Chivumbuzi 10:9 - Tonga Bible 1986

⁹ Ndipo ndinguya ku mungelo yo, ndingunena nayo, kuti wandipaske kabuku ko. Ndipo wali kwaku ine, “Karonde ndipo ukarghe; kaŵaŵiskenge mumoyo mwako, kweni mu mlomo wako kaŵenge kakusamuka ulaka mbuchi.”

Chivumbuzi 10:9 Referans Kwoze

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Ezekiele 2:8

“Kweni iwe, mwana wa munthu, yivwa cho ndikamba nawe; ungagarukanga nge ndi nyumba ya chigaruka yiya cha; jura mlomo wako, yirgha cho nditikupaska.”

Ezekiele 3:14

Mzimu ungundisoska ndi kunditore kutali, ndinguruta mu kuŵaŵa kwa kufunda kwa mzimu wangu, pakuti janja la Ambuya lingundiŵiya la nthazi;

Jobu 23:12

Ndilive kupatukako ku marangu ghatuŵa gha mumilomo yake, ndaronga mu chifuŵa changu mazu ghamu mlomo wake.

ŴaKolose 3:6

chifukwa chaku vyenivyo katuza kandundu kaku Chiuta pa ŵana ŵa mtafu,

Chivumbuzi 10:10

Ndinguronda kabuku ku janja la mungelo yo, ndingukaswita; ndipo mu mlomo wangu kenga kakusamuka nge mbuchi; kweni ndati ndakaswita, mumoyo mwangu munguŵaŵa.