Chituwa 6:3 - Tonga Bible 1986

³ ndinguwoneka kwaku Abrahamu, kwaku Yisaki, ndi kwaku Yakobe, nge ndi Chiuta Wanthazizose, kweni ndi zina langu la Ambuya ndengavi kujiziŵiska kwaku wo.

Chituwa 6:3 Referans Kwoze

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Sumu 68:4

Mbiyani Chiuta, mbiyani unkhankhu ku zina lake; murongosoliyeni nthowa, iyo wakukwera pa mitambo. Zina lake ndi Ambuya kondwani paurongo pawo.

Chituwa 3:14

Chiuta wanguti kwaku Mosese, “NDINE MWENIYO NDINE.” Ndipo wanguti, “Ukakambe ichi ku ŵaYisraele, ‘NDINE, wandituma kwaku imwe.’ ”

Chiyambo 48:3

Ndipo Yakobe wanguti kwaku Yosefe, “Chiuta Wanthazi zose wangundiwoneke pa Luzu mu charu cha Kanani ndi wangunditumbika,

Chiyambo 17:1

Pa nyengo yo Abramu wenga wa virimika machumi ghankhonde ndi ghanayi pachanya vinkhonde ndi vinayi (99) Ambuya angumuwoneke Abramu ndi anguti kwaku iyo, “Ndine Chiuta wanthazi zose; wendenge paurongo pangu ndipo uŵi wambura kalema.

Yesaya 44:6

Viyo atiti Ambuya, Karonga waku Yisraele ndi Muwombozi wake, Ambuya ŵa maŵanja: “Ndine wakudanga ndipo ndine wakumariya; pade paku ine palivi chiuta.

Chiyambo 35:11

Ndipo Chiuta wanguti kwaku iyo, “Ndine Chiuta wanthazizose: upapane ndiwandane; mtundu ndi mpingu wa mitundu ukatuwanga mwako, ndipo ŵakaronga ŵakatuwanga mwako.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Yohane 8:58

Wanguŵanene Yesu, “Nadidi ndikuneneskiyani, wenga wandawe Abrahamu, ine ndiriko.”

Yesaya 42:8

Ndine Ambuya, lo ndilo zina langu; unkhankhu wangu kuti ndipaska ku munyake cha, pamwenga chisopo changu ku ŵangoza ŵakusongono.

Chiyambo 22:14

Viyo Abrahamu wangudana zina la malo gha, “Ambuya akapaskanga,” uli ndimo kukambikiya mpaka zuŵa lino, “Pa phiri la Ambuya chikapaskikanga.”

Chiyambo 13:18

Viyo Abramu wangutuzgapo hema lake ndi wanguza ndi wanguja pafupi ndi miti ya misolo yamu Mamre, yeniyo yemu Hebroni, ndipo penipa wanguzenga jochero ku Ambuya.

Chiyambo 28:3

Chiuta wanthazi zose wakutumbike ndipo wakupaske mphapu ndi kukwandaniska, alinga kuti uŵe mpingu wa ŵanthu.

Chituwa 15:3

Ambuya ndi munthu wa nkhondo; Ambuya ndilo zina lawo.

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Ruti 1:20

Iyo wanguti kwaku wo, “Rekani kundidana kuti Naomi kweni mundidanenge kuti Mara, pakuti Wanthazizose wachita nane kwakuŵaŵa ukongwa.

Yeremiya 16:21

“Chifukwa cho, ehe, ndikaŵaziŵiskanga, kamoza pe ndikaŵaziŵiskanga nthazi yangu ndi mazaza ghangu, ndipo ŵakaziŵanga kuti zina langu ndine Ambuya.”

Yeremiya 33:2

“Viyo atiti Ambuya ŵeniwo angulenga charu chapasi, ndi kuchisunga, Ambuya ndi zina lawo:

Ezekiele 20:5

ŵanene kuti, Viyo atiti Ambuya Chiuta: Pa zuŵa lo ndingusankhiya Yisraele, ndingurapa ku mbeu ya nyumba yaku Yakobe, ndingujivumbuwa ine ndamwene kwaku iwo mu charu cha Egipiti, ndinguŵarapiya, kuti, Ndine Ambuya Chiuta winu.

Ezekiele 37:6

Ndikaŵikanga misipi mwaku imwe, ndikawerezgiyanga mnofu paku imwe, ndi kukuburumutizgani ndikhungu, ndi kuserezga mvuchi mukati mwinu, mukaŵanga ŵamoyo, ndipo mukaziŵanga kuti ine ndine Ambuya.”

Ezekiele 37:13

Ndipo mukaziŵanga kuti ine ndine Ambuya, asani ndajura miunda yinu, ndi kumuyuskiyani kubwaro, mwa ŵanthu ŵangu.