Chituwa 7:3 - Tonga Bible 1986

³ Kweni ndamunonopeska mtima waku Farao ndipo chingana ndamukwandaniska visimikizgu vyangu ndi vyakuziziswa mu charu cha Egipiti,

Chituwa 7:3 Referans Kwoze

Chituwa 4:21

Ndipo Ambuya anguti kwaku Mosese, “Utakuti wawere ku Egipiti ukawone kuti wachita vya minthondwi vyose paurongo paku Farao vyenivyo ndaŵeka mu nthazi yako; kweni ndamunonopeska mtima wake, viyo wamuzomerezga cha kuti ŵaYisraele ŵakarutenge.

Chituwa 11:9

Sono Ambuya anguti kwaku Mosese, “Farao kuti wakakutegherezganga cha; mwakuti vyakuziziswa vyangu vyandaniskike mu charu cha Egipiti.”

ŴaRoma 15:19

mu nthazi ya visimikizgu ndi minthondwi, mu nthazi ya Mzimu Wakupaturika; viyo kuti, kutuwa ku Yerusalemu, ndi kwakuzunguliya mpaka ku Iluriko, ndafiska kumemeza evangeli waku Kristu,

Machitidu gha Ŵakutumika 7:36

Ndiyo wanguŵatuzgamo, wati wachita virwita ndi visimikizgu mu charu cha Egipiti ndi mu Nyanja Yiyera, ndimu bozwa lo virimika machumi ghanayi (40).

Machitidu gha Ŵakutumika 2:22

“Mwaŵanthu mwaŵa Yisraele, tegherezgani mazu yagha; Yesu waku Nazareti, munthu wakupanikizgikiya kwaku imwe, kuti wangutuwa kwaku Chiuta, ndi vyanthazi ndi minthondwi ndi visimikizgu, vyenivyo Chiuta wanguchitiya mwaku iyo mukati mwinu, nge ndimo mwaŵeni muziŵiya,

Yohane 4:48

Viyo Yesu wanguti kwaku iyo, “Kwambura kuti mungawona visimisimi ndi minthondwi kuti muvwanenga cha.”

Sumu 135:9

Kwenikuwa anguchita minthondwi ndi vyakuziziswa kumulanga Farao ndi nduna zake zose.

Mika 7:15

Nge ndi mu mazuŵa pomwa tuwanga mu charu cha Egipiti, nkhaŵalongonga vinthu vyakuziziswa.

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Nehemiya 9:10

ndipo munguchita visimikizgu ndi vyaminthondwi paku Farao ndi ŵateŵeti ŵake ndi ŵanthu wose ŵa charu chake, pakuti munguziŵa kuti wanguchita mwa mutonyolo pa auskefwe; ndipo mungujichitiya zina, uli ndimo lilili kufika msana wale.

Marangu 7:19

vyakwese vyo maso ghinu ghanguwona, visimikizgu vyakuziziswa, janja lanthazi ndi mkono wakutambaruka, ndi vyenivyo Ambuya Chiuta winu wangumutuzgani navyo. Ndimo Ambuya Chiuta winu wakachitiyanga ku ŵanthu wose ŵeniwo mutopa.

Marangu 4:34

Paŵavi chiuta nanga njumoza yo wesapo kuruta ndi kwachijitore mtundu wa ŵanthu mukati mu mtundu wa ŵanthu ŵanyake, ndi kuŵasosomo ndi visimikizgu ndi vyakuziziswa, ndi nkhondo, ndi janja la nthazi ndi mkono wakunyoroka, ndi vyakofya vikuru kwakuringana ndi vyose vyo Ambuya Chiuta winu wangukuchitiyani mu Egipiti pa maso ghinu?

Chituwa 9:16

Kweni pa chifukwa ichi ndamuzomerezgani kuŵa ŵamoyo, kumurongoni nthazi yangu, alinga kuti zina langu litaulike mu charu chose chapasi.

Chituwa 4:29

Sono Mosese ndi Aroni wanguruta ndi ŵanguungang'a pamoza ŵaraŵara wose ŵa ŵaYisraele.

Chituwa 4:7

Sono Chiuta wanguti, “Werezge janja lako mu chifuŵa chako.” Viyo wanguliwezge mu chifuŵa janja lake; ndipo wanguti walituzga, awonani, linguweremo kuyana ndi liŵavu lake lose.

ŴaRoma 9:18

Viyo na, mweniyo wakhumba wamchitiya lisungu, ndipo mweniyo wakhumba wangangamiska.

Chituwa 3:20

Viyo ndikatambaruwanga janja langu ndi kukoso Egipiti ndi vya minthondwi vyose vyenivyo ndikachitanga mukati mwake, pavuli paku vyo wakamuzomerezganinga kuruta.

Chituwa 7:13

Ungunonopa mbwenu mtima waku Farao; ndipo kuti wangukhumba kuvwiya cha, uli ndimo Ambuya angukambiya.

Chituwa 11:10

Mosese ndi Aroni ŵanguchita vyakuziziswa ivi vyose paurongo paku Farao, kweni Ambuya angunonopeska mtima waku Farao ndipo kuti wanguŵazomerezga cha ŵaYisraele kutuwamo mu charu.

Chituwa 14:4

Ndipo ndikanonopaskanga mtima waku Farao ndipo wakaŵandondoloskanga, ndipo ine ndirondenge unkhankhu paku Farao ndi liŵanja lake lose; ndipo ŵaEgipiti ŵakaziŵanga kuti Ndine Ambuya.” Ndipo ŵanguchitade viyo.

Sumu 78:12

Pa maso pa auskeu wanguchita vyakuziziswa, mu charu cha Egipiti, mu malisuwa gha Zoani.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.