Chivumbuzi 1:16 - Tonga Bible 1986

¹⁶ Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Chivumbuzi 1:16 Referans Kwoze

ŴaHebere 4:12

Chifukwa ngamoyo mazu ghaku Chiuta, ndi ngakuchita, ndingakuthwa kwakuruska lipanga lose la uyi kosekose, ndipo ghaporota mpaka ku mugaŵiru wa umoyo ndi mzimu, ndi marunga ndi mdinthi, ndi ngapusu kuteska maghanagha nondi maknumbu gha mtima.

Chivumbuzi 2:16

Viyo ng'anamuka, vinu ndingaza kwako ruŵi, ndikurwana nawo ndi lipanga la mlomo wangu.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 2:12

“Ndipo ku mungelo wa mpingu wamu Pergamo lembapo: ‘Vyenivi watiti mweniyo we ndi lipanga lauyi, la vyepe kosekose.

ŴaEfeso 6:17

Ndipo jitoleni chivekeru chaku mutu cho mbutaski, ndi so lipanga la Mzimu, lenilo ndi mazu ghaku Chiuta.

Yesaya 49:2

Anguchita mlomo wangu uli ndi lipanga lakuthwa, angundichita mu chiduzi cha janja lawo; angundichita muvwi wakunoleka, angudibisa mu phodo lawo.

Chivumbuzi 19:21

Ndipo ŵakujapo ŵangubayika ndi lipanga laku mweniyo wangugara pa kavalo yo, lenilo lingutuwa mu mlomo wake. Ndipo viyuni vyose vinguguta nyama zawo.

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Chivumbuzi 1:20

nge nkhu mangari gho gha nyenyezi nkhonde ndi ziŵi Zo unguwona mu janja langu lamarghe, ndi gha vikoleru-nyali vyo vinkhonde ndi viŵi vyagolide. Nyenyezi nkhonde ndi ziŵi zo mbangelo ŵa mipingu yo yinkhonde ndi ghaŵi: ndipo vikoleru-nyali vyo vinkhonde ndi viŵi ndi mipingu yinkhonde ndi yiŵi.

Chivumbuzi 3:1

“Ndipo ku mungelo wa mpingu wamu Sardisi ulembe: ‘Vyenivi watiti mweniyo we nawo ŵazimu ŵankhonde ndi ŵaŵi ŵaku Chiuta, ndi nyenyezi nkhonde ndi ziŵi. “ ‘Ndiziŵa nchitu zako, we nalo zina lakuti we wamoyo penipo we wakufwa.

Machitidu gha Ŵakutumika 26:13

ndi msana pakati, aKaronga, ndinguwona pa nthowa kungweruka kwakutuliya kuchanya, kwakuruska kuŵala kwa dazi, kwakuŵaliya kwakuzunguliya ine ndi ŵeniwo ŵakanga nane pamoza.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Chivumbuzi 12:1

Munthondwe ukuru unguwoneka kuchanya; munthukazi wakuvwarikika dazi, ndi mwezi pasi pa marwayo ghake, pa mutu pake penga ndumbu ya nyenyezi chumi ndi ziŵi.

Chivumbuzi 10:1

Ndipo ndinguwona mungelo munyake wanthazi wasikanga kuchanya, wakuvwara mtambo, ndi chiŵingavuwa pa mutu pake; ndipo chisku chake chenga uli ndi dazi, marundi ghake nge ndi mizati ya moto.

Danyele 12:3

Wo mbavinjeru ŵamuŵara nge nkhung'anima kwa mlengalenga; ndi wo ŵawezge ŵanandi ku urunji, nge ndi nyenyezi muyaya ndi muyaya.

Jobu 38:7

penipo nyenyezi za mlenji zingumba pamoza, ndipo ŵana ŵaku Chiuta wose ŵangukambura ndi chimwemwe?

Danyele 8:10

Lingukuwa ukongwa kufika ku liŵanja la kuchanya ndi lingupong'a pasi mpingu wa nyenyezi zinyake ndi linguzidyakadyaka.

Yesaya 24:23

Sono mwezi ukatimbanizgikanga lumwi likachitanga soni; pakuti Ambuya ŵa maŵanja akausanga pa phiri Zioni ndi mu Yerusalemu ndipo paurongo pa ŵara ŵake akavumbuwanga unkhankhu wawo.

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

Sumu 45:3

Jimangiriye lipanga lako mu chiwunu, wa chilimbi we, mu unkhankhu ndi mu kuziza kwako!

Sumu ya Zisumu 6:10

“Ndiyani uyu yo wawoneka kutuwa ulaka nge ndi matandakucha, wakutowa nge ndi mwezi, wakuŵala nge ndi lumwi, wakofya nge ndi liŵanja la nkhondo ndi ndembera?”

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.

Ŵeruzgi 3:16

Ehudi wangujipangiya lipanga la wuyi kosekose, utali wake lenga mkono umoza, ndipo wangulikoloŵeka pa chigha chake cha ku marghe mukati mu vivwalo vyake.