Chituwa 6:26 - Tonga Bible 1986

²⁶ Yaŵa ndiwo Aroni ndi Mosese kwaku wo Ambuya anguti: “Tuzgani mtundu waku Yisraele mu charu cha Egipiti mu maŵanja ghawo.”

Chituwa 6:26 Referans Kwoze

Chituwa 12:51

Ndipo mu zuŵa leniliya Ambuya angutuzga ŵaYisraele mu charu cha Egipiti mu maŵanja ghawo.

Chituwa 12:17

Ndipo mukasunganga dghera la chiŵande chambura mtupu, pakuti pa zuŵa lenili ndilo ndingutuzgiyamo maŵanja ghinu mu charu cha Egipiti viyo mukasunganga zuŵa ili, mu migonezi yose, nge ndi dangu muyaya.

Chituwa 7:4

Farao kuti wakumutegherezgani cha; pavuli ndikaŵikanga janja langu pa ŵaEgipiti ndi kutuzgamo maŵanja ghangu, ŵanthu ŵangu, ŵana ŵaku Yisraele mu charu cha Egipiti ndi nchitu zikuru za cheruzgu.

Chituwa 6:13

Kweni Ambuya angukamba ndi Mosese ndi Aroni, ndi anguŵapaska langulu ku ŵaYisraele ndi kwaku Farao karonga wa Egipiti kuŵatuzga ŵaYisraele mu charu cha Egipiti.

Maŵerengedu 33:1

Yagha ndi maulendo gha ŵa Yisraele, ŵachituwa mu charu cha Egipiti mu mafuku ghawo pasi pa urongozgi waku Mosese ndi Aroni.

Mika 6:4

Pakuti ndamutuzgani mu charu cha Egipiti, ndi kumuwomboni mu nyumba ya uŵanda; ndipo ndingukutumiyani panthazi pinu Mosese, Aroni ndi Miriamu ŵarongozge.

Sumu 99:6

Mosese ndi Aroni ŵenga ŵazukuru ŵake, Samuele wenga yumoza wa ŵakumusopa; wangudana ku Ambuya ndipo iwo anguŵamuka:

Sumu 77:20

Mungurongozga ŵanthu ŵinu nge ndi muskambu, ndipo Mosese ndi Aroni ndiwo ŵenga ŵakuŵatufuliya.

1 Mikoka 6:3

Ŵana ŵaku Amramu: Aroni, Mosese, ndi Miriamu. Ŵana ŵaku Aroni: Nadabu, Abihu, Eleazara ndi Itamara.

1 Samuele 12:8

Po Yakobe wanguya ku Egipiti, ŵaEgipiti ŵanguŵakandirizga, ndipo auskemwe ŵanguliriya ku Ambuya, Ambuya angutuma Mosese ndi Aroni wo ŵangutuzga auskemwe mu Egipiti, kwaziŵajarika mu malo yagha.

1 Samuele 12:6

Samuele wanguti, “Ambuya ndi kaboni, yo wangusankha Mosese ndi Aroni yo wangutuzga auskemwe mu charu cha Egipiti.

Yoswa 24:5

Ndipo ndingutuma Mosese ndi Aroni, ndinguderuwa Egipiti ndi vyo ndinguchita mukati mwake, pavuli pake ndingumutuzgani imwe.

Chituwa 32:11

Kweni Mosese wanguŵeyere Ambuya Chiuta wake, ndi wanguti, “Ambuya mwe, chifukwa chine ukari winu ukole ndi kocha pa ŵanthu ŵinu, wo mukutole kuno kutuwa mu charu cha Egipiti ndi nthazi yikuru ndi janja lakulimba?

Chituwa 32:7

Ndipo Ambuya anguti kwaku Mosese, “Sika, pakuti ŵanthu ŵako, wo ungutole kuno kutuwa mu charu cha Egipiti ŵajikazuzga.

Chituwa 32:1

Penipo ŵanthu ŵanguwona kuti Mosese waswera kusika ku phiri, ŵanthu ŵanguwungana pamoza kwaku Aroni, ndi ŵanguti kwaku iyo, “Soka, utichitiye ŵachiuta, wo ŵakatidanjiriyanga; tiziŵa cha cho chaŵiya uyo Mosese mweniyo wangutitole kuno kutuwa mu charu cha Egipiti.”

Chituwa 20:2

“Ine ndine Ambuya Chiuta wako, mweniyo wangukutuzga mu charu cha Egipiti kutuwa mu nyumba ya uŵanda.

Chituwa 13:18

Kweni Chiuta wanguŵarongozga ŵanthu ŵa kwakuzunguliya mu nthowa ya ku bozwa kurazga ku Nyanja Yiyera. Ndipo ŵaYisraele ŵangukwera kutuwa mu charu cha Egipiti ŵakuskoma nkhondo.

Chituwa 6:20

Amiramu wanguto kuŵa muwoli Yokebede, mzichi wa awiske ndipo wangumupapiya Aroni ndi Mosese: Amiramu wanguŵa ndi virimika machumi pe chumi pachanya machumi ghatatu ndi Vinkhonde ndi viŵi (137).

Chituwa 6:7

ndipo ndikakuchitaninga kuŵa mtundu wakundamweni, ndipo ndikaŵanga Chiuta winu, ndipo mukaziŵanga kuti ndine Ambuya Chiuta winu, mweniyo wakutuzgani kusi ku mphingu za ŵa Egipiti.

Chiyambo 2:1

Viyo machanya ndi charu chapasi vingumara, ndi maŵanja ghawo ghose.

Chituwa 12:41

Ndipo pa umari wa virimika machumi pe chumi ghanayi ndi machumi ghatatu (430) mu zuŵa leniliya, maŵanja ghose gha Ambuya ghangutuwa mu charu cha Egipiti.