Chivumbuzi 10:3 - Tonga Bible 1986

³ ndipo wangukambura ndi mazu ghakuru, uli ndimo nkharamu yibanguriya: ndipo wachikambura, vidiririzi vinkhonde ndi viŵi vingudiririska mazu ghawo.

Chivumbuzi 10:3 Referans Kwoze

Yesaya 31:4

Pakuti viyo ndimu Ambuya angundinene, Nge ndimo nkharamu pamwenga nkharamu ya mpupuka yikorome pa nyama yake, ndi penipo mpingu wa ŵaliska wadanikiyako kulimbana nayo kuti yitofyerwa ndi kukambura kwawo cha pamwenga kuthaŵa chifukwa cha chiwawa chawo, viyo Ambuya ŵa maŵanja akasikanga kuzachirwa pa phiri Zioni ndi pa kamtunthu kake.

Chivumbuzi 4:5

Ndipo mu chitengu-chaufumu cho ghangutuwamo malimphezi ndi mazu ndi vidiririzi. Ndipo ghengapo malimbuni ghankhonde ndi ghaŵi gha moto ghakukole pauronga pa chitengu-chaufumu cho, ghenigho mbazimu ŵankhonde ndi ŵaŵi ŵaku Chiuta;

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Yoele 3:16

Ambuya abongo mu Zioni, ndi atuzga mazu ghawo kutuliya mu Yerusalemu, machanya ndi charu chapasi visukunikenge; kweni Ambuya nchakutaskikiyamo cha ŵanthu ŵawo linga lakukho ku ŵana ŵaku Yisraele.

Chivumbuzi 15:1

Ndinguwona munthondwi unyake kuchanya, ukuru ndi wakuziziswa, ŵangelo ŵankhonde ndi ŵaŵi, ŵenga ndi videru vinkhonde ndi viŵi vyakumariya, mwaku vyenivyo ndimu kamarizgikiya kandundu kaku Chiuta.

Chivumbuzi 14:2

Ndinguvwa mazu ghakutuwa kuchanya nge ndi mazu gha maji ghanandi, ndi nge ndi mazu gha chidiririzi chikuru: mazu gho ndinguvwa ghenga nge nga ŵakaligu ŵakumba pa ŵakaligu ŵawo.

Chivumbuzi 8:5

Ndipo mungelo yo wanguto supa yo ya chema, wanguyizaza ndi moto wa pa jochero lo, ndipo wanguyipong'a pa charu: ndipo vinguŵapo vidiririzi, ndi chibumuzi, ndi malimphezi, ndi chiyeuyeu.

Amosi 3:8

Nkharamu yichibangula; ndiyani wareka kopa? Ambuya Chiuta wakamba; ndiyani wangareka kuchima?”

Yeremiya 25:30

“Viyo iwe, ukachimanga paku iwo mazu yagha ghose, ndipo ukanenanga kwaku wo. ‘Ambuya akaurumanga kutuliya kuchanya kutuwa ku malo ghawo ghakujamo ghakupaturika, ŵakakambanga mazu ghawo; ŵakaurumanga ndi nthazi kumikana ndi khora lawo, kubangula, nge ndiwo ŵakanda mphereska, paku wo mbakuja mu charu chapasi.

Yesaya 42:13

Ambuya aruta uli ndi munthu chilimbi, uli ndi munthu wa nkhondo wasosomo ukali wake; waliya pachanya, wadanirizga ukongwa, watijirongo yija kuŵa wa nthazi pa ŵakupindikana ŵake.

Yesaya 5:29

Kuuruma kwawo kwe nge nkhwa nkharamu, ŵauruma nge ndi nkharamu zampupuka; ŵajuma ndi kuko nyama yawo, ŵaruta nayo, ndipo palivi yo wangapokeska.

Nthanthi 19:12

Ukari wa karonga we uli nkhukoroma kwakamanakamana kwa nkharamu, kweni lisungu lake le uli ndi dungwi pa uteka.

Chivumbuzi 15:7

Ndipo chimoza cha vyamoyo vyo vinayi chingupaska ŵangelo ŵankhonde ndi ŵaŵi mbali nkhonde ndi ziŵi zakuzaza fwa ndi kandundu kaku Chiuta, mweniyo ngwamoyo ku muyaya ndi muyaya.

Sumu 29:3

Mazu gha Ambuya ghe pa maji, Chiuta wa unkhankhu wadiririska, Ambuya, pa maji ghanandi.

Ezekiele 10:5

Kugunda kwa mapapa gha makerubi kunguvwika mpaka ku luluwa la kubwaro, ulaka ndi mazu ghaku Chiuta Wanthazizose pa warongoro.

Hoseya 11:10

Ŵakarondonga Ambuya, Ambuya akoromenge nge ndi nkharamu, inya akoromenge, ndipo ŵana ŵake ŵakazanga ndi chitenje kutuwa ku zambwe.