Chituwa 7:1 - Tonga Bible 1986

¹ Ndipo Ambuya anguti kwaku Mosese, “Wona, nditukuchita kuŵa nge ndi Chiuta kwaku Farao ndipo Aroni mwana munyako wamukuŵa mchimi wako.

Chituwa 7:1 Referans Kwoze

Sumu 82:6

Ine ndinguti, “Ndimwe ŵachiuta, mose imwe, mwe ŵana ŵa Wapachanya Limu;

Yeremiya 1:10

Wona ndakumika iwe msana wale pa mitundu ndi pa maufumu, kupontho ndi kuswiya pasi, kubwanganduwa ndi kuthereska, kuzenga ndi kupanda.”

1 ŴaKaronga 17:23

Eliya wanguto mwana, ndipo wangusika nayo kutuwa ku chipinda chapachanya kuza mu nyumba ndi wangumupereka ku nyina; Eliya wanguti, “Ona, mwana wako ngwamoyo.”

2 ŴaKaronga 6:32

Elisha wenga munyumba yake, ndipo ŵaraŵara ŵanguja pamoza nayo. Sono karonga wangutuma munthu kutuwa pa maso pake, kweni muthenga yuwa wenga wandafike Elisha wanguti ku ŵaraŵara, “Mwawona, mo uyu mubayaŵanthu wanditumiya munthu kuti wazidumuwe mutu wangu? Ehe, asani muthenga uyu waza mujare chisasa, ndi muchikhozge ukongwa chimutonde kujura. Kumbi mdinu wakuchapuka kwa mbuyake kuti wekuvuli kwake cha?”

Chituwa 16:29

Wonani! Ambuya akupaskani Sabata lo, chifukwa cho pa zuŵa la chinkhonde ndi chimoza atukupaskani chiŵandi cha mazuŵa ghaŵi; we yose waku imwe waje mu malo ghake, paulevi munthu watuwepo pa zuŵa la chinkhonde ndi chiŵi.”

Chiyambo 19:21

Wanguti kwaku iyo, “Awona, ndakupaska mwaŵi uwu nawo, wakuti ndikabwanganduwanga cha msumba wo weniwo wanena.

Wakutaula 1:10

Kumbi chiripo chinthu paku chenicho kungakambika kuti, “Awonani, ichi nchifya?” Chengako kale, ifwe tenga tindaweko.

Sumu 78:12

Pa maso pa auskeu wanguchita vyakuziziswa, mu charu cha Egipiti, mu malisuwa gha Zoani.

Machitidu gha Ŵakutumika 7:7

‘Ndipo mtundu, kwaku wo ŵaŵenge ŵaŵanda, nderuzgenge ine,’ wanguti Chiuta, ‘ndipo pavuli paku vyenivi ŵakatuwangamo, ndipo ŵakateŵetiyanga ine mu malo ghenighano.’