Chituwa 8:6 - Tonga Bible 1986

⁶ Viyo Aroni wangutambaruliya janja lake pa maji ghamu Egipiti; ndipo ŵamchuwa ŵangufwapuka ndi ŵangusapatiya pa charu chose cha Egipiti.

Chituwa 8:6 Referans Kwoze

Sumu 105:30

Charu chawo chinguzazika ndi ŵachuwa, inya, nanga ndi mu nyumba ya karonga.

Sumu 78:45

Wangutuma milembwe ya nyezi mukati mwawo, zo zinguŵargha, ndi ŵamuchuwa, wo ŵanguŵananga.

Chivumbuzi 16:13

Ndipo ndinguwona ŵazimu ŵatatu ŵawiyu uli mbachuwa, kutuwa mu mlomo wa nchalinda, ndi mu mlomo wa chikoku, ndi mu mlomo wa mchimi-mtesi.

ŴaLevi 11:12

Che chose cha mu maji cho chilivi chiphephe ndi mamba nchikazuzi kwinu.

Chituwa 7:19

Ndipo Ambuya anguti kwaku Mosese, “Kamba kwaku Aroni, ‘Uto ndodo yako ndipo utambaluriye janja lako ku maji gha Egipiti ku misinji yawo, ku ngalandi zawo, ku vipholi vyawo, ndi visima vyawo vya maji kuti viŵe ndopa, ndipo mukaŵanga ndopa mu charu chose cha Egipiti, mu viyaŵi vya miti ndi viyaŵi vya mya.’ ”

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Chituwa 10:2

Ndipo unene mwana wako munthurumi ndi mzuku wako munthurumi, ndi uli mo ndachitiya ndi ŵaEgipiti, ndi visimikizgu vyo ndaŵawoneska alinga kuti muziŵe kuti ndine Ambuya.”

Chituwa 15:11

“Njani yo we nge ndimwe, Ambuya mwe, mukati mu ŵachiuta? Njani yo we nge ndimwe, wakutumphulika mu utuŵa, wakofya pakuchita unkhankhu, wakuchita vyakuziziswa?

Marangu 4:35

Chingukambika kwaku imwe kuti Ambuya ndi Chiuta yija palivi munyake.

Marangu 32:31

Pakuti jarawe lawo kuti le nge ndi Jarawe lidu cha, chingana mbamawongo ŵidu, iwo ŵeneko mberuzgi paku ichi.

Marangu 33:26

“Palivi nanga njumoza yo we uli ndi Chiuta, Jeshuruni we, mweniyo wasika mu machanya kuzachovya iwe, ndi mu uchiyembwe wake waziya mumdengwendi.

2 Samuele 7:22

Mu chifukwa ichi ndimwe ŵakuru, A, Ambuya Chiuta; pakuti kulivi wakuyana namwe, ndipo kulivi Chiuta pade paku imwe kwakulingana ndi vyo tavwa ndi makutu ghidu.

2 Mikoka 6:14

Ndi wanguti, “Ambuya Chiuta waku Yisraele, kulivi Chiuta wakulingana ndi imwe, mu machanya pamwenga pano pasi, wakusunga phanganu ndi kulongo lisungu ku ŵateŵeti ŵinu wo ŵatenda paurongo pinu ndi mitima yawo yose;

Sumu 86:8

Kulivi Chiuta nge ndimwe Ambuya mu ŵachiuta nanga njumoza kulivi yo wangaziŵa kuchita vyo imwe muchita.

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Yesaya 43:10

“Mwe ŵakaboni ŵangu,” atiti Ambuya, “ndi ŵateŵeti ŵangu wo ndasankha, alinga muziŵe ndi kuvwana nane ndi kuwamo kuti ndine Iyo. Paurongo pangu palivi kuumbika chiuta, chingana nkhuti kukaŵangako munyake so pavuli pangu.