Chituwa 9:23 - Tonga Bible 1986

²³ Sono Mosese wangutambaruliya ndodo yake kuchanya ndipo Ambuya angutuma kugunda ndi vuwa ya matalala, ndipo moto ungupusumphiya pa charu chapasi. Ndipo Ambuya angung'iska vuwa ya matalala pa charu cha Egipiti;

Chituwa 9:23 Referans Kwoze

Sumu 18:13

Ambuya nawo angudiririska kuchanya. Apachanya limu angutuzga mazu ghawo, matalala ndi maka gha moto.

Yoswa 10:11

Ndipo ŵachithaŵa pa maso pa ŵaYisraele ŵachisikiya ku sendemu ku Bete-horoni, Ambuya angupong'a paku wo mya yikuru kutuwa kuchanya mpaka ku Azeka, ndipo ŵangufwa; wo ŵangufwa chifukwa cha mya ya matarara ŵenga ŵanandi kuruska wo ŵangufwa ndi malipanga gha ŵanthurumi ŵaku Yisraele.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Chivumbuzi 8:7

Ndipo mungelo wachimoza wangukuŵa mbata yake, ndipo penga matarara ndi moto, vyakusazgikana ndi ndopa, vyo vinguwa pa charu: ndipo chigaŵa chachitatu cha charu chingocheka ndi chigaŵa chachitatu cha miti chingocheka ndi uteka wose uŵisi ungocheka.

Sumu 148:8

Moto ndi fukunyira, nyankhuŵinda ndi chiuli, mphepo za nthazi zakuvwiya langulu lake!

Sumu 77:18

Mazu gha chidiririzi chinu ghenga mu kavuruvuru; ndipo kumwetuka kwamalimphezi kungungweruska charu chose; charu chingutenthema ndi chinguyaghayika.

Sumu 29:3

Mazu gha Ambuya ghe pa maji, Chiuta wa unkhankhu wadiririska, Ambuya, pa maji ghanandi.

Chivumbuzi 16:21

Ndipo mya yikuru ya matarara ya uzitu wa mapaundi machumi pe chumi (100) umoza, kutuwa kuchanya yinguwiyapa ŵanthu; ndipo ŵanthu ŵangumtuka Chiuta, chifukwa cha chideru cha matarara gho; pakuti chideru chake chenga chakofya ukongwa.

Chituwa 20:18

Sono penipo ŵanthu wose ŵanguteska vidiririzi ndi malimphezi gho, ndi kumba kwa mbata ndi kusunkha usi kwa phiri lo, ŵangopa ndi ŵangutenthema; ndi ŵanguma kutali,

Chituwa 19:16

Ndi mlenji pa zuŵa la chitatu kwenga vidiririzi ndi malimphezi, mtambo wa mdima ukongwa pa phiri lo, ndipo ndi mazu ghakubangula ukongwa gha mbata, viyo kuti ŵanthu wose wo ŵenga mu ugoŵi wo ŵangutenthema.

Chivumbuzi 16:18

Ndipo kunguŵapo malimphezi ndi kamphomezi, ndi vidiririzi; ndipo chinguŵapo chiyeuyeu chenichikuru, chakuti chengavi kuŵapo chiyeuyeu chikuru chaviyo kutuwa ku nyengo yo ŵanthu ŵanguŵiyapo pa charu chapasi.

Chiyambo 19:24

Ndipo Ambuya angung'iska pa Sodomu ndi Gomora mya ya moto, ndi moto kuturiya ku Ambuya kusotopoka kuchanya;

Chituwa 9:18

Awonani la mawa, pa nyengo nge ndi yino ndikang'iskanga vuwa ya matalala, yeniyo yilivi kuwapo kale kutuwa ku zuŵa lo Egipiti wakuzengeke mpaka sono.

Chituwa 9:24

penga matalala ndi moto kukole kwambura kulekezga mukati mu matalala, matalala ghazitu ukongwa, gho kuti ghakuŵako kale cha mu charu chose cha Egipiti kwamba penipo unguŵiya mtundu.

Jobu 37:13

Pamwenga nchifukwa chakuyirunjiska, pamwenga nchifukwa cha charu chake, pamwenga nchifukwa cha chanju chake, wativichita kuti viŵeko.

Sumu 147:17

Watuma matalala nge ndi livuvu; palivi nanga njumoza yo wangakhwima asani watuma mphepo yakuzizira!