazi, ndi ufumu waku Chiuta widu, ndimtufu waku Kristu wake: pakuti wapong'eka pasi wakutundula yo wa ŵabali ŵidu, mweniyo watuŵatundula paurongo paku Chiuta widu msana ndi usiku.

Chivumbuzi 10:7

kweni kuti mu mazuŵa gha mazu gha mungelo wachinkhonde ndi chiŵi yo, penipo wamkumba mbata, po ndipo ghakafiskikanga mangari ghaku Chiuta, uli ndimo wanguŵanduliya umampha ŵaŵanda ŵake ŵamchimiwo.

Zekariya 14:9

Ndipo Ambuya aŵenge karonga wa charu chose chapasi; mu zuŵa lo kuŵenge Ambuya amoza ndi zina lawo limoza.

Chivumbuzi 19:1

Ndipo pavuli ndinguvwa ulaka ndi mazu ghakuru gha mzinda ukuru kuchanya, ghakuti, “Aleluya, Utaski ndi unkhankhu ndi nthazi vyo vyaku Chiuta widu:

Luka 1:33

ndipo wakausanga nyumba yaku Yakobe muyaya; ndipo muwusu wake kuti umarenge cha.”

Chituwa 15:18

Ambuya akausanga muyaya ndi muyaya.”

Danyele 7:18

Kweni ŵatuŵa ŵa Wapachanya Limu ndiwo ŵakatonga ufumu ndi kuja nawo muyaya.’

Chivumbuzi 16:17

Mungelo wachinkhonde ndi chiŵi wangupunguliya mbali yake mude; ndipo mazu ghakuru ghangutuliya mu kasopi, ku chitengu chaufumu cho, ghakuti, “Kwachitika!”

ŴaHebere 1:8

Kweni ndi Mwana yo Chiuta wanguti: “Chitengu nchako cha ufumu, uwusa ufumu wako ndi urunji.

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Yesaya 9:7

Kukuwa kwa ufumu wake ndi chimangu kuti kukaŵanga ndi umari cha, pa chitengo chaku Davidi, ndi pa ufumu wake, kuujarika ndi kuukhozga ndi cheruzgu chirunji ndi ukongorekwa, kwamba pa nyengo iyi kurutiriya ndi ku muyaya. Phamphu la Ambuya ŵa maŵanja likachitanga ichi.

Chivumbuzi 19:6

Ndinguvwa uli ndi mazu gha mzinda ukuru, ndi nge ndi mazu gha maji ghanandi, ndi nge ndi mazu gha vidiririzi vyanthazi, ghakuti, “Aleluya! Pakuti ŵausa Ambuya Chiuta widu Wanthazizose!

Chivumbuzi 15:4

Njani warekenge kopa imwe, Ambuya, ndi kukankhuska zina linu? Pakuti ndimwe pe mwe ŵakupaturika. Chifukwa mitundu yose yikazanga, ndipo yilambiyenge paurongo pinu; pakuti vyeruzgu vinu vyakurunjika vyawoneka pakweru!”

Luka 15:10

Viyo ndimo, ndikuneniyani, kutuŵa chimwemwe pa maso gha ŵangelo ŵaku Chiuta pa mlakwi yumoza wakung'anamuka.”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Ezekiele 37:25

Wakajanga mu charu cho ŵangujamo auskemwe cho ndingupaska mteŵeti wangu Yakobe; iwo, ndi ŵana ŵawo, pamoza ndi ŵana ŵa ŵana ŵawo ŵakajanga mwaku cho muyaya; ndipo Davidi mteŵeti wangu wakaŵanga fumu yawo muyaya.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Sumu 146:10

Ambuya akausanga muyaya! Chiuta wako, Zioni we, ku migonezi yose! Rumbani Ambuya!

Sumu 110:4

Ambuya akuchita phanganu, ndipo kuti akaliwezganga so cha: “Ukaŵanga mzukuru ku muyaya, mu ndondomeka ya uzukuru waku Melkizedeke.”

Sumu 72:11

Ŵakaronga wose ŵamulambiyenge; ndipo ŵamitundu wose ŵakamuteŵetiyanga iyo!

