Chituwa 6:4 - Tonga Bible 1986

⁴ Ndinguchita so phanganu langu ndi iwo, kuŵapaska charu cha Kanani, charu cho ŵangujamo nge mbayinga.

Chituwa 6:4 Referans Kwoze

Chiyambo 28:4

Wapaske chitumbiku chaku Abrahamu kwaku iwe ndi ku mphapu yako pamoza nawe, alinga kuti muhare charu cho mukatandarangamo cho Chiuta wangupaska kwaku Abrahamu!”

Chiyambo 15:18

Mu zuŵa leniliya Ambuya anguchita phanganu ndi Abramu lakuti, “Ku mphapu yako ndipaska charu ichi, kwamba pa msinji wa Egipiti kufika ku msinji ukuru zina lake Efrate,

Chiyambo 26:3

Utandari mu charu ichi, ndipo ine ndikaŵanga nawe, ndi ndikutumbikenge; pakuti kwaku iwe ndi ku mphapu yako ndikapaskanga ivi vyaruvyose, ndipo ndikafishkanga rapu lo ndingurapa kwaku Abrahamu ausu.

Machitidu gha Ŵakutumika 7:5

ndipo kuti wangumpaska chihara mwenimo cha, chingana nchakukandapo rundi: kweni wangupangana kuchipaska uli nchihara kwaku iyo, ndi ku mbeu yake pavuli pake.

Yesaya 55:3

Khazgani gutu linu, zani kwangu; vwani, alinga kuti mzimu winu uŵe wamoyo; ndipo ndikachitanga namwe phanganu la muyaya, chifundu changu, chanju changu nchakukho nadi paku Davidi.

Sumu 105:12

Ŵanthu ŵaku Chiuta ŵenga ŵakurengeka ŵaka, ndipo ŵenga ŵalendo mu charu.

2 Samuele 23:5

Inya kumbi nyumba yangu asi yituma viyo ndi Chiuta? Pakuti wapangana nane phanganu la muyaya lakurongosoleka mu vinthu vyose, ndi lakukho. Pakuti asi ŵachiyandaniskenge chovyo changu chose ndi khumbiro langu?

Chiyambo 28:13

Ndipo ehe, Ambuya anguma pachanya pake ndi anguti, “Ndine Ambuya, Chiuta waku Abrahamu ausu ndi Chiuta waku Yisaki; charu chenicho wagonapo ndikachipaskanga kwako ndi ku mphapu yako;

Chiyambo 23:4

“Ine nde mlendo ndi muyinga mukati mwinu; ndipaskenipo malo mukati mwinu kuŵa malo gha masanu, kuti ndiŵikepo wakufwa wangu kutuzgako ku maso kwangu.”

Chiyambo 17:13

pamwenga wakugulika ndi ndrama zinu ku mlendo we yose yo kuti ngwa mphapu yinu cha; munthu wakupapika mu nyumba yinu ndi so munthu wakugulika ndi ndrama zinu, wakachinjikanga. Viyophanganu langu likaŵanga la muyuya mu nyama yinu.

Chiyambo 17:4

“Ehe, phanganu langu le pamoza nawe, ndipo ukaŵanga uskeu wa mitundu yinandi.

Chiyambo 15:13

Sono Ambuya anguti kwaku Abramu, “Ziŵa kwakuneneska kuti mphapu yako yikatandalanga mu charu cho kuti nchawo cha, ndipo ŵakaŵanga ŵaŵandamwenimuwa, ndipo ŵakaŵasuzganga virimika machumi pe chumi ghanayi (400);

Chiyambo 6:18

Kweni nkhachitanga phanganu langu ndi iwe. Ukaserenga mu chombo ndi ŵana ŵako, muwoli wako, ndi ŵawoli ŵa ŵana ŵako.

Chiyambo 12:7

Sono Ambuya anguwoneka kwaku Abramu, ndi anguti, “Ndikapaskanga charu ichi ku mbumba zako.” Viyo wanguzenga penipa jochero ku Ambuya ŵeniwo angumuwoneke.

Chiyambo 26:4

Ndikandaniskanga mphapu yako uli ndi nyenyezi za kuchanya, ndipo ndiapaskanga ku mphapu yako uli ndi nyenyezi za kuchanya, ndipo ndikapaskanga ku mphapu yako ivi vyaru vyose; ndipo mu mphapu yako mitundu yose ya charu chapasi yitumbikikenge.

Maŵerengedu 10:29

Ndipo Mosese wangurongoro ndi Hobabu mwana waku Reuele mwina Midiani, musibweni waku Mosese kuti, “Iwe tirute ku charu cho Ambuya anguti, ‘Ndachipaska kwaku imwe’; urutenge nafwe, ndipo tikakuphwerenga; pakuti Ambuya akurongoro umampha paku Yisraele.”

Chituwa 6:8

Ndipo ndikutoliyeninge mu charu cho ndingurapa kuchipaska kwaku imwe kuŵa chihara. Ndine Ambuya.’ ”

Chituwa 13:4

Zuŵa ili mukatuwanga, mu mwezi wa Abibi.

Chituwa 13:5

Ndipo penipo Ambuya atikutoleni mu charu cha ŵaKanani, ŵaHiti, ŵaAmori, ŵaHivi, ndi ŵaYebusi cho angurapiya ku auskemwe kwachipaska imwe, charu chakutaŵala mukaka ndi uchi, mukasunganga uteŵeti uwu mu mwezi uwu.

Sumu 105:11

kuti, “Ndikupaskenge charu cha Kanani; chikaŵanga chihara chako.”