Chivumbuzi 1:18 - Tonga Bible 1986

¹⁸ ndi yo ngwamoyo; ndinguŵa wakufwa, ndi onani, nde Wamoyo ku muyaya ndi muyaya, ndipo nde nayo mijuriru ya Nyifwa ndi Hadesi.

Chivumbuzi 1:18 Referans Kwoze

ŴaRoma 6:9

taŵakuziŵa kuti Kristu, pakuyuskika ku ŵakufwa, kuti ngwamafwika so cha, kuti nyifwa yimtufuliya so cha.

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

Sumu 68:20

Chiuta widu ndi Chiuta wa utaski; ndi Ambuya, Mbuyafwe, yo watitipozomoska ku nyifwa.

Chivumbuzi 3:7

“Ku mungelo wa mpingu wamu Filadelfia lembapo: ‘Vyenivi watiti Wakupaturika, Mneneska yo, mweniyo we ndi mjuriru waku Davidi, yo wajura, ndipo kuti yumoza wangajara cha, yo wajara, ndipo kuti yumoza wangajura cha.

Yesaya 22:22

Ndipo ndikaŵikanga pa phewa lake mpiringizgu wa nyumba yaku Davidi, wakajuranga, ndipo paulengevi wakujara, wakajaranga ndipo paulengevi wakujura.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

Mateyu 16:19

Ndikupaskenge mipiringizgu ya ufumu wakuchanya; ndipo chose cho ungamanga panupasi chiŵenge chakumangika kuchanya; ndipo chose cho ungafwatuwa panupasi chiŵenge chakufwatulika kuchanya.”

Chivumbuzi 20:14

Ndipo nyifwa ndi Hadesi vingupong'eka mu nyanja ya moto. Yeniyi ndi nyifwa yachiŵi, nyanja yo ya moto.

ŴaHebere 1:3

Mweniyo, pakuŵa dangalira la unkhankhu wake ndi chiyanizgu cha kaŵidu kake, ndi pakuchirikiriya so vyose ndi nenedu la nthazi yake, wanguti, wachita chiphoto cha vilakwa, wanguja pasi ku marghe gha Ukurukuru mu machanya.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,

ŴaHebere 7:16

mweniyo wachitika, mwa dangu la langulu lanyama cha, kweni mwa nthazi ya umoyo wambura mamarika.

2 ŴaKorinte 13:4

Chifukwa nanga wangupayikikiya mu unthomboru, ndikweni wajariya wamoyo mu nthazi yaku Chiuta. Chifukwa nafwe te ŵakutomboroka mwake, kweni pakutakataka ndi imwe tijariyenge ŵamoyo pamoza ndi iyo mu nthazi yaku Chiuta.

Jobu 19:25

Pakuti ndiziŵa kuti wakundiwombo ngwamoyo, ndi pakumariya wakamanga pa charu;

Chivumbuzi 9:1

Ndipo wangukuŵa mbata yakemungelo wachinkhonde ndipo ndinguwona nyenyezi kutuwa kuchanya yakumbotoka pa charu: ndipo ungupaskika kwaku iyo mjuriru wa chizenje chakuti nyo!

Yohane 14:19

Kachalipo kanyengo kamanavi, ndipo charu cho kuti chindiwonenge so cha; kweni imwe mundiwonenge; chifukwa ine ndi wamoyo namwe so muŵenge ŵamoyo.

ŴaKolose 3:3

Chifukwa mungufwa, ndipo umoyo winu wabisikiya pamoza ndi Kristu mwaku Chiuta.

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Chivumbuzi 5:14

Ndipo vyamoyo vyo vinayi vyatinge, “Ameni.” Ndipo ŵara wo ŵanguwa pasi, ndipo ŵangulambiyapo.

1 Samuele 2:6

Ambuya abaya ndi kutore ku umoyo; aserezga pasi ku muunda, ndi kuyuska so.

Jobu 38:17

Kumbi malikomo gha nyifwa ghavumburika kwaku, kumbi mwaghawona malikomo gha mdima wa munkhorwe?

Mateyu 11:23

Ndipo iwe, Kapernaumu, utumphulikiyenge mpaka kuchanya, nthu? Mpaka ku Hadesi upawuskikiyenge. Chifukwa asani mu Sodomu vinguchitika vyanthazi vyakuchitika mwako, mphanyi wungujaririya mpaka kuno ku le.

Luka 24:5

ndipo pakuŵa iwo ŵakofyeka ndi ŵakubwanthuskiya visku pasi, ŵanguŵafumba, “Chifukwa chine mutumpenja wamoyo pamoza ndi ŵakufwa?

Yohane 11:25

Wangumnene Yesu, “Ine ndine Chiyuka ndi Umoyo; wakuvwana mwaku ine, chingana wangafwa, waŵenge wamoyo,

Chivumbuzi 2:8

“Ndipo ku mungelo wa mpingu wamu Smurna lembapo: ‘Vyenivi watiti wakudanga ndi wakumariya yo, yo wanguŵa wakufwa ndipo wanguwere ku umoyo.

Chivumbuzi 6:8

Ndipo ndingulereska awonani, kavalo wakonda: ndipo zina laku yo wangugarapo pake lenga Nyifwa: ndipo Hadesi wangurongozgana nayo; kwaku iwo kungupaskika mtufu wapa chigaŵa chapanayi cha panupasi kwachibaya ndi lipanga ndi ndi chirara, ndindi nyifwa, ndindi vikoku vyo charu.

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chivumbuzi 15:7

Ndipo chimoza cha vyamoyo vyo vinayi chingupaska ŵangelo ŵankhonde ndi ŵaŵi mbali nkhonde ndi ziŵi zakuzaza fwa ndi kandundu kaku Chiuta, mweniyo ngwamoyo ku muyaya ndi muyaya.

Chivumbuzi 20:13

Ndipo nyanja yingufunchizga ŵakufwa ŵamwake; ndipo Nyifwa ndi Hadesi vingupereka ŵakufwa ŵamwaku wo: ndipo ŵangweruzgika, munthu yose, kwakulingana ndi nchitu yake.