Chituwa 9:27 - Tonga Bible 1986

²⁷ Sono Farao wangutuma nthumi kwachidana Mosese ndi Aroni, ndi wanguti kwaku wo, “Ndalakwa nyengo yino, Ambuya mbarunji ndipo ine ndi ŵanthu ŵangu te ŵakwananga.

Chituwa 9:27 Referans Kwoze

Chitenje 1:18

“Ambuya ŵemukuruwika, pakuti ŵagarukiya mazu ghawo; kweni vwani, mwa ŵanthu imwe mose, ndi teskani suzgu yangu; ŵamwali ŵangu ndi ŵanyamata ŵangu ŵaruta mu umkoli.

Sumu 129:4

Kweni Ambuya, mbarunji; adumuwa vingwe vya ŵaheni.

2 Mikoka 12:6

Viyo ŵana ŵa karonga waku Yisraele ndi karonga ŵangujiyuyuwa ŵanguti, “Ambuya mbarunji mbakunyoroka.”

Chituwa 10:16

Sono Farao wangudana Mosese ndi Aroni kwaruŵiruŵi, ndi wanguti, “Ndalakwiya Ambuya Chiuta winu, ndi imwe so.

Sumu 145:17

Ambuya mbakurunjika mu nthowa zawo zose, mbalisungu mu nchitu zawo zose.

ŴaRoma 3:19

Kweni tiziŵa kuti vyenivyo vyose chikamba chilangulu cho, chikambiya wo ŵe pasi pa chilangulu; alinga kuti uchetamiskike mlomo wose, ndi kuti charu chose chitoleke ku cheruzgu chaku Chiuta.

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

Mateyu 27:4

wakuti, “Ndalakwa, ndawakupachiya ndopa zizirakalema.” Kweni iwo ŵatinge, “Nchine, kwaku ifwe? Kweniko wamweni.”

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Maŵerengedu 22:34

Ndipo Balamu wangunena ndi mungelo wa Ambuya, “Ndalakwa, pakuti ndengavi kuziŵa kuti imwe munguma mu nthowa kumikana nane. Viyo sono, asani mbukazuzi mu maso ghinu, ndiweriyenge kuvuli.”

1 Samuele 26:21

Sauli wanguti, “Ndananga; weko, mwana wangu Davidi, pakuti, kuti ndikuchitiyenge so uheni cha, chifukwa zuŵa linu wazirwa umoyo wangu mu maso ghako; awona, ndachita kwakupusa, ndipo ndananga ukongwa.”

1 Samuele 15:24

Sauli wangunena ndi Samuele, “Ndalakwa; pakuti ndajumpha dangu la Ambuya ndi mazu ghinu, chifukwa ndingopa ŵanthu ndinguvwiya mazu ghawo.

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

1 Samuele 15:30

Sauli wanguti, “Ndalakwa; kweni ndipuuli ndichitiyeni ulemu paurongo pa ŵara ŵa ŵanthu ŵangu ndi paurongo paku Yisraele, muŵe pamoza nane, mwakuti ndikasope Ambuya Chiuta winu.”

Chituwa 8:8

Sono Farao wangudana Mosese ndi Aroni, ndi wanguti, “Ŵeyereni Ambuya kuti ŵatuzgepo ŵamchuwa paku ine ndi pa ŵanthu ŵangu; ndipo ndikaŵazomerezganga ŵanthu kuruta kwachisopa Ambuya.”

Chituwa 8:25

Sono Farao wangudana Mosese ndi Aroni, ndi wanguti, “Rutaninga kwaku Chiuta winu mukati mu charu ichi.”

Chituwa 10:17

Iku sono, ndigowokiyeni ulakwi wangu, kenaka kamoza pe, ndipo ŵeyereni ku Ambuya Chiuta winu, kutuzgako nyifwa iyi kwangu.”

Maŵerengedu 21:7

Ŵanthu ŵanguza kwaku Mosese ŵanguti, “Talakwa pakuti tarongoro kwakumikana ndi Chiuta ndi imwe; rombani ku Ambuya, kuti atuzgeko kwidu njoka zo.” Viyo Mosese wanguŵarombe ŵanthu.

Yoswa 7:20

Akani wangwamuka wanguti, “Kwakuneneska ndalakwa kumikana ndi Ambuya Chiuta waku Yisraele, cho ndikuchita ndi ichi.

2 Samuele 12:13

Davidi wangunena ndi Natani, “Ndalakwiya Ambuya.” Ndipo Natani wanguti, “Ambuya atuzgapo uheni wako; kuti ukafwanga cha.