Chituwa 6:8 - Tonga Bible 1986

⁸ Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Chituwa 6:8 Referans Kwoze

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Ezekiele 20:42

Po ndikamutoriyaninga mu charu chaku Yisraele, charu cho ndingurapa kupaska ku auskemwe, ndipo mukaziŵanga kuti ine ndine Ambuya.

Chiyambo 14:22

Kweni Abramu wanguti ku karonga wa Sodomu, “Ndarapa ku Ambuya Chiuta Wapachanya Limu, Mlengi wa kuchanya ndi pasi,

Ezekiele 47:14

Muchigaŵenge kwakuyanayana; ndingurapa kuchipaska ku auskemwe, ndipo charu ichi chiŵenge kwaku imwe nge nchihara.

Marangu 32:40

Pakuti ndisoske janja langu kuchanya ndi ndirapa, kuti, Mwenimo ndijariya wamoyo muyaya.

Chituwa 32:13

Kumbukani Abrahamu, Yisaki, ndi Yakobe ŵaŵanda ŵinu, kwaku wo mungurapiya paku mwaŵeni, ndipo munguti kwaku wo, ‘Ndikandaniskanga mphapu zinu nge ndi nyenyezi za kuchanya, ndipo charu chose ichi cho ndapangana kuti ndichipaskenge ku mphapu zinu, iwo ŵakachiharanga muyaya.’ ”

Chiyambo 35:12

Charu chenicho ndingupaska Abrahamu ndi Yisaki ndikapaskanga iwe, ndipo ndikapaskanga charu cho ku mphapu yako pavuli pako.”

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Ezekiele 36:7

chifukwa cho atiti Ambuya Chiuta: Ndarapa umoyo, kuti, mitundu yo yakuzingirizgani ndiyo yikatombozgekanga.

Ezekiele 20:28

Pakuti po ndinguti ndaŵatore ku charu cho ndinguŵarapiya kuŵapaska, sono iwo po pose ŵanguwona mtunthu wose utali pamwenga muti wose uŵisi ŵanguperekapo sembe zawo penipa, ndikupereka mpasku wawo wakundisosomole; penipa wangukwezga vya fungu lawo lamampha, ndipo penipa wangudira mipasku yawo yakumwa.

Ezekiele 20:23

Ndipo so ndinguŵarapiyamu bozwa kuti ndikaŵambininiskiyanga mu mitundu ndi kuŵaparghang'iya mu vyaru vinyake,

Ezekiele 20:15

Kweni ndi kweni mu bozwa ndinguŵarapiya kuti, kuti ndikaŵatoriyanga mu charu cho ndikuŵapaska cha, charu chakudika mkaka ndi uchi, charu chakutowa kuruska vyaru vyose vinyake,

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Chituwa 6:6

Viyo kamba ku ŵaYisraele, ‘Ndine Ambuya, ndipo ndikakutuzganingiko kusi ku mphingu za ŵaEgipiti, ndipo ndikakupozomoskaninga ku uŵanda wawo, ndipo ndikakuwomboninga ndi janja lakutambaruwa ndipo ndi nchitu zikuru za cheruzgu,

Chituwa 6:2

Ndipo Chiuta wanguti kwaku Mosese, “Ndine Ambuya,

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chituwa 13:5

Ndipo penipo Ambuya atikutoleni mu charu cha ŵaKanani, ŵaHiti, ŵaAmori, ŵaHivi, ndi ŵaYebusi cho angurapiya ku auskemwe kwachipaska imwe, charu chakutaŵala mukaka ndi uchi, mukasunganga uteŵeti uwu mu mwezi uwu.

Maŵerengedu 14:30

Palivi yumoza wakaserenga mu charu cho ndingurapa kuti mwamujamo, kweni Kalebe pe mwana waku yefune ndi Yoswa mwana waku Nuni.

Yoswa 24:13

Ndingukupaskani charu chenicho imwe mwengavi kutataliyapo, ndi misumba yeniyo kuti munguzenga imwe cha, ndipo muja mwenimo, muturgha vipasi vya minda ya mphereska ndi ya maolive yo kuti mungupanda imwe cha.’

Nehemiya 9:15

Munguŵapaska chiŵande kutuliya kuchanya chifukwa cha nja yawo ndi munguŵatuzgiya maji mu jarawe chifukwa cha nyota yawo, ndipo munguŵanene kuti ŵaruti kwachihara charu chenicho mungulumbila kuŵapaska.

Chituwa 6:4

Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Maŵerengedu 10:29

Ndipo Mosese wangurongoro ndi Hobabu mwana waku Reuele mwina Midiani, musibweni waku Mosese kuti, “Iwe tirute ku charu cho Ambuya anguti, ‘Ndachipaska kwaku imwe’; urutenge nafwe, ndipo tikakuphwerenga; pakuti Ambuya akurongoro umampha paku Yisraele.”

Maŵerengedu 11:12

Kumbi ndikuŵabala ndine ŵanthu wose yaŵa? Kumbi wose mbangu pakuti mukambe kwaku ine kuti, Uŵabape nge ndimo mlezi wabapiya litema lakonkha, kuti ndirute nawo ku charu cho mungurapiya auskeu?

Marangu 4:31

Pakuti Ambuya Chiuta winu ndi Chiuta walisungu, kuti wakurekeninge cha, pamwenga kumupasuwani, pamwenga chingana nkhuruwa phanganu ndi auskemwe lenilo wanguŵarapiya.