Chituwa 8:20 - Tonga Bible 1986

²⁰ Sono Ambuya anguti kwaku Mosese, “Uyake ndi mlenjilenji ukamulindizge Farao wachiya ku maji, ndipo ukati kwaku iyo, ‘Ambuya atiti, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 8:20 Referans Kwoze

Chituwa 7:15

Ruta kwaku Farao ndi mlenji, wachiruta ku maji; kamulindizge pa chimbumira cha msinji, ndipo pinga mu janja lako ndodo yeniyo yingusanduka njoka.

Chituwa 9:13

Sono Ambuya anguti kwaku Mosese, “Soka ndi mlenjilenji ndi ukame paurongo paku Farao ndipo ukati kwaku iyo, ‘Viyo atiti Ambuya, Chiuta wa ŵaHebere, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 8:1

Sono Ambuya anguti kwaku Mosese, “Kasere kwaku Farao ndipo ukati kwaku iyo, ‘Viyo Ambuya atiti, “Ŵazomerezge ŵanthu ŵangu ŵarutenge kuti ŵakanditataliye.

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

Chituwa 2:5

Sono mwana munthukazi waku Farao wangusikiya ku msinji kwa chisamba, ndipo ŵateŵeti ŵanthukazi ŵake ŵangwenda mu mphepete mwa msinji. Iyo wanguwona chitete mu matete ndi wangutuma mteŵeti munthukazi wake kwachichito.

Chituwa 4:23

ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”

Chituwa 5:1

Pavuli Mosese ndi Aroni ŵanguruta kwaku Farao, ndi ŵanguti, “Atiti viyo Ambuya, Chiuta waku Yisraele, ‘Zomerezga ŵanthu ŵangu kuti ŵarute alinga ŵandichitiye dghera mu bozwa.’ ”

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

Chituwa 8:21

Kweni, asani urekenge kuŵazomerezga kuruta, ehe, ndikatumanga milembwe ya nyezi paku iwe, ndi ŵateŵeti ŵako ndi ŵanthu ŵako, ndi mu nyumba zako, ndi nyumba za ŵaEgipiti zikazazikanga ndi milembwe ya nyezi ndiso mu malo mo ŵakamanga.

Sumu 78:45

Wangutuma milembwe ya nyezi mukati mwawo, zo zinguŵargha, ndi ŵamuchuwa, wo ŵanguŵananga.

Sumu 105:31

Po Ambuya angulangula, nyezi ndi sabwe vinguzaza charu chose.