Chituwa 7:17 - Tonga Bible 1986

¹⁷ Viyo atiti Ambuya, “Paku ichi ukaziŵanga kuti Ndine Ambuya, ehe, ndikakosonga maji gho ghemu Nile ndi ndodo yo yemu janja langu, ndipo ghakasandukanga ndopa,

Chituwa 7:17 Referans Kwoze

Chituwa 4:9

Asani ŵamuvwana cha chingana ndi mu visimikizgu ivi viŵi, nanga nkhuphwere mazu ghako, ukato maji gha mu msinji Nile ukaghadire pasi pa yumu; ndipo maji gho wangunegha mu Nile ghangusanduka ndopa pasi pa yumu.”

Chituwa 7:5

Ndipo ŵaEgipiti ŵakaziŵanga kuti ndine Ambuya, ndichirongo nthazi zangu pa Egipiti ndi kutuzga ŵanthu ŵangu ŵaYisraele mukati mwawo.”

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Ezekiele 39:28

Penipo ndipo ŵakaziŵanga kuti ine nde Ambuya Chiuta wawo chifukwa ndinguŵatuma ku uŵanda mukati mu mitundu ndipo ndaŵaunjika mu charu chawo. Kuti ndisiyengeko so yumoza waku iwo cha wakuti wajaliye vuli mukati mu mitundu;

Ezekiele 38:23

Viyo ndikarongonga ukuru wangu ndi utuŵa wangu ndikajiziŵiskanga ndamweni mu maso gha mitundu yinandi, penipo ndipo ŵakaziŵanga kuti ine ndine Ambuya.”

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Chivumbuzi 11:6

Yaŵa ŵe ndi mtufu kwachijara kuchanya, kuti vuwa yireke kung'apo mu mazuŵa gha umchimi wawo: ndipo mtufu ŵe nawo pa maji kughasanduska ndopa, ndi kukoso charu ndi chideru chose, penipo pose ŵangakhumbiya.

Chivumbuzi 8:8

Ndipo mungelo wachiŵi wangukuŵa, ndipo chakukozgana ndi phiri likuru, lakukole moto, chingupong'eka mu nyanja:

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Ezekiele 32:15

Nditakuti ndachitiska phasulu charu cha Egipiti penipo vyose vyo vyazaza mu charu cho vikawaranga, po ndikabayanga wose ŵakujamo, penipo ndipo ŵakaziŵanga kuti ndine Ambuya.

Ezekiele 30:19

Viyo ndimu ndikafiskiyanga nchituza cheruzgu pa Egipiti. Penipo ndipo ŵakaziŵanga kuti ine ndine Ambuya.”

Ezekiele 30:8

Sono ndipo ŵakaziŵanga kuti ndine Ambuya, asani ndapemba moto pa Egipiti, ndikuti wose ŵakumovya ŵabwanganduka.

Ezekiele 29:9

ndipo charu cha Egipiti chikaŵanga phasulu ndi mapopa. Sono ndipo ŵakaziŵanga kuti ine ndine Ambuya. “Chifukwa iwe unguti, ‘Nile ngwangu, ndingumwata ndine,’

Sumu 105:29

Wangung'anamuwa maji ghawo kuŵa ndopa, wangubaya somba zawo zose.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Sumu 78:44

Wangusanduska misinji kuŵa ndopa, mwakuti ŵaEgipiti ŵareke kumwa mu tumisinji twawo.

2 ŴaKaronga 19:19

Viyo sono, Ambuya mwe Chiuta widu, titaskeni, ku janja lake, nditukuŵeyereni alinga kuti maufumu ghose gha charu chapasi ghaziŵe kuti imwe pe Ambuya ndimwe Chiuta.”

1 ŴaKaronga 20:28

Ndipo wanguza munthu waku Chiuta wangunena ndi karonga wa ŵaYisraele, wanguti, “Viyo atiti Ambuya, ‘Chifukwa ŵaSiriya ŵakamba kuti, “Ambuya ndi Chiuta wamu mapiri kuti ndi Chiuta wamu chidika cha,” chifukwa ichi ndiperekenge chimzinda chose ichi mu janja lako, ndipo ukaziŵanga kuti ine ndine Ambuya.’ ”

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Chituwa 1:22

Sono Farao wangulanguliya mtundu wake, “Mwana yose munthurumi wakupapika ku ŵaHebere mumutaye mu msinji Nile, kweni mwana munthukazi yose mumureke wamoyo.”

Chituwa 7:20

Mosese ndi Aroni ŵanguchita uli ndimo Ambuya anguŵalanguliya pa maso ghaku Farao ndi pa maso gha ŵaŵanda ŵake, wangusoska ndodo yo ndi wangupuma maji gho ghenga mu Nile ndi maji ghose gho ghenga mu Nile ghangusanduka ndopa.

Chituwa 10:2

Ndipo unene mwana wako munthurumi ndi mzuku wako munthurumi, ndi uli mo ndachitiya ndi ŵaEgipiti, ndi visimikizgu vyo ndaŵawoneska alinga kuti muziŵe kuti ndine Ambuya.”

Ezekiele 25:17

Ndikachitanga thayu likuru paku iwo ndi ukari wakuŵalanga. Penipo ndipo ŵakaziŵanga kuti ine ndine Ambuya, asani ndiŵika thayu langu paku iwo.”

Ezekiele 32:6

Ndikadiriyanga charu mpaka ku mapiri ndi kujirima kwa ndopa zako; ndipo misisi ya maji yikazazanga ndi iwe.