Chivumbuzi 1:1 - Tonga Bible 1986

¹ Uvumbuzi waku Yesu Kristu, weniwo Chiuta wangumpaska kuŵarongo ŵateŵeti ŵake vinthi vyo vitenere kuŵapo ruŵi: ndipo wanguusimikizgiya pakuwutumizgiya mu mungelo wake ku mteŵeti wake Yohane;

Chivumbuzi 1:1 Referans Kwoze

Chivumbuzi 22:16

“Ine nda Yesu ndatuma kwinu mungelo wangu kumsimikizgiyani vinthu ivi mu mipingu. Ine ndine nkhorozu ndi mbumba yaku Davidi, ndi thondu lakuŵara la mlenji.”

Chivumbuzi 22:6

Ndipo wangunena nane, “Mazu yagha ngamagomekezgeka ndi ghakuneneska; ndipo Mbuya Chiuta wa mizimu ya ŵamchimi watuma mungelo wake kuŵarongo ŵaŵanda ŵake vyenivyo vitenere kuŵapo ruŵi.

ŴaGalatia 1:12

Chifukwa chingana nkhuti ndinguuronde ku munthu cha, chingana nkhuti ndingusambizgika cha, kweni ungundiwiya mu uvumbuzi waku Yesu Kristu.

Amosi 3:7

Nadi Ambuya Chiuta kuti wachita kanthu cha kakuwubende, kwambura kuti wadanga wakavumbuliya ku ŵateŵeti ŵake ŵamchimi.

ŴaEfeso 3:3

nge ndimo mu uvumbuzi ghanguvumbulikiya ine mangari gho, uli ndipo ndingulembe kali ghawida,

Chivumbuzi 1:19

Viyo lemba vyenivyo uwona vyo viripo, ndi vyo vikaŵangapo pavuli paku vyenivi,

Danyele 9:23

Pakwamba kuŵeyere kwako, mazu ghangutuwa, ndipo ndaza kuzachikunene chifukwa we wakwanjiwa ukongwa; viyo uziŵi mazu yagha ndi uwemu chiwona.

Chivumbuzi 1:9

Ine nda Yohane, mbali winu, ndi msangazi munyinu mu suzgu ndi ufumu ndi unkhunthiya mwaku Yesu, ndinguŵa mu chirwa chakuzumbulika Patmo, pa chifwa cha mazu ghaku Chiuta ndi chisimisimi chaku Yesu.

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Danyele 9:21

ndichikamba mu kuromba, munthu Gabiriele, yuwa ndingumuwona mu chiwona pakudanga, wanguza kwaku ine wakuŵatuka kwaruŵi panyengo ya sembe ya mazulo.

Yohane 15:15

Kuti ndikuzumbuwani ŵaŵanda so cha; chifukwa muŵanda walive kuziŵa cho wachita mbuyake: kweni ndakutamulani ŵabwezi; pakuti ndakuziŵiskani vyose vyo ndavwa ku Ada.

Danyele 8:16

Ndipo ndinguvwa mazu gha munthu pakati pa maruwu gha msinji wa Ulai, ghakudana kuti, “Gabiriele, muziŵiske munthu uyu chiwona ichi.”

Sumu 25:14

Ambuya ndi bwezi laku ŵeniwo ŵati ŵawopa, ndipo phanganu lawo atiŵaziŵiska.

Chivumbuzi 4:1

Pavuli paku vyenivi ndingulereska, ndipo, wonani, khomu lingujurika kuchanya, ndipo liu lakudanga lo ndinguvwa lenga ulaka nda mbata yakukamba nane, “Kwere kuno, mwakuti ndikurongo vyo vitenere kuŵapo pavuli.”

Yohane 12:49

Chifukwa ine kuti ndajirongorore gha paku ndija cha; kweni Dada wakundituma, ndiyo wandilanguliya cho ndikambenge, ndi cho ndirongoronge.

Yohane 8:26

Nde navyo vinandi kurongoro ndi kweruzga paku imwe; kweni Wakundituma yo ngwakuneneska; ndipo ine ndirongoro ku charu vyo ndavwa kwaku iyo.”

Chivumbuzi 21:2

Ndipo ndinguwona msumba wakupaturika wo, Yerusalemu mufya, wakusikako kuchanya kutuliya kwaku Chiuta, wakurongosoleka nge ndi mwali wanthengwa wakuvwarikikiya mrumi wake.

ŴaRoma 16:25

Sono kwaku mweniyo ngwanthazi kwachikhoze imwe kwakulingana ndi evangeli wangu ndi mumemezu waku Yesu Kristu, uli ndi uvumbuzi wa mangari ghakubisika mu nyengo za migonezi.

Yohane 17:8

Pakuti mazu gho mungupaska ine, ndaŵapaska iwo; ndipo iwo ŵagharonde; ŵaziŵadi kuti mbuneneska kuti ndingutuliya kwaku imwe, ndipo ŵavwana kuti imwe mungundituma.

Tito 1:1

Kalata wakutuwa kwaku Paulo mteŵeti waku Chiuta, ndi wakutumika waku Yesu Kristu uli ndi chivwanu cha wakusankhika waku Chiuta, ndi chiziŵisku chauneneska wa mwa uwopa Chiuta,

Chivumbuzi 5:7

Ndipo wanguza, wanguto buku mu janja lamarghe laku Mweniyo wajanga pa chitengu-chaufumu cho.

Chivumbuzi 17:1

Ndipo wanguza yumoza wa ŵangelo ŵankhonde ndi ŵaŵi wo ŵenga ndi mbali nkhonde ndi ziŵi, wangukamba nane, wakuti, “Yiza kuno; ndikurongo mo wasuskikiyenge munthukazi mureŵi mukuru, yo waja pa maji ghanandi;

Chivumbuzi 19:9

Ndipo wangunena nane, “Lembapo: Mbamwaŵi wo mbakudanikiya ku dghera la nthengwaya Mwana-mberere.” Ndipo wanena nane, “Ghenagha ndi mazu ghakuneneska ghaku Chiuta.”

Chivumbuzi 19:10

Ine ndinguwa pasi paurongo pa marundi ghake kumlambiya. Kweni wangunena nane, “Awa! Ndine muŵanda munyako ndi so wa ŵabali ŵako wo ŵendi chisimisimi chaku Yesu. Mlambiye Chiuta.” Pakuti chisimisimi chaku Yesu ndi mzimu wamu umchimi.

Chivumbuzi 21:9

Ndipo wanguza yumoza wamu ŵangelo wo ŵankhonde ndi ndi ŵaŵi, wo ŵenga ndi mbali nkhonde ndi ziŵi za kuzazika ndi videru vinkhonde ndi viŵi vyakumariya vyo; ndipo wangukamba nane, wakuti, “Yiza kuno! Ndikurongo mwali-nthengwa yo muwoli wa Mwana-mberere yo.”

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chivumbuzi 22:8

Ndipo ine nda Yohane ndinguvwa ndi ndinguwona vyenivi; ndipo ndati ndavwa ndi kuwona, ndinguwa pasi kulambiya paurongo pa marundi gha mungelo yo wangukamba vyenivi.

Chivumbuzi 22:9

Ndipo wali kwaku ine, “Awa, na! Ndine muŵanda munyako ndi so wa ŵabali ŵako ŵamchimi wo, ndi waku wo Wasungirizga mazu gha buku lenili. Mlambiye Chiuta.”