Chivumbuzi 1:13 - Tonga Bible 1986

¹³ ndipo mukati mu vikoleru vyo Yumoza wakukozgana ndi Mwana wa munthu, wakuvwara khanju litali, ndi wakumangika lamba la golide pa maŵe.

Chivumbuzi 1:13 Referans Kwoze

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 10:16

Ndipo ehe, yumoza wakukozgana ndi mawonekedu gha ŵana ŵa ŵanthu wangukwaska mlomo wangu, ndingukamba ndinguti kwaku yo wanguma paurongo pangu, “Mbuya wangu, chifukwa cha chiwona, maurwirwi ghandiziya, ndipo nthazi zandimariya.

Chivumbuzi 15:6

Ndipo ŵangutuwa mu kasopi yo ŵangelo ŵankhonde ndi ŵaŵi wo ŵenga ndi videru vinkhonde ndi viŵi, ŵakuvwara malikwamba gha golide.

Chivumbuzi 14:14

Ndingulereska, ndipo onani, mtambo utuŵa, ndi pa mtambo wo wangujapo Yumoza wakukozgana ndi mwana wa munthu, wakuvwara pa mutu pake ndumbu yagolide, mu janja lake mwenga chisenga chauyi.

ŴaLevi 8:7

Ndipo wangumuvwarika raya, la mukati wangumumanga lamba, ndipo wangumuvwarika munjirira, ndi efodo, ndi wangumumanga ndi chingwi chakulukika kwa rwana cha efodo, ndicho wangumumangiya.

Danyele 7:9

Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.

Yesaya 11:5

Urunji ukaŵanga lamba la muchiunu chake, umagomekezgeka lamba la kujikhozga nalo.

ŴaHebere 4:15

Chifukwa kuti te nayo cha mzukuru Mura wambura nthazi kuvwiyapo nafwe mu maunthomboru ghidu; kweni yo weseka mwaku vyose kwakulingana nafwe, kweni kwambura vilakwa.

Chituwa 39:5

Ndi kasaru kakumangiya kakuwombeka ndi umisiri pachanya pake, kumangiya pakuvwara, kenga ka mtunda weniwo umoza, ndi kachitidu kake, kasaru ya golide, bulu, ndi yakufyuŵara, ndi yiyera ndi saru yakuwolofoka yakutowa yakupika; nge ndimo Ambuya angulanguliya Mosese.

Chivumbuzi 2:1

“Ku mungelo wa mpingu wamu Efeso lembapo: ‘Vyenivi watiti yo ngwakukoreze mu janja lake lamarghe nyenyezi zo nkhonde ndi ziŵi, yo watenda mukati mu vikoleru-nyali vyo vinkhonde ndi viŵi vya golide.