Chituwa 7:16 - Tonga Bible 1986

¹⁶ Ndipo ukanene kwaku iyo, ‘Ambuya, Chiuta wa ŵaHebere, wandituma kwako, watiti, “Ŵareke ŵarutenge ŵanthu ŵangu, alinga, ŵakanditaliyenge mu bozwa, ndipo ehe, iwe ulivi kuŵavwiya.”

Chituwa 7:16 Referans Kwoze

Chituwa 3:18

Ŵamutegherezga ku mazu ghako; ndipo iwe ndi ŵaraŵara ŵa ŵaYisraele mwamuruta ku karonga wa Egipiti; mwamukuti kwaku iyo, ‘Ambuya, Chiuta wa ŵaHebere wakumana nafwe; ndipo sono, titukupempha, utizomerezge kuruta lwendo la mazuŵa ghatatu kuya ku bozwa, alinga tikachite chisopo ku Ambuya Chiuta widu.’

Chituwa 9:1

Sono Ambuya anguti kwaku Mosese, “Ruta kasere kwaku Farao ndipo ukanene viyo kwaku iyo, ‘Viyo ndimo Ambuya akambiya, “Ŵazomerezge ŵanthu ŵarutenge alinga ŵakanditataliyenge.

Chituwa 9:13

Sono Ambuya anguti kwaku Mosese, “Soka ndi mlenjilenji ndi ukame paurongo paku Farao ndipo ukati kwaku iyo, ‘Viyo atiti Ambuya, Chiuta wa ŵaHebere, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 3:12

Iyo wanguti, “Kweni ndikaŵanga pamoza nawe; ndipo ichi chikaŵanga chisimikizgu kwaku iwe, kurongo kuti ndine ndakutuma: utakuti watuzga ŵaYisraele mu Egipiti wazamutataliya Chiuta pa phiri lenili.”

Yeremiya 50:33

“Viyo atiti Ambuya ŵa maŵanja: ŴaYisraele ŵakudirizgika, ndi ŵaYuda pamoza nawo, wose wo ŵanguŵayola umkoli ŵaŵafyeka ukongwa, ŵakana kuŵataya kuti ŵarutenge.

Yesaya 45:13

Ndamuyuskiya mu urunji ndipo ndikanyoroskanga nthowa zake zose; ŵakazenganga muzi wangu ndipo ŵakafwatuwanga ŵakudikika ŵangu, ndi mtengo pamwenga mphoto cha,” atiti Ambuya ŵa maŵanja.

Chituwa 14:5

Penipo wangumunene karonga wa Egipiti kuti ŵanthu ŵa ŵathaŵa, maghanaghano ghake ndi gha ŵaŵanda ŵake ghangusintha pa ŵanthu ŵa; ndipo wanguti, “Nchine chenicho tachita, po tazomerezga ŵaYisraele kuruta ndi kureka kutiteŵete?”

Chituwa 13:15

Pakuti penipo Farao wangukana ndi unonono kutizomerezga kuruta, Ambuya angubaya ŵaumwali wose mu charu cha Egipiti wose ŵaumwali ŵa munthu ndi ŵaumwali ŵa ng'ombe. Chifukwa cho ndipereka ku Ambuya ŵaumwali wose wo ŵajura chibali; kweni ŵaumwali wose ŵa ŵana ŵanthurumi ndiwombo.’

Chituwa 10:3

Viyo Mosese ndi Aroni ŵangwachisere kwaku Farao ndi ŵanguti kwaku iyo, “Viyo atiti Ambuya, Chiuta wa ŵaHebere, ‘Mpaka zuŵanji ukakananga kujiyuyuwa paurongo pangu? Ŵazomerezge ŵarutenge ŵanthu ŵangu, alinga kuti ŵakanditataliyenge.

Chituwa 8:20

Sono Ambuya anguti kwaku Mosese, “Uyake ndi mlenjilenji ukamulindizge Farao wachiya ku maji, ndipo ukati kwaku iyo, ‘Ambuya atiti, “Ŵazomerezge ŵanthu ŵangu ŵarutenge, alinga ŵakanditataliyenge.

Chituwa 8:1

Sono Ambuya anguti kwaku Mosese, “Kasere kwaku Farao ndipo ukati kwaku iyo, ‘Viyo Ambuya atiti, “Ŵazomerezge ŵanthu ŵangu ŵarutenge kuti ŵakanditataliye.

Chituwa 3:13

Sono Mosese wanguti kwaku Chiuta, “Asani ndaruta ku ŵaYisraele ndikuŵanene kuti, ‘Chiuta wa auskemwe wandituma ine kwaku imwe,’ ndipo ŵachindifumba kuti, ‘Zina lake njani?’ Ndamukuti uli kwaku wo?”

Chituwa 4:22

Ndipo iwe wamukamba kwaku Farao, ‘Viyo ndimo anene Ambuya, Yisraele ndi mwana wangu waumwali,

Chituwa 4:23

ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.