Chivumbuzi 1:20 - Tonga Bible 1986

²⁰ nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.

Chivumbuzi 1:20 Referans Kwoze

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

Chivumbuzi 3:1

“Ndipo ku mungelo wa mpingu wamu Sardisi ulembe: ‘Vyenivi watiti mweniyo we nawo ŵazimu ŵankhonde ndi ŵaŵi ŵaku Chiuta, ndi nyenyezi nkhonde ndi ziŵi. “ ‘Ndiziŵa nchitu zako, we nalo zina lakuti we wamoyo penipo we wakufwa.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Zekariya 4:2

Ndipo wanguti kwangu, “Kumbi uwona chine?” Ndinguti, “Ndiwona ehe, chikoleru-nyali cha golide chose, ndi mbali pachanya pake ndi nyali zinkhonde ndi ziŵi paku cho, ndi milomo yinkhonde ndi yiŵi pachanya paku zose.

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 2:18

“Ndipo ku mungelo wa mpingu wamu Thiatira ulembe: ‘Vyenivi watiti Mwana waku Chiuta, mweniyo we ndi maso ulaka nge ndi mlipu wa moto, ndi marundi ghake ghakukozgana ndi mkuŵa wakugabuka.

Chivumbuzi 2:12

“Ndipo ku mungelo wa mpingu wamu Pergamo lembapo: ‘Vyenivi watiti mweniyo we ndi lipanga lauyi, la vyepe kosekose.

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.

Luka 8:10

Ndipo iyo wanguti, “Kwaku imwe kwapaskika muziŵa mangari gha ufumu waku Chiuta: kweni ku ŵanyake uneneka mu zintharika, alinga kuti pakulereska ŵangawona cha, ndi pakuvwa ŵangaŵamo cha.

Mateyu 13:11

Ndipo iyo wakwamuka wanguti kwaku wo, “Kwaku imwe kwapaskika kuziŵa mangari gha ufumu wakuchanya, kweni kwaku ŵa kuti kwapasikika cha.

Malaki 2:7

Pakuti mlomo wa mzukuru utenere kusunga zeru, ndipo ŵanthu ŵatenere kupenja zeru pakumuvwa, chifukwa iyo ndi thenga la Ambuya ŵa maŵanja.

Chituwa 25:37

Ndipo mukachichitiyanga nyali zo zinkhonde ndi ziŵi, ndipo nyali zikaŵikikanga alinga kuti zipaskenge ukweru kose ku maso kwake.

Chituwa 37:23

Ndipo wanguchita nyali zake zinkhonde ndi ziŵi ndi visunda vyake ndi mbale zake za golide.

ŴaRoma 11:25

Chifukwa, mwa ŵabali, kuti ndikhumba mureke kuziŵa mangari yagha cha (vinu mungaŵa ŵakujirumba), ghakuti chinononu chawiya Yisraele yo ku rwandi,

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Chivumbuzi 1:11

ghakuti, “Cho uwona lemba mu buku, ndi utume ku mipingu yinkhonde ndi yiŵi; ku Efeso, ku Smurna, ku Pergamo, ku Thiatira, ku Sardisi, ku Filadelfia, ndi ku Laodikea.”

Chivumbuzi 2:5

Viyo kumbuka ko wapaghamuka, ndipo ng'anamuka, ndi chitanga nchitu zako zakudanga. Vinu ndingaza ndi kutuzgapo chikoleru-nyali chako pa malo ghake, asani ureka kupe.

Chivumbuzi 17:5

ndipo pa maso pake zina lingulembeka kwaungari “Babiloni mukuru, nyinau wa ŵareŵi ndi wa maunyakazi gha panupasi.”

Chivumbuzi 17:7

Kweni mungelo yo wangunena nane, “Urwitiyanji na? Ine ndi kuneniyenge ungari wa munthukazi yo, ndi wa chikoku chakumunyamuwa, cho che ndi mitu yinkhonde ndi yiŵi ndi sengwe chumi.