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”

Chivumbuzi 9:13

Wangukuŵa mungelo wachinkhonde ndi chimoza, ndipo ndinguvwa mazu kutuwa ku sengwi zinayi za jochero la golide lole paurongo paku Chiuta,

Chivumbuzi 9:1

Ndipo wangukuŵa mbata yakemungelo wachinkhonde ndipo ndinguwona nyenyezi kutuwa kuchanya yakumbotoka pa charu: ndipo ungupaskika kwaku iyo mjuriru wa chizenje chakuti nyo!

Chivumbuzi 8:12

Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.

Mateyu 6:13

Ndipo mungatitole mu kesedu kweni titaskeni ku mheni yo.

Hoseya 2:23

ndipo nkhamupandanga mu charu chifukwa chaku ndamweni. Ndipo nkhaŵanga ndi lisungu paku yo ‘Wambura kuchitikiya lisungu,’ ndipo nditinge ku ŵanthu ŵangu cha. ‘Ndimwe ŵanthu ŵangu’; ndipo iyo watinge, ‘Imwe mwe Chiuta wangu.’ ”

Danyele 7:22

Mpaka Khongwe la Mazuŵa ghakali linguza, ndipo cheruzgu chingurunjikiya ŵatuŵa ŵa Wamuchanya Ukongwa, ndipo nyengu yingufikapo penipo ŵatuŵa ŵanguronde ufumu.

Yesaya 55:5

Ehe, ukadananga mitundu yo kuti utiyiziŵa cha, ndipo mitundu yo yengavi kukuziŵa yikachimbiyanga kwaku iwe, chifukwa cha Ambuya Chiuta wako, ndi cha Mtuŵa Yumoza waku Yisraele, pakuti wakukankhuska iwe.

Yesaya 44:23

Mbani mwa machanya, pakuti Ambuya achichita, kamburani, mwa ndimba za charu chapasi; sereni mukumba, mwa mapiri mwe, wa lisuwa we, ndi muti wose wa mwake! Pakuti Ambuya awombo Yakobe, ndipo akakakhuskikanga mwaku Yisraele.

Luka 15:6

Ndipo wati waza kwake, waŵadaniya pamoza ŵabali ŵake ndi ŵanase, wakuŵanene, ‘Kondwereni pamoza nane, pakuti ndabowozga mberere yangu yakutayika yo.’

Malaki 1:11

Chifukwa kutuwa ku maturi ghadazi mpaka ku maselero ghake, zina langu ndikuru mukati mu mitundu, ndipo mu malo ghose vipaskika kwaku ine vyakununkhira ndi mipasku yakutowa, chifukwa zina langu ndikuru mukati mu mitundu, atiti Ambuya ŵa maŵanja.

Yeremiya 16:19

Ambuya mwe, nthazi yangu ndi linga langu lakukho, nchakudingang'amo changu, muzuŵa la suzgu, kwaku imwe mitundu yikazanga kutuwa ku vigoti vya charu ŵazamunena kuti, “Auskefwe kuti ŵaharapo so kanthu kanyake cha kweni mautesi pe, tunthu twambura ndi kanthu mwaku twenito mulivi kakwanduwamo.

Sumu 82:8

Zani, A Chiuta, muwusi charu; mitundu yose ya ŵanthu njinu.

Obadiya 1:21

Ŵakutaska ŵakakweriyanga ku phiri Zioni kweruzga phiri laku Esau; ndipo ufumu uŵenge wa Ambuya.

Mateyu 24:31

Ndipo watumenge ŵangelo ŵake ndi chizozu chikuru cha mbata, ndipo ŵawungang'enge ŵakusankhika ŵake ku mphepu zinayi, kutuwa ku vigoti vyakuti vya machanya mpaka ku vigoti vinyake.

Machitidu gha Ŵakutumika 4:26

Ŵangujindandaliska ŵakaronga ŵa charu, ndipo nduna zo zinguwungana pamoza, pa Ambuya ndi pa Wakupakika wawo.’

Ezekiele 47:5

Wangupima chikwi, ndipo wenga msinji wo ndingutondeka kwambuka, pakuti maji ghangututuka; ghenga ghanandi kuti munthu wasambiremo, msinji wo kuti ungambukika cha.