Chituwa 9:3 - Tonga Bible 1986

³ ehe, janja la Ambuya likaŵanga ndi chideru chizitu pa ng'ombe zinu zo ze mu minda, ŵakavalo, mbunda, ŵagamila, viŵetu ndi miskambu.

Chituwa 9:3 Referans Kwoze

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.

Machitidu gha Ŵakutumika 13:11

Ndipo sono, awona, janja la Ambuya le pako, ndipo uŵenge wachiburumutiya, wakulereska so dazi cha mpaka mazuŵa.” Ndipo sosonukweni kunguwiya pake chizgezge ndi mdima; ndipo wendayendanga ndi kupenja wakumrongozga ndi janja.

1 Samuele 6:9

Ndipo wonani; asani likwera mu nthowa yakuya ku charu chake ku Beteshemeshe, iku ndiyo yo watichitiya uheni ukuru uwu, asani kuti liyengeko cha, mbwenu tikaziŵanga kuti, kuti ndi janja lake cha lo latipweteka, chatiŵiya waka mwasoka.”

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

Sumu 39:10

Mungandikwe chuwanga cha; ndamarizgika ndi kupuma kwa janja linu.

Amosi 4:10

“Ndingutuma mukati mwinu chideru nge ndimo kunguŵiya ku Egipiti; ndingubaya ŵanyamata ŵinu ndi lipanga; ndinguto ŵakavalo ŵinu; ndipo ndingupereka fungu liheni mu misasa yinu kuti likwere mu mphunu zinu; ndipuuli kuti munguwere kwaku ine cha,” atiti Ambuya.

Chiyambo 47:17

Viyo ŵanguza ndi vyakuŵeta vyawo kwaku Yosefe; ndipo Yosefe wanguŵapaska vyakurgha kusinthiskana ndi ŵakavalo, mberere, ng'ombe, ndi mbunda: ndi wanguŵapaska kurgha kusinthiskana ndi viŵetu vyawo vyose mu chirimika chiya.