Chituwa 8:22 - Tonga Bible 1986

²² Kweni mu zuwa lo ndikapatuskiyanga paku chija charu cha Gosheni, mwenimo muja ŵanthu ŵangu, muwulengevi milembwe ya nyezi muwa; alinga kuti uziŵe kuti Ndine Ambuya mukati mu charu chapasi.

Chituwa 8:22 Referans Kwoze

Chituwa 9:4

Kweni Ambuya akachitanga mupambanu pakati pa ng'ombe za ŵaYisraele ndi ng'ombe za ŵaEgipiti, viyo kuti chikafwanga nanga nchimoza cha paku vyose vya ŵaYisraele.” ’ ”

Malaki 3:18

Viyo so mwamupatuwa murunji ku muheni, wakuteŵete Chiuta ndi yo wareka kumuteŵete.

Chituwa 10:23

ŵengavi kuwonana yumoza ndi munyake nanga nkhuti yumoza wasokepo pa malo ghake kwa mazuŵa ghatatu; kweni ŵaYisraele wose ŵenga ndi ukweru mo ŵajanga.

Ezekiele 30:19

Viyo ndimu ndikafiskiyanga nchituza cheruzgu pa Egipiti. Penipo ndipo ŵakaziŵanga kuti ine ndine Ambuya.”

Chituwa 9:6

Ndipo ndi mlenji Ambuya anguchita chinthu ichi; ng'ombe zose za ŵaEgipiti zingufwa, kweni pa ng'ombe za ŵaYisraele pengavi kufwapo nanga njimoza.

Sumu 110:2

Kutuliya ku Zioni Ambuya atandawuwenge mazaza gha ufumu wako. Usa pachanya pa ŵarwani ŵako.

Chituwa 12:13

Ndopa zikaŵanga chisimikizgu kwaku imwe, pa nyumba zo mulimo; ndipo ndichiwona ndopa, ndikajumphangapo pinu, ndipo palivi chideru cho chikaŵanga pinu kumunangani, penipo ndikakosonga charu cha Egipiti.

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Chituwa 9:26

Kweni mu charu cha Gosheni pe mo mwenga ŵaYisraele, mwengavi vuwa ya matalala.

Chituwa 8:10

Ndipo iyo wanguti, “Lamawa.” Mosese wanguti, “Kuŵe uli ndimo mwanene, kuti muziŵe kuti kulivi nanga njumoza wakulingana ndi Ambuya Chiuta widu.

Chituwa 7:17

Viyo atiti Ambuya, “Paku ichi ukaziŵanga kuti Ndine Ambuya, ehe, ndikakosonga maji gho ghemu Nile ndi ndodo yo yemu janja langu, ndipo ghakasandukanga ndopa,

Sumu 74:12

Kweni ndipuuli Chiuta, mwaŵa karonga widu kutuliya ku chiyambo; kuchita utaski mu charu.

Chituwa 7:5

Ndipo ŵaEgipiti ŵakaziŵanga kuti ndine Ambuya, ndichirongo nthazi zangu pa Egipiti ndi kutuzga ŵanthu ŵangu ŵaYisraele mukati mwawo.”

Chituwa 8:21

Kweni, asani urekenge kuŵazomerezga kuruta, ehe, ndikatumanga milembwe ya nyezi paku iwe, ndi ŵateŵeti ŵako ndi ŵanthu ŵako, ndi mu nyumba zako, ndi nyumba za ŵaEgipiti zikazazikanga ndi milembwe ya nyezi ndiso mu malo mo ŵakamanga.

Chituwa 8:23

Viyo ndimo ndikawikiyangapo mphaka pakati pa ŵanthu ŵangu ndi ŵanthu ŵako. Chisimikizgu ichi chikaŵangapo la mawa.” ’ ”

Chituwa 19:5

Viyo sono, asani mukavwiyanga mazu ghangu ndi kusunga phanganu langu, mukaŵanga ŵanthu ŵa pa mtima wangu mukati mu mitundu yose; pakuti charu chose chapasi nchangu;

Chituwa 20:11

pakuti mu mazuŵa ghankhonde ndi limoza Ambuya angulenga kuchanya ndi charu chapasi, ndi nyanja; ndi vyose vyo vye mwenimo, ndipo angupumuwa zuŵa la chinkhonde ndi chiŵi; chifukwa chenichi Ambuya angutumbika zuŵa la sabata ndi anguripatuwa.

Chiyambo 46:34

Imwe mwamukuti, ‘Taŵateŵeti ŵinu, te ŵakuŵeta ng'ombe kwamba ku uhurwa widu kufikiya kunu ku sono, tose ifwe ndi auskefwe nawo viyo,’ alinga kuti mujenge mu charu cha Gosheni, chifukwa mliska yose mbukazuzi ku ŵaEgipiti.”