Chituwa 7:13 - Tonga Bible 1986

¹³ Ungunonopa mbwenu mtima waku Farao; ndipo kuti wangukhumba kuvwiya cha, uli ndimo Ambuya angukambiya.

Chituwa 7:13 Referans Kwoze

Chituwa 4:21

Ndipo Ambuya anguti kwaku Mosese, “Utakuti wawere ku Egipiti ukawone kuti wachita vya minthondwi vyose paurongo paku Farao vyenivyo ndaŵeka mu nthazi yako; kweni ndamunonopeska mtima wake, viyo wamuzomerezga cha kuti ŵaYisraele ŵakarutenge.

Chituwa 8:15

Kweni penipo Farao wanguwona kuti pe chigowoke, wangunonopeska mtima wake, ndipo wangukana kuŵategherezga, uli ndimo Ambuya angukambiya.

ŴaHebere 3:13

Kweni chiskanani zuŵa ndi zuŵa kweche kuzumbulika “Le,” vinu yumoza waku imwe wangangangamiskika ndi fuvyu la ulakwi:

ŴaRoma 2:5

Kweni mu unononu wako ndi mtima wako wakukana kupe, ujiŵikiya kandundu mu zuŵa la kandundu ndi la uvumbuzi wa cheruzgu chirunji chaku Chiuta;

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Chituwa 10:27

Kweni Ambuya angunonopeska mtima waku Farao ndipo kuti wanguzomerezga cha kuti ŵarutenge.

Chituwa 10:20

Kweni Ambuya angunonopeska mtima waku Farao, ndipo kuti wanguzomerezga ŵana ŵaku Yisraele kuruta cha.

Chituwa 10:1

Sono Ambuya anguti kwaku Mosese, “Ruta, ukawere kwaku Farao; pakuti ndanonopeska mtima wake ndi mtima wa ŵaŵanda ŵake, alinga kuti ndirongo visimikizgu vyangu mukati mwawo.

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

Chituwa 14:17

Ndipo ndikanonopeskanga mitima ya ŵaEgipiti kuti ŵaseremo kuŵandondoloska, ndipo ine ndirondenge unkhankhu paku Farao ndi liŵanja lake lose, magareta ghake, ndi ŵankhondo ŵapa ŵakavalo ŵake.

Chituwa 7:12

Pakuti we yose wangupong'a pasi ndodo yake, ndipo yingusanduka njoka. Kwena ndodo yaku Aroni yingumeza ndodo zawo.

Chituwa 7:14

Sono Ambuya anguti kwaku Mosese, “Mtima waku Farao wanonopeskeka, wakana kuŵazomerezga ŵanthu kuruta.

Chituwa 7:22

Kweni ŵavyanusi ŵaEgipiti ŵanguchita vyakukozgana navyo ndi mayera ghawo; viyo mtima waku Farao ungujaririya wakunonopa, ndipo kuti wangukhumba kuŵategherezga cha uli ndimo Ambuya angukambiya.

Chituwa 8:19

Ndipo ŵakuwukwa ŵanguti kwaku Farao, “Uwu ndi muvwi waku Chiuta.” Kweni mtima waku Farao ungunonopeskeka, ndi kuti wangukhumba kuŵategherezga cha, uli ndimo angukambiya Ambuya.

Chituwa 9:7

Ndipo Farao wangutuma ndipo ehe nanga njimoza cha ya ng'ombe za ŵaYisraele yingufwapo. Kweni mtima waku Farao ungunonopeskeka, ndipo kuti wanguŵazomerezga kuruta cha ŵanthu ŵa.

Chituwa 9:12

Kweni Ambuya angunonopeska mtima waku Farao ndipo kuti wanguŵategherezga cha, uli ndimo Ambuya angukambiya kwaku Mosese.

1 Samuele 6:6

Munonopeskiyengenji mitima yinu nge ndimo ŵaEgipiti ndi Farao ŵangunonopeske mitima yawo? Wanguti ŵachita vyakuziziswa mukati mwawo, asi ŵanguzomerezga ŵanthu kuruta, ndipo ŵanguruta.

Chituwa 8:11

Ŵamchuwa ŵakatuwangako kwinu ndi ku nyumba zinu ndi ku ŵateŵeti ŵinu ndi ŵanthu ŵinu; ŵakasiyikanga mu Nile.”

Chituwa 8:28

Viyo Farao wanguti, “Ndikamuzomerezganinga kuruta, kwachipereka sembe ku Ambuya Chiuta winu mu bozwa, kweni kuruta mukarutanga kutali ukongwa cha. Ndiŵeyeriyeni ine.”

Chituwa 9:35

Viyo mtima waku Faro ungononopa, ndipo kuti wanguzomerezga ŵaYisraele kuruta cha; uli ndimo Ambuya angukambiya kwaku Mosese.

2 Mikoka 36:13

Ndipo so wangugarukiya karonga Nebukadanezara yo wangumlapiska ndi Chiuta, wangunonopa khosi lake ndi kunonopeska mtima wake kureka kukwere kwa Ambuya Chiuta waku Yisraele.