Chituwa 8:1 - Tonga Bible 1986

¹ Sono Ambuya anguti kwaku Mosese, “Kasere kwaku Farao ndipo ukati kwaku iyo, ‘Viyo Ambuya atiti, “Ŵazomerezge ŵanthu ŵangu ŵarutenge kuti ŵakanditataliye.

Chituwa 8:1 Referans Kwoze

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Chituwa 5:1

Pavuli Mosese ndi Aroni ŵanguruta kwaku Farao, ndi ŵanguti, “Atiti viyo Ambuya, Chiuta waku Yisraele, ‘Zomerezga ŵanthu ŵangu kuti ŵarute alinga ŵandichitiye dghera mu bozwa.’ ”

Chituwa 7:16

Ndipo ukanene kwaku iyo, ‘Ambuya, Chiuta wa ŵaHebere, wandituma kwako, watiti, “Ŵareke ŵarutenge ŵanthu ŵangu, alinga, ŵakanditaliyenge mu bozwa, ndipo ehe, iwe ulivi kuŵavwiya.”

Chituwa 4:23

ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”

Chituwa 5:3

Sono iwo ŵanguti, “Chiuta wa ŵaHebere wakumana nafwe. Timupemphani tirekeni tirutenge lwendo la mazuŵa ghatatu kuja mu bozwa, ndi kwachisopa Ambuya Chiuta widu, kopa kuti wangaza paku ifwe ndi chideru pamwenga ndi lipanga.”

Chituwa 7:25

Ghangukapo mazuŵa ghankhonde ndi ghaŵi Ambuya ati apuma maji gha Nile.

Chituwa 8:2

Kweni asani ukakananga kuŵazomerezga kuruta, ehe, ndikakomweskanga charu chako chose ndi ŵamchuwa.

Chituwa 8:20

Sono Ambuya anguti kwaku Mosese, “Uyake ndi mlenjilenji ukamulindizge Farao wachiya ku maji, ndipo ukati kwaku iyo, ‘Ambuya atiti, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 9:1

Sono Ambuya anguti kwaku Mosese, “Ruta kasere kwaku Farao ndipo ukanene viyo kwaku iyo, ‘Viyo ndimo Ambuya akambiya, “Ŵazomerezge ŵanthu ŵarutenge alinga ŵakanditataliyenge.

Yoswa 8:18

Penipo Ambuya angunena ndi Yoswa, “Tambaruliya mkondo wo wemu janja lako kurongo ku Ai; pakuti ndikawupaskanga mu janja lako.” Yoswa wangutambaruwa mkondo wo kurongo ku msumba.

Sumu 105:30

Charu chawo chinguzazika ndi ŵachuwa, inya, nanga ndi mu nyumba ya karonga.