Chivumbuzi 10:1 - Tonga Bible 1986

¹ Ndipo ndinguwona mungelo munyake wanthazi wasikanga kuchanya, wakuvwara mtambo, ndi chiŵingavuwa pa mutu pake; ndipo chisku chake chenga uli ndi dazi, marundi ghake nge ndi mizati ya moto.

Chivumbuzi 10:1 Referans Kwoze

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Ezekiele 1:28

Nge nkhawonekero ka chiŵinga-vuwa mu mtambo pa zuŵa la vuwa, ndimo ukweru wakuzunguliya pa unguwoneke. Agha ndigho ghenga mawonekero gha chikozgu cha unkhankhu wa Ambuya. Po ndinguchiwona ichi, ndinguwa kavunama, ndipo ndinguvwa mazu gha yumoza kurongoro.

Chivumbuzi 5:2

Ndipo ndinguwona mungelo wanthazi wakumemeza ndi mazu ghakuru, “Njani wakwenere kubanuwa buku lo, ndi kumatuwa vizighiri vyake?”

Danyele 10:6

Liŵavu lake lingukozgana ndi mwa wakuzirwa, chisku chake nge nkhawonekedu ka limphezi, maso ghake nge ndi nyali zakukole, manja ghake ndi marundi ghake vingukozgana ndi mkuŵa wakuphotoka ndi kuvwika kwa mazu ghake kwenga nge nchiwawa cha muzinda.

Chivumbuzi 4:3

Ndipo yo wangujapo mu kawonekedu wangukozgana ndi mwa wa jasperendi karneliyani: ndipo kuzingiriya chitengu-chaufumu cho penga chiŵingavuwa, chakukozgana ndi mwa wa emeraldo.

Chivumbuzi 8:13

Ndingulereska, ndipo ndinguvwa nombo yakuwuluka mude mukati, yakuliya ndi mazu ghakuru, “Owe! Owe! Owe kwaku wo mbakuja pa charu, chifukwa cha mazu gha mbata zakujapo za ŵangelo ŵatatu wo ŵakhumbanga kukuŵa.”

Sumu 104:3

Mwazenga muzi winu pachanya pa maji, wakusanduska mabingu gareta lake, ndi kwenda pa mapapa gha mphepo.

Sumu 97:2

Mabingu ndi munkhorwi viŵazingiliya: ufumu wawo ukugarikika pa urunji ndi cheruzgu.

Chivumbuzi 1:7

Awonani, watuza pa mitambo; ndipo jiso lose lizakumuwona, ndi wo wose ŵangumugwaza; ndipo mafuku ghose gha panupasi ghaketenjerenga paku iyo. Inyadi; Ameni.

Machitidu gha Ŵakutumika 26:13

ndi msana pakati, aKaronga, ndinguwona pa nthowa kungweruka kwakutuliya kuchanya, kwakuruska kuŵala kwa dazi, kwakuŵaliya kwakuzunguliya ine ndi ŵeniwo ŵakanga nane pamoza.

Luka 21:27

Ndipo sono ŵakamuwonanga Mwana wa munthu wakuza mu mtambo ndi nthazi ndi unkhankhu ukuru.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Chitenje 3:44

Mwajikulunga ndi mtambo, viyo kuti palivi rombu lo lingaporota.

Yesaya 54:9

“Pakuti ichi chiyana ndi mazuwa ghaku Nowa kwa ine: uli ndimo ndingrapiya kuti maji ghaku Nowa ghareke kuza so pa charu chapasi, viyo so ndimu ndarapiya kuti ndikakukwiyiyanga cha ndipo kuti ndikuchenyenge cha.

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Sumu ya Zisumu 5:15

Marundi ghake ghenge ndi mya yakuzirwa yakuwurungikana, yakumikika pa mphanjizgu za golide. Kawonekedu kake kenge ndi Lebanoni, wakusankhika ngendi milanje.

ŴaLevi 16:2

Ambuya anguti kwaku Mosese, “Umunene Aroni mwana munyako kuti wangazanga nyengo yose mu malo ghakupaturika cha wangaserenga kurutiliya chivwinkhu, kufika paurongo pa chitengo cha lisungu cho che pachanya pa bokosi la phanganu, vinu wangafwa; pakuti ndikawonekanga mu mtambo pachanya pa chitengo cha lisungu.

Chituwa 16:10

Ndipo penipo Aroni warongoronga ku mpingu wose wa ŵaYisraele wangulereska ku bizwa, ndipo wanguwona unkhankhu wa Ambuya unguwoneka mu mtambo.

Chivumbuzi 18:1

Pavuli pa ichi ndinguwona mungelo munyake kusikako kuchanya; wenga ndi mtufu ukuru; ndipo charu chingungweruskika ndi unkhankhu wake.

Chivumbuzi 18:21

Ndipo mungelo yumoza wanthazi wangusoska mwa wakukozgana ndi chimphe chikuru, ndipo wanguupong'a mu nyanja, wakuti, “Viyo, gadabu phuvwa! Ndimo wagadabukiyenge Babiloni, msumba wo ukuru, ndipo kuti wamsanirika kose so cha.

Chivumbuzi 20:1

Ndinguwona mungelo wasika kutuwa kuchanya, wakuŵa ndi mjuriru wa chizenje cho, ndi unyoru ukuru mu janja lake.