Chituwa 7:19 - Tonga Bible 1986

¹⁹ Ndipo Ambuya anguti kwaku Mosese, “Kamba kwaku Aroni, ‘Uto ndodo yako ndipo utambaluriye janja lako ku maji gha Egipiti ku misinji yawo, ku ngalandi zawo, ku vipholi vyawo, ndi visima vyawo vya maji kuti viŵe ndopa, ndipo mukaŵanga ndopa mu charu chose cha Egipiti, mu viyaŵi vya miti ndi viyaŵi vya mya.’ ”

Chituwa 7:19 Referans Kwoze

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Chituwa 14:26

Sono Ambuya anguti kwaku Mosese, “Tambaluriya janja lako pa nyanja kuti maji ghawere vuli pa ŵaEgipiti, pa magareta ghawo, ndi pa ŵankhondo ŵapa ŵakavalo ŵawo.”

Chituwa 10:21

Sono Ambuya anguti kwaku Mosese, “Tambaruliya janja lako kuchanya kuti kuŵe mdima pa charu cha Egipiti, mdima uzitu.”

Chituwa 10:12

Sono Ambuya anguti kwaku Mosese, “Tambaruliya janja lako pa charu cha Egipiti chifukwa cha ŵazombe alinga kuti ŵaze pa charu cha Egipiti, ndi kurgha chakume chose mu charu, chose cho chingusiyika ndi matalala.”

Chituwa 8:16

Sono Ambuya anguti kwaku Mosese, “Kamba kwaku Aroni, ‘Tambaruwa ndodo yako ndi upumi fuvu la charu chapasi kuti lisanduke viphanga mu charu chose cha Egipiti.’ ”

Chituwa 9:33

Viyo Mosese wangutuwamo mu msumba kutuwa kwaku Farao, ndi wangutambaruliya manja ghake ku Ambuya; ndipo kudiririska ndi vuwa ya matalala vingumara ndipo vuwa kuti yingung'a so cha pa charu chapasi.

Chiyambo 1:10

Ndipo Chiuta wangudana mtunda uyumu, charu, ndi kuunjikana kwa maji wangudana zinyanja: ndipo Chiuta wanguwona kuti nkhwamampha.

Chituwa 4:9

Asani ŵamuvwana cha chingana ndi mu visimikizgu ivi viŵi, nanga nkhuphwere mazu ghako, ukato maji gha mu msinji Nile ukaghadire pasi pa yumu; ndipo maji gho wangunegha mu Nile ghangusanduka ndopa pasi pa yumu.”

Chituwa 14:16

Soska ndodo yako ndi utambaruliye janja lako kurazga ku nyanja ndi uyigaŵe pakati alinga kuti ŵaYisraele ŵarutenge pa mtunda uyumu kuporota mu nyanja.

2 ŴaKaronga 4:29

Iyo wanguti kwaku Gehazi, “Vwara umange mu chiunu, uto ndodo yangu mu janja lako, rutanga. Asani ukumanenge ndi munthu ungamutauzganga cha, asani watukutauzga ungazomera cha; ndipo ukalarike ndodo yangu pachisku cha mwana yo.”

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Habakuku 3:8

Kumbi kandundu kinu kenga pa misinji, Ambuya? Kumbi ukari winu wenga pa misinji, pamwenga kutundiya kwinu pa nyanja, pa gareta linu la upundi?

Yesaya 19:10

Ŵeniwo ndi mizati ya charu cho ŵaphwanyikenge, ndipo wose akutakatakiya mphoto ŵakachitanga chitima.